『今日好煮意』之~ 《星洲鮮魷》(附食譜)
~ Oh no~我都要放假呀
~ 為配合我家陣嘅心情，就响我嘅食譜資料庫度，搵番一個顏色好爆嘅食譜出來應應境，就是《星洲鮮魷》喇~
《星洲鮮魷》食譜
材料:鮮魷1斤、紅椒半隻、黃椒半隻、青椒半隻、洋蔥半隻、蒜蓉1茶匙半、指天椒1隻、薑2片、紹酒1茶匙、獅球嘜芥花籽油2湯匙
醃料: 鹽半茶匙、薑汁1茶匙
調味料:
(A)鹽半茶匙、水份1湯匙
(B)生抽1茶匙、鹽半茶匙
(C)咖哩粉半茶匙、黃薑粉半茶匙、紅椒粉1/4茶匙
做法:
1)鮮魷洗淨切件，界花後拌入醃料備用．
2)洋蔥去皮切件狀備用青椒、紅椒、黃椒洗淨切件備用；指天椒切粒備用．
3)燒熱鑊下油1湯匙，爆香薑片、1/2茶匙蒜蓉及指天椒後，下洋蔥及三色椒炒香，加入調味料(A),待材料炒約八成熟後，盛起，備用
4)燒熱鑊下油1湯匙，爆香薑片及1茶匙蒜蓉，下鮮魷炒香，鑊邊灒酒後加蓋片刻，加入調味料(B)炒香後，將洋蔥及三色椒回鑊，最後加入調味料(C)猛火爆炒，即成．
【小貼士】
1)炒呢味餸時，要留意火候，火力要夠，炒鮮魷同配料時手勢要夠快，否則鮮魷一出水就唔夠香口架喇~
2)假若爐火不夠力而怕鮮魷爆炒途中出水，可預先將鮮魷汆水，可減少爆炒途中出水機會，但鮮魷味道會變得較淡口啊~
以下是鮮魷處理方法及界花方法短片，請點擊→
【何師奶烹飪短片分享之~鮮魷處理方法及界花方法】
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
