養顏小食~《焗腰果》原味及朱古力味(附食譜)

Share

養顏小食~《焗腰果》原味及朱古力味(附食譜) 

屋企零食柜長期都只係得餅乾、餅乾同餅乾~ Wakakakaaaaaa~ 
薯片/糖果真係少之有少，皆因有位失控師奶，可以一次過食曬大包裝芝士味Lay's薯片(一人獨享)，哈哈~解決方法就係只買餅乾囉~ 呵呵呵~
但......食得餅多悶悶哋，為打破悶局，近日玩自家製堅果類食品，早前焗花生，今云焗腰果，因為太易做，所以焗唔停啊~ 

初時諗住响超巿買烤好嘅現成堅果做零食，但睇落價目都唔平喎，都係响海味雜貨店，買Ｄ生out out嘅腰果番屋企焗化算Ｄ啊~ (精打細算師奶mode啟動中~hahah~)
原味烤腰果做法:
先將腰果洗淨，用廚紙吸乾水份，平均鋪於烤盤中。

放入水波爐以convection(須預熱)160度焗20-25分鐘(烤焗時間，須視乎腰果的大小作調較)，亦可用有對流風的焗爐烤焗(時間及溫度相同，但不同牌子的焗爐爐溫會有差異，或須自行作適量調較)

因今次我想將腰果加朱古力味道，所以沒有加入少許生油烤焗，想香口一點，可於烤焗時加入一茶匙油將腰果拌勻，然後烤焗，會更金黃香口的~ 

烤焗好的腰果，放涼後入樽，我將部份製作成朱古力味腰果，製作方法簡單，只須煮少許焦糖水，快手放入腰果拌勻，倒進不黏烤盤，灑上朱古力粉拌勻即成。
(P.S.:焦糖水要煮到有少許濃稠，但不要過杰，放入腰果後，快手拌勻倒出，然後立即加入朱古力粉，放涼片刻入樽即成)

腰果的相關資料(資料來源:互聯網)
《營養成分》:蛋白質+碳水化合物+維生素A+B1+B2+B6+亞麻油酸+不飽和脂肪酸+澱粉+糖+鈣+鎂+鉀+鐵等微量的元素。
《營養價值》: 腰果中內含百分之四十五左右的脂肪、蛋白質，另有豐富的維他命A、B1、B2、B6及各種有益的酸、鈣、鎂、鐵、鉀、氨基酸等多種礦物質，可用來油炸、鹽漬及糖漬。由於腰果的脂肪是一種良質脂肪酸，是增強體力的來源之一。腰果中的脂肪成分主要是不飽和脂肪酸，能使排便順利、養顏美容、增加體力、調整體質等作用。

歡迎加入東芝水波爐分享區『東芝水波谷群組』 → https://www.facebook.com/groups/426506597487890/ 
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~