滋潤甜品~《杏汁雪耳燉雪梨》(附食譜)

Share

滋潤甜品~《杏汁雪耳燉雪梨》(附食譜) 

天氣乾燥，喉嚨有少少乾涸，所以燉番個甜品來潤潤啊~ 材料好簡單，雪梨、南北杏同雪耳，潤肺養顏喔~
製作呢個甜品時，上網做過資料搜集，原來雪梨皮藥用價值相比梨肉為高，燉好嘅雪梨我連皮食埋，梨肉是滑嘟嘟但味道偏淡，連埋糖水一齊食就啱啱好啊~

好喜歡用高速煲製作燉品，一嚟唔怕乾水，二嚟可以縮短時間，高速煲15分鐘等如1小時，即是以高速煲燉30分鐘，已等如燉咗兩小時啊~ 加壓後只須以最細火操作，省卻不少燃料費同時間啊~ Good~!
《杏汁雪耳燉雪梨食譜》

無添加~ 全蛋法的~《海綿蛋糕》(附食譜)

無添加~ 全蛋法的~《海綿蛋糕》(附食譜) 

製作蛋糕甜點，如果可以的話，我會選「無添加」，什麼泡打粉(發粉)、梳打粉、塔塔粉、乳化劑、蛋糕/麵包改良劑，可以避免的話，會盡量避免，因我有味精敏感及少許化學劑敏感，細個時我冇敏感的，但日積月累，滿咗quota，突然出現敏感徵狀，睇專科醫生後，醫生話冇計，由來添加劑都是少吃為妙，假若有嚴重過敏反應時就要食藥啊~ 

甜品實驗室之~《薑汁梳乎厘》(附食譜)

Share

甜品實驗室之~《薑汁梳乎厘》(附食譜) 

甜品新手愛上玩甜品，仲越玩越開心添啊~ 哈哈哈~玩過《戚風》、《卷蛋》、《蛋撻》及《椰皇燉蛋白》後，最新mission係 →《薑汁梳乎厘》
哈哈哈~烤焗時真係好緊張呢~ 見佢開始升時，真係好興奮，跟住見佢升到唔曉停咁，又怕佢升過龍，會變做象拔蚌，好在最後佢都生生性性，企定定兼皮光肉滑咁出爐~ 真的抹一把汗啊~ Wakakakaaaaaa~ 

滋潤甜品~《椰皇燉蛋白》(附食譜)

Share

滋潤甜品~《椰皇燉蛋白》(附食譜) 

過了中秋，終感到有幾分秋意~ 天氣漸轉乾燥......←哎吔，寫寫吓又轉咗書面語了，我都係寫番口語化啱feel D啊~ hahaha~ 天氣乾燥，要多吃點滋潤嘅食物，昨晚獻出咗我嘅第．一．次......開椰皇同燉《椰皇燉蛋白》啊~ 呵呵呵~

OperaHouse四色意大利飯及秋季新菜式

Opera House四色意大利飯及秋季新菜式 

九月中甸於Oper House品嚐新近推出的四色意大利飯及秋季新菜式，賞心悅目的「四色意大利飯」，味道及賣相俱佳~

會愛上喔~《自家製牛油皮蛋撻》(附食譜)

  會愛上喔~《自家製牛油皮蛋撻》(附食譜)

上星期於Facebook Page已亮相的《自家製牛油皮蛋撻》，蝸牛師奶今日終於寫好食譜了~
自從用咗新焗爐，令我重拾烘焙嘅興趣，因為佢嘅爐溫好穩定，所以大家會發現，我整多咗蛋糕同烤焗食品啊~
以前我有整過蘋果批，但蛋撻就未整過，今次嘅食譜，係集各家之大成，然後我亂咁將佢組合而成的~ hahaha~ 符符碌碌成功了~ 外皮鬆化，蛋又滑嘟嘟嘅呢~ 好滿意呀~

製作呢個蛋撻，唯一難度係响塊皮度，因為越鬆化嘅牛油皮，就越難造型，假若雙手過熱又或者造型過久，牛油皮好快溶化變形，所以要自己拿捏呢方面嘅技巧啊~

「皮光肉滑的」~《綠茶栗子忌廉卷蛋》全蛋法~冇添加 (附食譜)

Share

「皮光肉滑的」~《綠茶栗子忌廉卷蛋》全蛋法~冇添加 (附食譜) 

Haha~ 心中的那團戚風火開始冷卻，接著卷蛋火剛燃起了，做呀茂真係好好玩呢~ 以往只愛製作家常小菜，煮煮吓冇乜火花，貪玩師奶覺得有點悶悶哋，哈~! 多謝水波谷燃點起我做蛋糕嘅興緻，家陣越玩越開心呢~ 

滑嘟嘟的~《鴻喜菇蒸水蛋》(附食譜)

Share

滑嘟嘟的~《鴻喜菇蒸水蛋》(附食譜) 

哈哈哈~今日繼續是『有水波冇奔波』系列，滑嘟嘟的《鴻喜菇蒸水蛋》，我會另附上一般蒸煮做法，沒有用水波爐的朋友仔一樣可以做得到的喔~ 
其實蒸水蛋真係好鬼易的，無論用任何鍋具或爐具製作都可以，只要你搵到佢嘅perfect match就得架喇~ 哈哈哈~唔明白~!? 唔緊要，看下圖就明白架喇~ 

藝術風的~《冧酒提子忌廉卷蛋》(附食譜)

Share

藝術風的~《冧酒提子忌廉卷蛋》(附食譜) 

呢排愛上玩蛋糕，所以浪接浪地做呀茂，哈哈哈~對於整餅我係初哥，所以蝦碌事亦浪接浪，上面卷蛋嘅花紋，本應好有紋路的，但一到我手，即刻變得冇紋冇路(物似主人形)，嘿嘿嘿~個朱古力蛋糊開杰咗，所以唧得唔流暢，要用牙籤幫手劃花，哈哈哈~個圖案抽象到吖，好有天師捉妖feel呢(鬼劃符)~