獲【Compass Visa】邀請介紹麵包機 +《麵包機鬆軟白吐司》(附食譜)~^0^~

Share

獲【Compass Visa】邀請介紹麵包機 +《麵包機鬆軟白吐司》(附食譜)~^0^~

上個禮拜五，於頭條日報、AM730、都市日報，都會見到上圖嘅全版報章廣告，係介紹 youtube紅人hayhay同我即將以麵包機進行大比拼，嚟緊繼續會有報章廣告，介紹我哋呢個大對決，而為咗呢個大對決，我已積極備戰，因為．．我已轉咗全人手搓麵包，所以好耐冇用麵包機了~ hahaha~
全人手搓麵包，好處係．．假若懂得搓揉濕黏麵糰，成品會好鬆軟，可以自行決定製成品嘅造型，而唔好處係．．三個小時內唔可以行開，因為一到特定時間就要做幾個步驟，包括排氣、分割、滾圓、造型，然後再等第二次發酵，發酵完成後再放入焗爐烤焗，製作吐司步驟亦相同~
其實．．當我懂得手搓麵包後，已經冇諗住玩麵包機了，雖然我覺得手搓麵包過程都幾繁鎖，但習慣咗同埋對坊間麵包機冇信心，所以冇諗住用機呢~ 嘿嘿嘿~
點知．．人算不如天算，公關好友盛意拳拳咁送咗部機比我，收咗部機後，上網一search，嘩~! 點解ｄ口碑．．咁精彩嘅 @.@""，跟住一睇跟機食譜，嘩~~~~~~仲精彩呀*0*"，我寫過麵包書，知道假若用跟機食譜，真係．．精彩到無倫啊 ~ 結果我改曬佢嘅食譜，跟住就出咗下圖嘅鬆軟白吐司了(心中暗暗地..歡呼中~)~\(^0^)/~

一般白吐司，未必會加蛋同埋牛油，但我喜歡呢兩款食材，所以今次有加入少許蛋及牛油，假若有朋友仔想要冇蛋冇牛油配方，請在Facebook Page舉手(留言)，我會另研製一個配方給你^3^

Compass Visa麵包機，其實都幾有趣，唔明佢嘅烤焗預設時間，要成65分鐘，平時我用焗爐烤焗白吐司，只須180度焗30分鐘，而呢部機烤焗時間咁耐，初時以為佢用低溫烤焗，試過先知唔係囉，就係因為佢嘅預設烤焗時間過長，所以會令成品出事啊~ 所以除咗將食譜更改外，連烤焗時間都縮短埋，結果．．一號Basic功能本來全程須時三粒鐘，但家陣係2小時40分鐘就攪掂，時間縮短咗，成品鬆軟咗，咁先至Good架嘛~ 哈哈哈~!
嚟緊我會試佢其他mode，例如係Quick mode，睇吓成品會唔會更加正先~^0^~

我仲拍咗製成品短片同切割麵包方法，因為之前有網友查詢過，唔用切麵包輔助器之下，可以整齊切麵包方法，所以今日順手拍咗段短片分享啊~ (哈哈~短片內嘅麵包表面，比我用手指篤到佢變曬型啊~Wakakakaaaaaa~ )

《鬆軟白吐司食譜》
(Remarks:不同牌子麵粉受水程度各異，今次我選用價真棧嘅韓國麵粉，呢個牌子出咗幾種粉，大家唔好買錯呀，佢有寫明for "麵包"用至啱啊~ )

(Step one)先將以下材料放入不黏模內膽:
水份160克
雞蛋20克
鹽2克
糖30克
(Step two)然後將以下材料放入不黏模內膽:
高筋麵粉250克
奶粉10克(可用三花脫脂奶粉or up to you la~)
即用酵母3克 (不是乾酵母，而是即用酵母，雖然佢哋外貌似到不得了，但使用方法及份量有別，即用酵母於烘焙店有售)
(Step three)
無鹽牛油15克於麵糰攪拌3分鐘後下(牛油須預先室溫放軟)

Design Factory 麵包機選用1號程序Basic，然後揀選color為Light，按掣後三分鐘下牛油，蓋上機蓋，然後於麵包機剩下20分鐘時間時，可自行按掣熄機，按stop三秒即可．《自家製鬆軟白吐司》即手到拿來啊~! Yes~!!

(Remarks: 每部麵包機功能上有異，可能我所提供的食譜只適合 Design Factory麵包機，因我知道有網友試過將 P仔食譜套用在 Design Factory上，但效果未如理想，所以今次我特意為 Design Factory撰寫適合此機使用的食譜，未知會否適合其他麵包機使用啊 ^^" )

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~