「烹飪短片食譜」【必成功】【煎魚不黏鍋】《蕃茄煮紅衫魚》、《香蔥豉油煎封紅衫魚》

「烹飪短片食譜」【必成功】【煎魚不黏鍋】《蕃茄煮紅衫魚》、《香蔥豉油煎封紅衫魚》 

今日介紹兩味紅衫魚嘅經典家常菜《蕃茄煮紅衫魚》及《香蔥豉油煎封紅衫魚》，有入廚好拍檔「尚尼IHC智能恆溫鍋」幫手，紅衫魚煎得金黃香脆，再唔怕煎魚煎到甩皮甩骨喔~^
一年一度嘅工展會已開始，【尚尼IHC智能恆溫鍋】於工展會生活家居區 #5A67（12月16日-1月8日)，大家可以到工展會睇睇實物喔~^

《蕃茄煮紅衫魚》、《香蔥豉油煎封紅衫魚》示範短片:

《蕃茄煮紅衫魚》食譜

烹飪短片「自家製燉雞汁」及【5分鐘補身-田原香滴雞精】

烹飪短片「自家製燉雞汁」及【5分鐘補身的田原香滴雞精】 

 

自家製燉雞汁方法短片VS【5分鐘補身-田原香滴雞精】

「烹飪短片」簡單易做~ Rocky Mountain 【免焗棉花糖檸檬批】~(附食譜)

「烹飪短片」簡單易做~ Rocky Mountain 【免焗棉花糖檸檬批】~(附食譜)

想做甜批，但屋企冇焗爐? 哈哈~no problem la~，今日介紹呢個【免焗棉花糖檸檬批】就啱feel喇(^3^)/~☆ 簡單易做，賣相仲好靚仔添架☜(⌒▽⌒)☞
選用Rocky Mountain棉花糖，經典美國棉花糖品牌，由美國原裝入口，有品質既保證。除咗經典白色原味外，佢仲有色彩悅目嘅雜錦水果味，好吸引喔。
好耐之前已經想做檸檬批，但又怕佢會好酸，哈~! 今次配搭味道香甜嘅Rocky Mountain棉花糖，perfect match喔♥(⌒0⌒)♥
哈~! 我兩個囡見到棉花糖，即刻問我幾時同佢哋去BBQ呀，佢哋話BBQ有棉花糖先夠完美，我就話買完BBQ食材，跟住由佢哋負責找數，咁先夠完美喔~^ Wakakakaaaaaa~

以下是【免焗棉花糖檸檬批】烹飪短片~^

「無添加」【自家製豬肉腸】

「無添加」【自家製豬肉腸】

Haha~我的Gold Coast親親母親之旅玩得好開心，番到屋企就真係有咁耐風流，就有咁耐xx，間屋差D比我家大老爺同小姐們反轉，番到屋企洗熨清潔都攪咗一排，仲有兩隻小寵物要清潔，今日先有少少時間比我玩吓自家製豬肉腸，哈~! 不停做家務幾悶豆的，都係煮嘢食好玩D ~^0^~

【烹飪短片】《三款火鍋湯底食譜》~【麻辣湯底、椰子雞湯底、竹蔗茅根海底椰湯底】

【烹飪短片】《三款火鍋湯底食譜》~【麻辣湯底、椰子雞湯底、竹蔗茅根海底椰湯底】

中秋過後，天氣轉涼，即是....火鍋季節來了~\(^0^)/~
好鍾意响屋企吃火鍋，哈哈~更經濟實惠，又唔駛等位等到眼光光，湯底款式隨個人喜好，可以有多種變化，就好似以下三款湯底，滋潤的椰子雞湯，清潤的竹蔗茅根海底椰，以及惹味的麻辣火鍋，三款都好容易做，大家都要試試喔。

「烹飪短片」【必成功蛋糕食譜】~「無添加」~ 無泡打粉《紙包蛋糕》(附分蛋法食譜)

「烹飪短片」【必成功蛋糕食譜】~「無添加」~ 無泡打粉《紙包蛋糕》(附分蛋法食譜) 

「紙包蛋糕」係其中一款歷史悠久，陪住我呢位大嬸成長嘅蛋糕，幸好家陣佢仲未消失，因為大型連鎖餅店仲有得賣，所以我兩個囡都會知什麼是紙包蛋糕，其實有不少兒時美食已買少見少了，以前每逢假日，一家人到茶樓歎茶時，沿途有不少小販攤檔，父親大人會幫襯小販買即製龍鬚糖比我同妹妹食，酥鬆嘅糖絲真令人掛念，而家就算搵到有得賣，口感都係實的的，糖絲一點也不酥鬆，拉糖嗰位呀叔應該功力不足喔=.="
至於紙包蛋糕，蛋香味也不足，坊間出售嘅食品，因成本效益關係，大部份都有添加物，例如泡打粉、乳化劑等，唔想食咁多添加物，又係嗰句:「唯有自家製啦」， 本來今日呢個蛋糕係全蛋法製作，全蛋法蛋糕蛋味更香濃，但就難度較高，蛋糊打得唔夠穩定就好易消泡，見到成品就意志消沉架喇~ 哈哈哈~想有Happy ending，所以轉用必成功分蛋法製作，而家去片～
《紙包蛋糕食譜》材料:

養生食譜【烹飪短片】~「洛神花茶製作方法」及「洛神花快速去核方法」

養生食譜【烹飪短片】~「洛神花茶製作方法」及「洛神花快速去核方法」

每年大約10至11月份，就係洛神花當造時間，菜檔就會出現一朵朵紅色嘅花，部份大大朵充滿光澤，光到好似打咗蠟，有部份係細細朵，不似打蠟但都富有光澤，我會買後者，因為係本地出品，今次嘅洛神花係响九龍城街巿有機菜檔買的，哈~! 我住將軍澳但去到九丈遠買餸，咪因為領展街巿大裝修.....囉，幾個月冇街巿呀老細，與其要日日搭一個站去將軍澳新都城街巿買餸，倒不如點呀大老爺車我去九龍城街巿，一次過買幾日餸來得化算喔~呵呵呵~

製作洛神花蜜其實幾容易的，只係去蒂去核花功夫吧，粒核會有少少黏住花萼，就咁撕開好容易搣到花萼碎濕濕，以下短片介紹一個去核而又令花萼更完整嘅方法，同埋製作洛神花茶嘅方法喔~^ 去片~^

三千煩惱絲~【修護防脫髮療程】

三千煩惱絲~【防脫髮療程】 

大女兒Kelly以前頭髮好濃密，但近年發覺佢甩頭髮問題越來越明顯，呢頭掃完地，嗰頭又一地都係頭髮，初時以為長頭髮我同細囡Ruby都有份，後尾Kelly出外比賽離港十日，發現屋企地下少咗好多頭髮，先留意到Kelly有脫髮問題，我呢個呀媽真係唔夠細心呀>.<"
成日以為年紀大先會有脫髮問題，冇諗過咁後生都會有架嘛@.@"
我有買到坊間嘅防掉髮產品比佢用，不過效果唔係咁明顯，苦無對策之際，收到Rene Furterer邀請我去做「修護防脫髮療程」，哈~! 我諗佢以為我有番咁上下年紀，大概會出現脫髮問題啊~^^"

【必成功蛋糕食譜】~「無添加」~ 無泡打粉及梳打粉的《朱古力磅蛋糕》(附分蛋法食譜)

【必成功蛋糕食譜】~「無添加」~ 無泡打粉及梳打粉的《朱古力磅蛋糕》(附分蛋法食譜) 

上一篇的無添加「全蛋法」香蕉蛋糕，對新手朋友嚟講，係有點難度的，想當年我整「全蛋法」蛋糕都做到有點洩氣，後尾全靠「分蛋法」蛋糕令我重拾信心，及後漸漸掌握做蛋糕技巧，先再做「全蛋法」蛋糕喔~^
我諗大家會問，既然「全蛋法」有難度，點解唔一早介紹「分蛋法」做香蕉蛋糕呢? um....是咁的，我都係參考網上食譜，佢用「全蛋法」我咪用「全蛋法」囉，後尾見到網友响我的Facebook Fans Page留言及post製成品，就如我當年未熟習做「全蛋法」嘅情況一樣，打蛋糊未拿揑得好，以及加入低粉時攪拌過度而消泡，蛋糕會變得實的的呢~
為咗令新手朋友重拾信心，所以再做一個無添加「分蛋法」朱古力磅蛋糕，呢個蛋糕冇參考網上食譜，係我自己左計右計咁做出嚟，哈~! 又好ok喎，密度高少少，食落鬆軟綿密，簡單易做，係【必成功蛋糕食譜】來喔~^

「無添加」《朱古力磅蛋糕食譜》

【無添加】~無泡打粉及梳打粉的【香蕉蛋糕】(附食譜)

【無添加】~無泡打粉及梳打粉的【香蕉蛋糕】(附食譜) 

好鍾意食香蕉蛋糕，但每次响街買到嘅香蕉蛋糕，都有勁濃郁嘅泡打粉味道，超煞風景呀，其實唔單止係香蕉蛋糕，朱古力蛋糕都係咁，哈~! 我家大老爺話我咁多聲氣，點解唔玩自家製喎@.@"~
um......是咁的，想當年眼高手低，一開始學人整蛋糕就用全蛋法，已經上網睇曬整蛋糕嘅方法，Fold-in切拌法短片「睇得」好純熟，哈~! 結果個蛋糕......見到心都碎呀，證明睇同做係兩回事，蛋糊撈粉，一消泡就騰曬雞，快手快腳未撈勻就焗，哈哈哈~成個蛋糕好似生粉刺咁，一點點白色粉粒呀老細，比大老爺笑到我面都黃呀~ Wakakakaaaaaa~
後來轉用分蛋法，先對整蛋糕重拾信心，跟住再做全蛋法蛋糕，已經不再騰雞了~ 建議新手先做分蛋法蛋糕，熟習咗先做全蛋法蛋糕，否則真係好易比個消泡蛋糕或粉刺蛋糕打沉士氣喔~^
以下的【無添加】《香蕉蛋糕》係用全蛋法製作，新手或許有少少難度的，不過自古成功在嘗試，士氣高昂的新手可以試試的喔~嘿嘿嘿~

材料好簡單，one two three four five一眼睇曬，哈哈哈~ 
不黏模具呎吋 18.5cm x 9cm x 5.5cm(內籠計)
食譜材料:

【盡情地吃吧】~低脂版【芒果乳酪蛋糕】(附食譜)~\(^0^)/~

【盡情地吃吧】~低脂版【芒果乳酪蛋糕】(附食譜)
~\(^0^)/~

哈哈~好鍾意食蛋糕但又怕肥? no problem la~ 一於剔走易肥嘅材料(淡忌廉同牛油)，咁咪可以暢快地吃囉~~~~~^0^~
Hee hee hee~之前說好的低脂版【芒果乳酪蛋糕】食譜，終於寫好了，灑花灑花~
其實..冇諗住寫呢個食譜，因為製作時份量預多咗，結果整咗兩個不同呎吋嘅餅，但計來計去都唔知點減番份量，變番做一個餅，哈哈~最後呢個譜都係大約咁計出來，成品可能預多咗少少架~ 

蛋糕底係用全蛋法(不加泡打粉)製作，初時諗住用分蛋法，但全蛋法嘅蛋糕「蛋」味更香，冇咁濕身同口感更鬆軟，所以都係用番全蛋法製作喔~^

「健康便當」~【泡菜紅米蛋卷】、【孜然肉碎紫菜糙米卷】、【青瓜三文糙米卷】

「健康便當」~【泡菜紅米蛋卷】、【孜然肉碎紫菜糙米卷】、【青瓜三文糙米卷】

第一次用金鳳「初發芽香糙米」同「有機紅香米」製作壽司，估唔到效果會咁好呀，初時擔心佢唔黏，原來黏合得好好，而初發芽香糙米同有機紅香米含有更豐富營養，多食有益喔~
兩款米都唔駛預先浸，就咁好似平時煮飯咁煮就得，只係水量略為增加，包裝盒介紹用水量係1份米2份水，不過我就按個人喜好，改咗1份米1.5份水，成品夠軟身同要嚟做壽司黏合度剛好，我做咗三款壽司【泡菜紅米蛋卷】、【孜然肉碎紫菜糙米卷】、【青瓜三文糙米卷】，材料有蔬菜、肉類、蛋類、配上營養豐富嘅糙米同紅米，飲食更均衡喔~^
 
壽司做法:

【烹飪短片】~「淘寶好物分享」~ 超好用的「菠蘿去皮切片器」及「菠蘿雪條製作」

【烹飪短片】~「淘寶好物分享」~ 超好用的「菠蘿去皮切片器」及「菠蘿雪條製作」 

哈哈哈~蝸牛師奶趕得切响炎炎夏日剪好呢條片呀~\(^0^)/~ 幾驚剪到冬天都未剪好，我都信唔過自己呀，um....甜甜圈食譜剪咗一半，就快上畫架喇~ hee hee hee~ 各位睇住呢個淘寶好物分享先啦~

暑假親子活動~入住「澳門巴黎人酒店」Day one 行程

暑假親子活動~入住澳門巴黎人Day one
行程 
Haha~小朋友放暑假，做家長嘅真係好忙碌，淨係安排佢哋嘅暑期活動，就已經好頭痕了@.@"，暑假一開始時，我同女兒們到澳門巴黎人玩咗兩日，本來有諗住去澳門逛吓其他景點的，但原來淨係响澳門巴黎人玩都已經好充實，所以冇再去其他地方喔~^
Day one到達澳門巴黎人御下行裝，入住的房間可以睇到鐵塔，室內裝修好有法國情懷~

澳門巴黎人設有家庭套房的，同行友人嘅囝囝响房間玩得好開心~

夏日炎炎，第一時間到「水世界」玩水，滑水梯好好玩，而「水世界」旁有旋轉木馬比小朋友玩的~

消暑食譜 ~《無添加菠蘿雪條》附食譜 「淘寶好物分享」~ 超好用的「菠蘿去皮切片器」~

消暑食譜 ~《無添加菠蘿雪條》附食譜 
「淘寶好物分享」~ 超好用的「菠蘿去皮切片器」~

Hee hee hee~ 上個禮拜去完沖繩旅行，番到香港就真係有咁耐風流就。。。。，哈哈哈~旅行完嘅手尾係..沒完沒了的洗衫熨衫摺衫，除咗家務，仲要處理拖到最後一刻先做嘅商務工作，到今日先有少少空檔寫個人網誌咋~ 
我見到有網友查詢關於沖繩遊輪之旅事宜，蝸牛師奶稍後會逐一回應的喔~^^"

暑假親子活動 ~ 觀賞大型中國show「西遊記」、入住「澳門巴黎人酒店」 ParisianMacao 附套票優惠資料

暑假親子活動 ~ 觀賞大型中國show「西遊記」、入住「澳門巴黎人酒店」ParisianMacao附套票優惠資料

 

話咁快又到暑假親子活動時間喔~ 我們這一家嘅第一個暑期活動係到澳門睇大型中國show「西遊記」，表演時間約1小時15分鐘，沒有一點冷場，表演內有多個富有中國特色嘅雜技元素，視覺效果很豐富的，我家兩位小姐睇得好投入喔~^
今次入住澳門巴黎人酒店，裡面有好多設施適合一家大細玩，包括有水世界、Planet J、Q立方、巴黎鐵塔等等，稍後會寫遊記的喔~^ 
澳門巴黎人酒店好靚，裝修細緻，空間感十足。

「清熱消暑飲品」~ 如何令【竹蔗茅根馬蹄水】更出味方法 (附烹飪短片)

「清熱消暑飲品」~ 如何令【竹蔗茅根馬蹄水】更出味方法 (附烹飪短片) 

Oh~又到咗炎炎夏日季節，天氣好翳焗，出街行咗個round，熱到暈得一陣陣，外勤工作嘅朋友真係好辛苦喔=.+
介紹大家一個簡單消暑飲品【竹蔗茅根馬蹄水】，清熱解暑，潤喉生津，對燥熱引起嘅皮膚痕癢有舒緩作用架~^

材料可以响街巿嘅新鮮草藥舖買到，我家附近嘅厚德街巿，有三檔新鮮生草藥舖，不過幾個月後就唔知响邊樹買喇，因為年尾領展又話要翻新街巿呀，到時幾個月冇街巿，都不知如何是好了~嗚嗚嗚~

製作【竹庶茅根馬蹄水】方法好簡單，只要留意以下小貼士，就可以煲到更出味嘅馬蹄水喔~^
請點擊播放收看→

「自家製懶人叉燒」(附食譜)

Share

「自家製懶人叉燒」(附食譜)

早幾日响FB post咗隻疑似燒雞髀物體出來，有網友仲話佢似隻燒鵝髀添~ 其實....佢係一舊叉燒來啊~ Hahaha~

叫得佢做懶人叉燒，製作方法當然勁簡單啦，只要有焗爐就整到喔~叉燒選料可以係半肥瘦脢頭或柳脢，我較鍾意買半肥瘦脢頭肉整叉燒，有少少肥膏會香Ｄ架，怕肥嘅話，食嗰陣時可以咬走肥膏，但我呢..就會一啖吞曬佢落肚呀~ Wakakakaaaaaa~
【自家製懶人叉燒食譜】

「養生燉湯」~【羊肚菌蟲草花鮑魚燉湯】(附食譜及烹飪短片)

「養生燉湯」~【羊肚菌蟲草花鮑魚燉湯】(附食譜及烹飪短片) 

明明拍咗快速蒜頭去皮方法短片，但冇嚟紋路嘅師奶好想剪燉湯短片，哈哈~咁就出咗呢個香噴噴嘅燉湯食譜先啦~^0^~
我們這一家好鍾意飲湯水，燉湯就更LIKE~! 每次打開燉盅，湯水嘅香味撲鼻而來，呢種濃郁嘅香氣，老火湯係做唔到嘅呢，雖然我都好鍾意老火湯，但我更鍾意燉湯呀，每人一盅，慢慢享用，唔駛爭爭貢嘛，哈哈哈~^0^~ 
【羊肚菌蟲草花鮑魚燉湯】美味又易做，請點擊播放收看~

「少脂版」~《Creme Brulee焦糖布丁》(附食譜及烹飪短片)

「少脂版」~《Creme Brulee焦糖布丁》(附食譜及烹飪短片) 

哈哈哈~ 一入淘門心似海，半年前為咗買個手機腳架，就開咗淘寶戶口，家陣乜都淘一餐，圖中嘅玻璃蛋布丁杯都係淘番來的，都不知幾驚佢送到來時變碎蛋，哈~! 好在佢又包得幾穩妥，完好無缺，不過最近淘嘅玻璃浴室磅就......，運到過來時玻璃碎滿一地，即時留言比賣家叫佢再送一個冇碎嘅比我呀~ 
哈哈~其實我好有興趣响Facebook Fans Page直播分享吓我淘咗D乜東東，當中包括煮食小工具、烘焙用品同家庭用品都買咗好多，有好多都好實用，亦有部份都幾雞肋，呵~^
今次呢隻蛋杯都幾好，只係細咗少少，只裝到60ml布丁，認真滋味呀~(少食多滋味喔~hahaha~)

滋陰降火、增強免疫力~【椰棗花旗參雞湯】(附食譜)

Share

滋陰降火、增強免疫力~【椰棗花旗參雞湯】(附食譜) 

哈哈~長期夜瞓嘅蝸牛師奶，成日好想調較作息時間，但每到晚上，就拖拖拉拉，玩吓手機、睇吓電視、寫吓稿，同寵物兔仔Coffee玩，結果又係五更天先瞓，哈哈哈~! 我家大老爺話我幾呀歲但仲奀皮過D細路呀，其實我覺得係任性吧，哈~! 任性的代價=多咗好多好多白頭髮，皮膚缺水暗啞，容易心火盛~ haha~雖然未改到夜瞓習慣，但都要調理吓個身體，煲番Ｄ降火及增強免疫力嘅湯水喔~^ 明白治標不治本，要早瞓先解決到問題之根本，响未搣甩壞習慣前，會多分享老火湯喔~ ^

續集~BB肌~《原味饅頭》(附食譜)

Share

續集~BB肌~《原味饅頭》(附食譜) 

哈哈哈~標題寫「續集」，係咪有點無厘頭呢?  Hee hee~ 話說蝸牛師奶，上一次整饅頭，已經係一年前了^^" 上次係我家二小姐唔舒服，話要食饅頭，所以整比佢歎，今次係忽然手痕，想睇吓仲曉唔曉整，哈~!原來好似踩單車咁，學識後十年冇玩都仲識玩一樣，個饅頭仲係BB肌，冇豆皮喔~

近年我寫網誌嘅速度真係快到呢@.@...... 哈~! 有N咁多個食譜想整，但個人好心散，要tune tune集中力先得喇~
講番個饅頭先~^ 其實我都係用番上次個食譜，只係微調咗水份份量、發酵時間，同埋用咗原糖(沒有漂白的糖)，初時以為個饅頭會冇咁白，哈~結果又ok喎~
《原味饅頭》饅頭6個 

清熱止咳、補脾滋肺~【羅漢果霸王花雪耳湯】(附食譜)

Share

清熱止咳、補脾滋肺~【羅漢果霸王花雪耳湯】(附食譜) 

Haha~快樂嘅時光過得特別快，去完泰國清邁旅行，回來了~\(^0^)/~ 
Kelly & Ruby第一次去泰國，我哋選擇自由行，包車四圍逛，行程包括有Oasis做Spa、泰式按摩、漂亮花園小店下午茶、Sunday night market、水果市場、河畔食咖喱蟹、人妖show等等，對佢哋嚟講整個旅程都好有新鮮感，見佢哋玩得咁開心，我就開心了~
旅行期間食咗好多熱氣食物，番到香港當然要煲番Ｄ湯水潤一潤，就簡簡單單煲番個清熱潤肺湯水啦~^ 羅漢果有清肺潤腸、止咳清熱作用，佢嘅甜度係蔗糖嘅300倍，所以不宜落太多，否則湯水隨時會變糖水喔，圖中的羅漢果係原粒拍攝，食譜只用了四份一個喔~
 (P.S.:羅漢果熱量低而廣泛使作為甜味劑，常作為肥胖者和糖尿病患者的代用糖)

「家常煮意」~【茴香骨】(附食譜)

Share

「家常煮意」~【茴香骨】(附食譜)

Hee hee~ 平時煮嚟煮去都係嗰幾味，所以少咗寫家常小菜食譜~
一字骨腩以往都係求鬼其用蒜頭豆豉嚟蒸，但食多了終於都曉厭，哈哈哈~小宇宙被悶醒，咪攪攪新意思，創作咗呢味【茴香骨】出來囉~^
呢款香草Cumin嘅中文名都有好多個解說，分別係小茴香、阿拉伯茴香、安息茴香等等，但廣為人所熟悉的名稱就係「孜然」，因為譚仔米線將《孜然雞翼》成為一道出名嘅料理，所以一講"孜然"大家就會知係乜東東喔~

我們這一家的 【ViuTV Cooking媽嫲】(第35集)播映了~\(^0^)/~

Share

我們這一家的 【ViuTV Cooking媽嫲】(第35集)播映了~\(^0^)/~ 

前日响Facebook Fans Page收到多個食譜查詢，大部份都係問【台式滷肉碎】食譜材料，我先知道2010年我們這一家拍攝的「Cooking媽嫲」電視節目，終於能夠响99台ViuTV公開收看了~\(^0^)/~ (P.S.:之前只於收費電視NowTV播放的喔~^)
時間過得飛咁快，呢個係七年前拍攝嘅電視節目，仲記得NowTV工作人員Grace聯絡我，叫我拍Cooking 媽嫲時，我話好驚喎，佢話好好玩架，唔駛留意個鏡頭就得架喇~^ 好開心接拍咗呢個節目，而家睇番都覺得好溫韾~^ (P.S.:原來當年我都幾怪獸，Kelly同Ruby打機要儲時間喔~呵呵呵~)

「快捷味美之選」~《大阪燒》(附食譜)

Share

「快捷味美之選」~《大阪燒》(附食譜) 

我家兩位小姐放學後必問:『媽咪，今日下午茶點係乜東東?』，哈~!大部份時間我都叫佢哋食牛奶麥皮或者自家製麵包，有時都會製作特色小食比佢哋歎嘅，不過都係一D快靚正嘅食譜，就好似今日介紹嘅《大阪燒》，切好材料加入粉漿煎好就食得，超級無敵快靚正呀~ hahah~

祝各位雞年如意吉祥，身體健康，開心快活~\(^0^)/~(附蘿蔔糕食譜)

Share

祝各位雞年如意吉祥，身體健康，開心快活~\(^0^)/~ (附蘿蔔糕食譜)

哈哈哈~潛水師奶蒲頭了~\(^0^)/~ 農曆新年有勁多家庭活動，冇時間寫網誌喔~^e^" 今年我都有蒸蘿蔔糕，依然用番好靠得住嘅蘿蔔糕食譜，味道當然very good la(賣花讚花香喔~hahaha~)，今年用Vita Craft不黏煎pan煎糕，效果非常好~! 好快就煎到外皮金黃香脆，裡面熱呼呼，正~!

「節日食譜」~ 簡單味美《關東煮》(附食譜)

Share

「節日食譜」~ 簡單味美《關東煮》(附食譜) 

話咁快就到農曆新年，祝大家新年進步，身體健康，口福滿載^
Haha~有冇諗過，《關東煮》也可以係一個簡單又好意頭嘅賀年餸菜呢? 材料內有福袋，寓意『幸福滿載』，而將Okiham日本沖繩滋味腸界十字，煮好後好似盛開嘅花朵，寓意『花開富貴』，竹輪卷寓意『竹報平安，貨如輪轉』，你話幾好意頭呢~ (哈哈哈~豐富的聯想力喔~)

「烹飪示範短片」~簡易家常菜【大地魚肉碎豆腐】(附食譜)

Share

「烹飪示範短片」~簡易家常菜【大地魚肉碎豆腐】(附食譜)

朋友問我煮嘅餸菜是否天天新款? 大魚大肉? 哈~其實我最愛係簡簡單單嘅家常小菜，快靚正嘛~^ 最常煮嘅簡單家常小菜包括上圖的《大地魚肉碎豆腐》、《冬菇蒸滑雞》、《梅菜蒸鯇魚》、《台式鹵肉碎》、《豉油皇雞翼》........等等~^0^~
以前我係用蠔油同生抽煮肉碎豆腐，後尾發覺加咗大地魚粉更惹味，我家兩位小姐Kelly & Ruby勁Like，所以呢味餸菜係每周之選喔~
《大地魚肉碎豆腐》材料好簡單，一眼睇曬喔，平時煮餸已習慣材料份量在心中，所以烹飪短片內，大家會見到我係大約落調味，未必會全部落曬啊，Hee hee~至於食譜，我會盡力寫番實際份量比大家參考喔~^

材料:

抗老退紋真係唔駛貴喔~ 日本藥妝店大熱《50惠OIL-in養潤系列》 直送香港

Share

抗老退紋真係唔駛貴喔~ 
日本藥妝店大熱《50惠OIL-in養潤系列》直送香港 

哈~! 不經不覺，我的兩個寶女兒，已長得比我高，即是..我已經有番咁上吓年紀了~ 雖然有好多朋友依然好厚度，話我哋睇落好似三姊妹，但我心中有數，面上越來越多嘅皺紋+細紋，真係過唔到自己嗰關呢~ 
每晚洗完面都會9秒9搽保濕同潤膚霜，因為稍為遲少少搽潤膚霜，塊面就會乾到不得了，我已用過多款不同品牌嘅貴價保濕去皺產品，暫時未遇到十分滿意的一款，近日公關朋友給我，日本熱賣嘅50惠OIL-in養潤系列，簡介內提及OIL-in 精華油養潤配方，原來年過30之後，皮膚既皮脂分泌會越黎越少，油份不足會經常感到乾燥! 就好似煮餸醃肉時，加入少許生油，肉質會變得更軟滑同調味料會更快吸收入肉裡面，令肉質變得更嫩滑一樣喔~^ 
今次試用嘅系列含有 5 種美容精華油 (橄欖果油、山茶花籽油、角鯊烷油、牛油果油、玫瑰果油)，主力以油制乾，再配合50種養潤成分，滋潤同時修復，令肌膚平滑柔潤，重拾回彈緊緻，徹底解決肌膚乾燥問題，撫平皺紋。仲可以妝前使用，妝容顯著更持久貼服，無咁易出現浮粉、脫妝、乾紋等尷尬情況。