「冬至食譜」~《瑤柱上湯炆花膠》(附食譜)

Share

「冬至食譜」~《瑤柱上湯炆花膠》(附食譜) 

長輩們時常說:『冬大過年』，所以每年冬至，屋企餸菜會特別豐富，平時不捨得食嘅花膠海味，都會係席上菜餚啊~ 
今日為大家介紹嘅冬至餸菜《瑤柱上湯炆花膠》看似複雜，其實烹調時可以很簡單的~ 花膠要炆煮得入味，可以用現成的瑤柱上湯幫手，成品會更鮮味啊~ 

「Christmas Party Food」~《法式挪威三文魚批Norwegian Salmon Quiche》(附食譜)

Share

「Christmas Party Food」~《法式挪威三文魚批Norwegian Salmon Quiche》(附食譜) 

臨近聖誕節，朋友們都問，聖誕做什麼Party Food好呢? 我會推介佢哋:參考我的網誌分類"小食/派對美食"吧~ 哈哈哈~
每年我都會加入更多不同款式嘅Party Food，今年最新加入嘅係《法式挪威三文魚批Norwegian Salmon Quiche》，响百佳可以買齊所有材料~ 包括全新包裝嘅挪威三文魚、洋蔥、薯仔、香草、雞蛋、麵粉、無鹽牛油、淡忌廉同鮮奶~

《法式挪威三文魚批Norwegian Salmon Quiche食譜》8吋批模

「零添加、BB肌」~《原味饅頭》(附食譜)

Share

「零添加、BB肌」~《原味饅頭》(附食譜)

烤麵包就做得多，但蒸麵包就真係極少做，以前做過一次豆皮婆饅頭，跟住冇花心神去研究，所以繼續只做烤麵包囉~ 
何解今日咁有雅興做饅頭?  咪因為我家二小姐唔舒服，好嗲咁話想食饅頭，廿四孝呀媽咪要郁手囉~
我家兩位小姐愛吃饅頭，以往我會光顧XX包點店，佢嘅饅頭大大個，白雪雪同鬆軟，但凍切時會跌好多饅頭碎出來，"聞"起上嚟味道怪怪的，為免整日猜疑有否添加其他成份，自家製就不用猜疑了~ 材料選用沒有漂白的中筋麵粉，只用酵母幫助發酵，沒有添加其他成份(例如:泡打粉、防腐劑等等)，少咗人工化材料，就可以吃得更安心及健康~

《鮮奶燉花膠》~滋補養顏~ 附食譜及花膠浸發方法~^.^~

Share

《鮮奶燉花膠》~滋補養顏~ 附食譜及花膠浸發方法~^.^~ 

(Update 2015-12-11 近日有不少網友查詢鮮奶燉花膠方法，所以重新載入這篇網誌，方便大家參考喔~^3^~)
屋企有不少私人珍藏，成日唔捨得出動，包括花膠、魚鰾、鹿茸、冬蟲草等等，哈哈~諗見農曆新年都叫做有藉口出動佢哋了~ 大時大節都仲唔煮嚟食，難道當咗佢哋係古董咩~ 再放多兩放，變壞就真係得個吉了~ 呵呵呵~

「清熱解毒，濕疹湯水」~【土茯苓牛大力湯】(附食譜)

Share

「清熱解毒，濕疹湯水」~【土茯苓牛大力湯】(附食譜) 

踏入冬季，又到濕疹的季節，皮膚乾好容易誘發濕疹，已好努力做潤膚工作，但濕疹都照出可也，真係痕到人都癲~ 明白有諸內而形於外，定必有熱毒困在內，皮膚先攪成咁，所以煲番D清熱解毒嘅去濕湯水，調理好身體，皮膚自然會好轉的~ 
土茯苓牛大力湯水，係家中長輩教我煲的，想當年長輩患有濕疹，飲用這款湯水後好轉的，但..食療方內其中一種材料我冇用到→"草龜"@.@" ，長輩話加咗草龜會好快好番，但我寧願好得慢少少，都唔想加隻龜啊~

「簡易好煮意」~【蠔肉蒸水蛋】(附食譜)及(烹飪短片)

Share

「簡易好煮意」~【蠔肉蒸水蛋】(附食譜)及(烹飪短片)

蒸嫩滑水蛋看似困難，當知道竅門後，必定說原來咁簡單啊~^0^~ 
【蠔肉蒸水蛋】烹飪短片 →

拍攝短片時因時間緊迫，雞蛋沒有逐一敲在小碗，然後放入大碗，以防有壞蛋出現，大家於製作時做回正確步驟啊~^0^"
【蠔肉蒸水蛋】食譜

是日晚餐~打邊爐~主菜「淘大水餃」~哈哈哈~

Share

是日晚餐~打邊爐~主菜「淘大水餃」~哈哈哈~

成日想等天氣凍D先打邊爐，結果等了又等，等了又等，等到條頸變咗長頸鹿都仲未凍，跟住收到多年合作的淘大公司送來了多款水餃， 哈哈~終於忍唔住要打邊爐喇~^0^~
Hee hee~每次購買打邊爐食品，都會有少少失控，幸好今次我家大老爺一同購物，適當時候勸阻失控師奶，所以只係買咗適量食品啊~ 哈哈哈~ (P.S.:漏咗影包芝士丸添~^^" )

「今日好煮意之」~【瑤柱海皇珍菌煲】(附食譜)

Share

「今日好煮意之」~【瑤柱海皇珍菌煲】(附食譜) 

平常吃肉類攝取蛋白質之餘，亦會攝取到不少脂肪，想吸收低脂的蛋白質，菇菌是一個很好的選擇，曾看過一篇註冊營養師陳國賓撰寫的文章，文中提及菇菌有助保持健康血膽固醇水平，與其植物固醇含量有關。不少人患高膽固醇的原因不在於進食過量雞蛋、海產等高膽固醇食材，而是肝臟製造過量膽固醇，而植物固醇的其中一個功能就是擾亂肝臟製造膽固醇，因此以之取代高脂肉食，有助降低血膽固醇。
今日介紹的《瑤柱海皇珍菌煲》製作方法非常容易，差點可以說是將食材煮熟然後加入湯料就是了~ 

MEYER X CHEF KOO《法式千層朱古力蛋糕》活動+食譜分享

MEYER X CHEF KOO《法式千層朱古力蛋糕》活動+食譜分享

很欣賞朱古力大師Chef Koo，他所製作嘅朱古力甜品都會好完美細緻的，得悉Chef Koo於MEYER官塘旗艦店舉辦「美亞CIRCULON朱古力圈圈鍋甜品班」，當然要去捧場啦~^0^~

「無生雞蛋，不用雪糕機」~《優益C原味雪糕》(附食譜)

Share

「無生雞蛋，不用雪糕機」~《優益C原味雪糕》(附食譜) 

活性乳酸菌飲品除咗淨飲，亦可以要來製作雪糕喔~ 而大部份自家製雪糕食譜，係會加入生雞蛋的，對於生雞蛋我始終有所顧忌(消毒蛋印象稍佳)，因生雞蛋會有很多細菌，製作好的雪糕會給予我兩個寶貝女品嚐，所以食材方面想更健康~ 《優益C原味雪糕》食譜不用加入生雞蛋，材料簡單健康，只須淡忌廉、原味優益C、鍊奶就可以了~ 

「不加泡打粉及香油」~《原味蒸蛋糕》(附食譜)

Share

「不加泡打粉及香油」~《原味蒸蛋糕》(附食譜) 

我們這一家很喜歡吃烤蛋糕，不過近排熱氣，所以攪攪新意思，轉做蒸蛋糕啦~  製作方法同不加泡打粉的烤蛋糕差不多，唯一分別是烤或蒸吧了~
不加泡打粉的清蛋糕，蛋糊要打發得足夠才能令蛋糕鬆軟，而蛋糊拌入麵粉時不要過度攪拌，否則消泡的話，蛋糕便會塌下以及底部會變成厚厚的一層啊~
《原味蒸蛋糕食譜》

家居實況劇 ~ 請工人的樂與怒(下集) 附合約屆滿或終止合約收據(表格)

家居實況劇 ~ 請工人的樂與怒(上集) 還未看上集的朋友，請先收看　https://kellyandruby-mami.blogspot.com/2015/08/blog-post17.html

家居實況劇 ~ 請工人的樂與怒(下集)附合約屆滿或終止合約收據(表格)

相隔兩個多月後，請工人的樂與怒(下集)終於寫好了~ 何解要兩個多月後先寫好? hee hee~只因寫「上集」期間，剛解僱了工人姐姐，心中團火都燒得幾熾熱，所以九秒九寫咗「上集」，然後團火降溫了，要重新的起心肝寫咪慢過隻龜囉~ 哈哈哈~ 
為何解僱工人姐姐? 原本我想捱到完約架，不過..掙扎咗一段時間後，終於補咗兩個月薪金、機票同大假比佢，仲車埋佢番agent~ 其實可以一個月通知，唔駛補錢比佢走的，不過因了解而分開，我想好來好去吧~ 
上集有講到，姐姐於洗熨方面係無敵的，呢個係我最滿意嘅地方~

「今日好煮意之」~【羅勒粟米小丸子】(附食譜)

Share

「今日好煮意之」~【羅勒粟米小丸子】(附食譜) 

B Le Ba La ~ B Le Ba La~ 大家會否記得呢個小丸子呢? 哈哈哈~我就唔記得咗佢了，只是諗餸菜諗到冇乜頭緒，摷番電腦記錄，先記得我幫金寶湯寫過呢個小丸子食譜喎~ 呵呵呵~
因乜解救咁勤力諗餸菜? haha~ 事緣......早兩日我去咗一間小學度做義工，好開心遇到多位讀者，當日大家都有反映到，想有多一些快靚正以及要啱小朋友胃口嘅家常小菜，所以令我的起心肝，反轉個電腦搵番適合嘅餸菜介紹比大家，希望啱大家心水啦啦啦啦啦~^0^~"

健脾開胃~「合家歡版本的」~【太子湯】(附食譜)

Share

健脾開胃~「合家歡版本的」~【太子湯】(附食譜) 

話說上一回，介紹咗成人版本「健脾開胃」的【太子湯】，跟住响Fans Page收到不少查詢關於小朋友可否飲得? 又或者懷孕或產後可否飲得?
其實上一次介紹嘅【太子湯】所用嘅中藥材係有補氣成份，小朋友或孕婦，又或者有傷風感冒未必啱飲的，所以今次介紹另一款合家歡版本嘅【太子湯】，減去中藥材，改用平實嘅食材，一樣有健脾開胃，滋陰作用，味道仲幾好添~^3^~ 

今次用乾響螺，處理方法好簡單~

《簡易瑤柱炆節瓜》(附食譜)

Share

《簡易瑤柱炆節瓜》(附食譜) 

哈哈~為咗長輩們呢句:「多食菜芯啦，菜芯夠正氣呀」，所以成鬼日食菜芯，漸漸發現，食極個人都唔夠正氣嘅，食出悶氣就有，哈哈哈~所以昨日轉口味，食節瓜~ 呵呵呵~
瑤柱炆節瓜，好食到誇啦啦~ 唔信~!? 咁....我都冇辦法，要靠閣下嘅造化喇~ 哈哈哈~

「節瓜」又名「毛瓜」李時珍在《本草綱目》中記述：「節瓜味甘，性平，能生津，止渴，解暑濕，健脾胃，通利大小便。」據植物藥理，節瓜乃體弱的病瘉者最合適的食物，其養份較一般蔬菜為高，各種營養分量均不特殊，屬體虛者較易吸收的食用蔬果。對於非腎性水腫病人，節瓜有助利尿，使尿量增加，消除身體積滯的水份。節瓜也適宜水腫脹滿、腳氣、痰喘等之病患作食療．
《簡易瑤柱炆節瓜》食譜

「秋冬滋潤篇」~【無花果雪梨糖水】(附食譜)

Share

「秋冬滋潤篇」~【無花果雪梨糖水】(附食譜)

中秋過後，天氣變得乾燥，今日介紹一款簡單又合時的滋潤糖水《無花果雪梨糖水》，食材簡單又易於購買，煲大約1小時就完成，本來想用燉嘅方法，但。。我們這一家是大食怪，最大嘅燉盅都唔夠用，所以一鍋過煲咗佢就冇煩惱，每人兩飯碗可以吃過痛快喔~ hahahaa~
個人覺得，糖水的食療功效尤勝於味道，哈哈哈~睇得明我想講乜嘛~?  不過我家老爺同小姐們又好受落喎，冇我咁奄尖聲悶呢~ Wakakakaaaaaa~ 

《無花果雪梨糖水食譜》4人份量 (連材料每人兩飯碗)

「排毒養生」~【桂圓牛蒡茶】(附食譜)

Share

「排毒養生」~【桂圓牛蒡茶】(附食譜) 

中秋過後，朋友分享咗首〈胖胖詩〉，睇完得啖笑，其實胖有胖的美，瘦亦有瘦的美，最緊要身體健康就是了~ 

今年中秋節食咗好多月餅，做節又大魚大肉，雖然冇胖三公斤，但都不遠矣~  haha~要調節好個底子，所以煲咗快靚正嘅【桂圓牛蒡茶】排毒解膩啊~ 

海味料理之~《花膠冬菇炆雞》(附食譜)~^0^~

Share

海味料理之~《花膠冬菇炆雞》(附食譜)~^0^~

今日介紹一道惹味兼養顏嘅餸菜→ 登櫈~ 就係《花膠冬菇炆雞》喇~ 花膠炆到入曬味，滑嘟嘟，我家大老爺 同Kelly & Ruby又爭食花膠喇~ 我都專登炆咗好多架啦， 佢哋都仲要爭，大家數住對方食咗幾多件，唉~真係冇佢哋咁好氣了~ 大老爺都一把年紀架啦，硬係攪到ｄ囡嘈嘈閉，跟住佢就咪咪嘴笑，哈~! 第時佢老咗就知味道， 睇吓ｄ囡點對付佢~ >.<"" @.@"

「懶人食譜」~【香草蕃茄雞絲碟頭飯】(附食譜)

Share

「懶人食譜」~【香草蕃茄雞絲碟頭飯】(附食譜) 

我係全職家庭"煮"婦，呢份工唔係想像中咁易做，不過我覺得在職主婦更難做，放工番屋企仲要做伙頭大將軍，大家都知放工時間唔荒早架啦，跟住仲要滾水淥腳，爭分奪秒咁走去買餸煮飯，真係難為了家嫂啊~ 
是日冇mood煮飯，想出街開餐，但諗極都唔知去邊樹食好~ 哈哈~吃得貴又唔捨得，一家四口平平哋出街食餐飯都要三四舊水，仲要唔知食出個乜出來~ 哈~師奶嘛，計計吓都係自家煮算鬼數了~ (每次唔想煮飯，掙扎完又煮番，意志力真薄弱)~ 結果漫無目的响街巿打咗個round，見到新開咗檔有機菜檔，咪捧吓場幫襯吓囉~ 嘩~! 上面嗰幾粒茄多謝承惠七十幾個大洋，仲貴過隻肥美冰鮮龍崗雞呢~ 哈~諗諗吓都係買盆泥番屋企種蕃茄好過喇~ hahaha~

「預」見10年後的您~

Share

「預」見10年後的您~

細女Ruby以前食雀巢®超級能恩奶粉的，不經不覺現在已牛高馬大了~ haha~
近日雀巢®能恩網頁，舉辦「預」見10年後的您活動，只須上載年齡由6個月至4歲以下的小朋友近照，就可以預見10年後的樣貌，【首2000位成功參加活動嘅朋友，更可獲贈1罐雀巢®超級能恩奶粉】
參加辦法好簡單，首先登入雀巢能恩網頁→

「超簡易」~【鹽燒三文魚頭】(附食譜)

Share

「超簡易」~【鹽燒三文魚頭】(附食譜) 

製作超簡易【鹽燒三文魚頭】，先決條件除咗要有個魚頭，就要有埋個焗爐啊，哈哈~我唔係攞個魚頭去炭火烤，只係隊佢入個焗爐攪掂~

「健脾開胃」~【太子湯】(附食譜)

Share

「健脾開胃」~【太子湯】(附食譜) 

什麼是《太子湯》? 哈哈~其實係我位母親大人，話呢個湯健脾開胃，適合胃口不佳人仕，此湯水有清補作用，多飲也可以，佢仲話此湯太子都飲唔壞，所以叫做《太子湯》囉~  嗱嗱嗱~聲明在先呀吓~ 我位母親大人唔係中醫師，佢只係一位有多年煲湯經驗嘅家庭主婦，想當年父親大人身體抱恙，多得呢款太子湯，令佢由冇氣吞飯，後來快快趣食到大大碗飯，仲飲到佢皮光肉滑添~ 哈哈哈~

早兩日我响Facebook專頁，post咗購買湯水材料相片，原來大家對此款湯水材料好有興趣，仲有朋友仔响樹估藥材名稱，哈哈~見大家估得咁開心，我就逐一介紹佢哋嘅名稱及用處啦~ 「相片來源:何師奶~ 名稱及資料來源"互聯網"」

「簡易夏日甜品」~ 《紅莓汁果凍》(附食譜)

Share

「簡易夏日甜品」~ 《紅莓汁果凍》(附食譜) 

近日慶生活動停不了，攪到冇時間寫Blog~ 今日潛水師奶蒲頭了 ~\(^0^)/~ Hee hee hee~ 
我家兩位小姐好鍾意食果凍，而之前製作《紅莓汁芝士凍餅》後，仲有幾樽紅莓汁剩咗落嚟，一於用埋佢嚟做果凍啦~ 
夏日炎炎，吃一口冰涼的果凍，即會涼透心喔~ 

「免焗蛋糕」~《紅莓汁芝士凍餅》(附食譜)

Share

「免焗蛋糕」~《紅莓汁芝士凍餅》(附食譜) 

夏日炎炎，一家人食完飯，最好當然跟家人一邊嘆紅莓汁芝士凍餅，一邊嘆電視~~ 真舒服~
今日介紹一個非常適合夏天的甜品【紅莓汁芝士凍餅】，上層的CRAISINS® 紅莓乾及紅莓汁啫喱味道酸甜，中層的忌廉芝士甘香順滑，底層的餅底香酥味美，賣相亦十分吸引的啊~

《紅莓汁芝士凍餅食譜》(15cm方形模具)

「今日好煮意」之~《港式咖喱雞翼》(附食譜)

Share

「今日好煮意」之~《港式咖喱雞翼》(附食譜) 

哈哈哈~上一篇「請工人的樂與怒」只寫咗上集，下集仲未埋尾，Hee hee~蝸牛師奶放暑假放到心都散曬，成日周圍hea，今日終於捨得坐定定寫番篇，好耐冇出場嘅"家常小菜"「今日好煮意」之《港式咖喱雞翼》~
咖喱雞翼就咖喱雞翼啦，做乜又叫佢做港式呢? 哈哈~因為佢有那些年嘅味道囉~ 小時候响街邊車仔檔，時常食到嘅蘿蔔豬皮魚蛋，佢哋嘅咖喱汁有一種獨特風味，而家街邊車仔檔已經成為集體回憶了，還幸仲可以買到呢款獨特風味嘅油咖喱，夠辣又夠香，想回味那些年港式味道，就真係要買樽試試喇喂~ 油咖喱响街巿雜貨舖有售，而我就响工展會，趁佢特價買咗兩樽~

家居實況劇 ~ 請工人的樂與怒(上集)

Share

家居實況劇 ~ 請工人的樂與怒(上集) 

哈哈哈~好耐冇寫生活逸事了~ 近呢幾個月感覺實在太正，唔寫真係對唔住自己呢~ hahah~
究竟有幾正~!? 從何說起呢? 哈~故事嘅開頭，就由一位成日話自己好忙碌嘅師奶，突然間話請工人姐姐開始........

好好玩的氣泡機~《自家製青檸梳打特飲》(附食譜)

Share

好好玩的氣泡機~《自家製青檸梳打特飲》(附食譜) 

8月8日是"笨B媽媽"「Bma Home & Kitchen」開張之喜，我當然要同佢打打氣啦~ 哈哈哈~所以幫襯佢買咗部氣泡機啊~
不經不覺認識笨B媽媽差不多八年了，當初係响Yahoo Blog睇到佢嘅村姑網誌，文筆生動有趣，及後在blogger event裡相遇，更是一見如故，可能師奶仔有很多共同話題，所以特別投緣吧~ hahaha~ 
其實。。我真係好佩服佢，咁有幹勁+魄力，數年前已開設小型家庭電器，現在又開workshop，仲要持家有道，Wonderful woman非佢莫屬喇~ 

Bma Home & Kitchen名字的概念，係提供各種減省家務和烹飪工夫的點子給繁忙的 working moms，我對佢嘅自家製臘腸班好有興趣，等佢開班時我又報名先~  除咗烹飪班，仲有一個購物corner，陳列了各款家庭小電器，醬料也有呢，哈哈~氣泡機响嗰樹有得賣啊~ 

『炒菜翠綠小秘訣』~《海味炒泰國小椰菜》(附食譜)

Share

『炒菜翠綠小秘訣』~《海味炒泰國小椰菜》(附食譜) 

呢碟翠綠的"泰國小椰菜"，未炒前佢個樣係點嘅呢~? 哈哈~我攞咗佢其中一塊，穿曬窿嘅菜葉影咗張相~ 
拿拿拿~張相我冇做過手腳~ 我冇同佢加色架，佢炒完就變得綠悠悠，呢款菜炒完係會深色D架~

「香滑鬆軟的」~《香橙戚風蛋糕》(附食譜)

Share

「香滑鬆軟的」~《香橙戚風蛋糕》(附食譜) 

相比全蛋法的海綿蛋糕，戚風蛋糕較容易製作，而成品香滑鬆軟，所以戚風蛋糕深得我們這一家的喜愛，近日收到HanaSelect.com送來的日本食材，北海道産薄力小麥粉 「寶笠低筋麵粉 DuNord」（700g）及「特級上等白糖」（450g），配上鮮橙、雞蛋及菜油，即成鬆軟味美的《香橙戚風蛋糕》~

特級上等白糖質感幼細，更容易溶合於蛋白中，看到這麼幼滑的糖，有點衝動想製作馬卡龍喔~ hahah~

北海道産薄力小麥粉 「寶笠低筋麵粉 DuNord」，相比其他的低筋麵粉，質感更幼細，令戚風蛋糕更輕及更鬆軟~

《香橙戚風蛋糕食譜》模具16cm或17cm

入味 ~ 金黃香脆《牛油烤雞》(附食譜)

Share

入味~ 金黃香脆《牛油烤雞》(附食譜) 

冰鮮雞/冷藏雞會有雪藏味，好多時用薑汁酒都未能去除雪藏味，呢個時候，可以用史雲生調味雞汁醃雞，可辟走雪藏味，更可以提升雞肉嘅鮮味啊~

4人份量嘅餸菜，調味雞汁一般用兩茶匙左右，而呢隻冰鮮雞大約一斤半，所以我用咗兩茶匙醃雞肉~
《牛油烤雞食譜》