簡易家常菜【可樂數字骨】(附烹飪短片及食譜)

  🍖🍖簡易家常菜【可樂數字骨】(附烹飪短片及食譜) 

雖然豬肉越嚟越貴，但用新鮮一字骨煮呢味餸真係好好食，如果用冷藏一字骨，就少咗肉香味喔，忽然有感，幾十年前，豬肉價格比較貴，唔會餐餐大魚大肉，可能一個禮拜先食一餐豬肉，後期豬肉價格越嚟越經濟，餐餐食豬肉已不當一回事，哈~!真係變幻才是永恆，新鮮豬肉又貴番，家陣每次買新鮮豬肉都牙痛咁聲，確實了解沒有必然這回事，面對現實吧，貴就貴啦，上圖嘅新鮮一字骨，多謝承惠二百多，完~!
可樂數字骨製作方法很簡單，而家去片～👉👉

懷舊蛋糕系列【鹹牛油奶油杏仁蛋糕卷】(附食譜)

懷舊蛋糕系列【鹹牛油奶油杏仁蛋糕卷】(附食譜)

記得小時候西餅店所售賣嘅奶油蛋糕，好多時都係有少少鹹鹹哋嘅味道，後來呢一點鹹逐漸消失了，今日突然想回味一吓呢一點鹹，就放低手頭上剪緊嘅田灌草烹飪短片，快手快腳整咗條【鹹牛油奶油杏仁蛋糕卷】，因為太心急嘅關係，未雪硬就切件，攪到條蛋糕卷有少少變形😂 終於食到兒時嘅口味喇~🥳🥳 

Haha~經歷多年後，已習慣沒有鹹味嘅蛋糕，突然食番呢一點點鹹，原來有點陌生，好在我只係落咗1.5克嘅海鹽，只有淡淡嘅鹹味😝，我家二小姐Ruby話: 「蛋糕卷好香，乜原來以前你食嘅蛋糕咁特別架~!?」，哈哈哈~佢用特別嚟形容，我明解架喇~🤣🤣🤣🤣

【鹹牛油奶油杏仁蛋糕卷】食譜

🍀健康美味【香檸汁鮮蝦米紙卷】食譜+烹飪短片🍤🍤

健康美味【香檸汁鮮蝦米紙卷】食譜+烹飪短片

好耐之前已經想整呢個食譜，由夏天拖到春天先做，差不多整整一年，其實呢個食譜好易做，賣相又夠靚仔，零入廚經驗都攪得掂，今次我用沖繩香檸做醬汁，酸甜惹味好開胃架~【香檸汁鮮蝦米紙卷】烹飪短片👉 https://youtu.be/gSXpBzzAI48

   
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

 

 

 

『家傳配方』~【自家製蘿蔔糕】(附食譜)

『家傳配方』~【自家製蘿蔔糕】(附食譜)

哈哈~舊年我重新拍攝咗蘿蔔糕製作短片，但原來忘記咗放上嚟，而家補番先~ https://youtu.be/C3AW3C-4c28

   
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

 

節日限定~自家製【香印提子撻】(附食譜)

節日限定~自家製【香印提子撻】(附食譜) 

Merry Christmas~!!
哈哈~已經半年冇update呢樹~之前將食譜直接放上FB Fans Page，但搜尋時比較困難，所以都係紀錄番响呢樹，方便查閱喔~
呢幾日假期有空檔，可以整吓蛋糕甜品，其實我想拍片架，不過要用更多時間，而我家食客又好心急想快D有得食，所以遲吓先補拍啦~~~~~~
大家睇文字食譜先，其實都好易做架~

【香印提子撻食譜】

波蘭種【香蔥十字包】(附食譜)

 波蘭種【香蔥十字包】(附食譜) 

哈哈~全職煮婦。。年中無休，明明爭取咗假日唔煮飯，但又會整下午茶比我家大老爺同小姐們歎😅

其實。。爭取假日唔煮飯嘅原因，係因為想試做一D未做過嘅食譜，成功後，會撰寫文字食譜或拍片同大家分享，哈哈~佢哋少咗兩餐飯食，跟住做白老鼠試食新攪作，暫時都冇乜投訴啊~😜

雖然我有出過麵包書，不過書內食譜都只是圍繞家庭式(港式)麵包，簡單易做為主，哈哈哈~其實我好想鑽研歐式包，但我家大老爺同小姐們獨愛鬆軟的港式/日式麵包，咁我唯有繼續投其所好，製作港式/日式包算了(哈哈哈~懶人多藉口)

(不加泡打粉) ~分蛋法【果醬蛋糕卷】(附食譜)

(不加泡打粉)~ 分蛋法【果醬蛋糕卷】(附食譜)  

~登櫈~燒雞出場~ 哈哈哈~第一次用烙印模，燒紅咗個模，跟手大大力印落蛋糕卷度，哎吔~第一隻小雞變燒春雞了~ 
燶咗兩撻

昨日見到朋友Allie Bakery分享烙印蛋糕卷，先發醒夢記得自己買咗個烙印模。。。。超過一年/數年!? 哈哈哈~總之買咗好多嘢都未用到，見到Allie個烙印蛋糕卷好得意，好想整番條，所以心動不如行動，即刻立架撐開工，哈哈哈~就是這樣，燒雞蛋糕卷(果醬蛋糕卷)登場~

烹飪短片~【鮑汁雞腳】美味小食簡單做法(附食譜)

烹飪短片~【鮑汁雞腳】美味小食簡單做法(附食譜)

我家兩位小姐好鍾意食鮑汁雞腳，每次歎茶都會點嚟食，幾隻雞腳加幾粒花生，就要幾十蚊，好多時食到..到喉唔到肺，佢哋真係食米唔知米貴，仲話想再叫多碟嚟食添呀
見佢哋咁鍾意食，廿四孝師奶又出動，煮鮑汁雞腳佢哋歎囉~


凍肉舖嘅冷藏雞腳雖然比較經濟，但雪味較重，所以我買冰鮮雞腳，因為肉質同香味較佳喔~
【鮑汁雞腳】烹飪短片⏩

烹飪短片~不加泡打粉【全蛋法香蕉蛋糕】(附食譜)

烹飪短片~不加泡打粉【全蛋法香蕉蛋糕】(附食譜)

之前分享過分蛋法【紙包蛋糕】烹飪短片，今次到進階版，用全蛋法製作不加泡打粉【全蛋法香蕉蛋糕】💗
仲記得我係蛋糕新手時，真係好怕製作全蛋法蛋糕架，因為蛋糊打發得唔好，個蛋糕好容易甩轆，至怕係一路撈粉一路消泡，結果當然攪到一鑊粥咁，麵粉未完全混合，焗完一粒粒白色粉粒，成個粉刺蛋糕咁，比我家大老爺笑到我面黃呀(佢最鍾意取笑我，零鼓勵，好在我有強大嘅意志，識得自我鼓勵，唔會比佢打沉的)
建議新手先熟習「分蛋法」蛋糕，然後先製作「全蛋法」蛋糕，因為「全蛋法」蛋糕真係會磨滅意志的，我拍咗短片示範全蛋法香蕉蛋糕製作方法，為咗令大家更清楚點樣混合蛋糊，所以冇剪輯到撈粉過程，等大家可以更清楚撈粉嘅時間同手法，希望大家可以更快掌握到製作竅門，可以成功做到一個滿意嘅「全蛋法」蛋糕喔~
不黏模具呎吋 18.5cm x 9cm x 5.5cm(內籠計)
For東芝水波爐: 已預熱Convection 170度30分鐘
烹飪短片 ⏩

自家製手搓麵包之~ 【湯種頂角方包】及【直接法頂角方包】(附食譜)

自家製手搓麵包之~ 【湯種頂角方包】(附食譜) 

以前寫Blog係會寫吓生活逸事，東拉西扯，九唔搭八，自說自話，自得其樂，長篇大論咁寫生活網誌，哈哈~完全冇諗過，而家只係為咗留。番。個。食。譜。紀。錄。而寫網誌呀~😜
之前做過好多食譜，自由發揮得太厲害，想encore都冇辦法，因為。。。。冇。紀。錄，現在要乖乖的坐定定做紀錄。。囉~!😂
掌聲鼓勵(普通話mode) 
【湯種頂角方包】食譜

『養生食譜』(家傳靚湯) 增強免疫力【太子湯】烹飪短片食譜

『養生食譜』(家傳靚湯) 增強免疫力【太子湯】食譜

哈哈~終於剪好咗太子湯烹飪短片喇~灑花灑花~🥳🥳 
因為之前要補拍【如何令螺肉出鮮味方法】及【令湯水更濃郁秘訣】，所以拖到今日先出片喔😜😜 我們這一家勁愛老火湯，而今日介紹嘅太子湯，係我位母親大人教我煲的，佢話呢個湯水滋陰清補，太子都飲唔壞，所以叫做太子湯😆😆，佢仲有幾個食療湯水都叫做太子湯，哈哈哈~佢個個湯都叫太子湯，媽呀我好亂呀~😂😂 重點係個個都咁好飲，稍後時間再介紹多一D保健湯水比大家吖~😘😘 
 
材料:

簡易家常菜~【水波叉醬烤雞翼】(附食譜)

簡易家常菜~【水波叉醬烤雞翼】(附食譜)

~哈哈~繼續『簡易家常菜系列』，我們這一家每星期必煮香蒜油三文魚

 亦都會煮易潔煲豉油皇雞翼 或烤焗雞翼

不用搓揉也有漂亮薄膜，簡單方法製作鬆軟的【北海道牛奶麵包】及東芝最新型號ER-TD-5000HK水波爐分享篇

不用搓揉也有漂亮薄膜，簡單方法製作鬆軟的【北海道牛奶麵包】及東芝最新型號ER-TD-5000HK水波爐分享篇 

昨日我用東芝新型號水波爐ER-TD-5000HK製作【北海道牛奶麵包】，麵包烤得金黃鬆軟，哈~! 出爐後未放涼已經比我家大老爺同小姐們食咗一半喇~! (同佢哋講咗剛出爐嘅麵包要放涼先好食，但佢哋話麵包太過香噴噴忍唔住要食呀)
我用過三個型號嘅東芝水波爐，包括ER-GD4000HK 

『烹飪短片分享』製作簡易，營養豐富家常菜【香蒜油蒸三文魚】

『烹飪短片分享』製作簡易，營養豐富家常菜【香蒜油蒸三文魚】 

 
我家兩位小姐家陣「在家上課」，而大老爺就冇得home office，照常番工，為慳口罩，我叫佢放工後去街巿買埋餸先番來，哈~! 唔知呢個係咪男人嘅特色，買每樣嘢都要打電話番嚟，確認九十幾萬次先買到，唉~淨係招呼佢個查詢電話，都夠我去街巿行幾轉喇，唔係為慳口罩，真係自己落街巿買餸好過喇~

※不加泡打粉※《栗子忌廉蛋糕卷》全蛋法食譜💕

※不加泡打粉※《栗子忌廉蛋糕卷》全蛋法食譜 💕

昨日見到街邊檔炒栗子，哈~!童年回憶驅使下，忍唔住又買咗磅栗子番屋企，明知好難買番以前嘅風味，次次都貨不對版(爆曬入炭粒、栗子質素不佳、栗子肉炒燶......etc)，但又忍唔住買，哈哈~我家的刁嘴食客們，食一兩粒就冷落成包栗子啊😅~
我冇本事一人啃曬成包栗子，但有能力將佢變身，我將栗子拆殼起肉，跟住加砂糖同鮮奶製成栗子蓉，Good! 自家製栗子蓉同坊間出售嘅栗子蓉，味道完全係兩碼子嘅事，自家製會有滿滿嘅栗子香味，坊間出售嘅栗子蓉味道怪怪的，可能佢哋用罐頭栗子蓉，所以味道失真了喔😑~
原定昨日整奶油豬仔包的，為咗要消化栗子蓉，改咗整蛋糕卷啊💖~ (麵糊烤焗前) 

滴雞精、熬雞精邊隻好？【田原香 vs 老協珍】功效價格一次比較

滴雞精、熬雞精邊隻好？【田原香 vs 老協珍】功效價格一次比較 
之前我有分享過滴雞精做法同滴雞精好處，二小姐Ruby積極籌備明年DSE，睇見佢有時捱夜捱到好攰，身體好難補得返，我就買咗無咖啡因但又可以提神嘅田原香原味滴雞精比佢。啱啱朋友要團購，送左盒老協珍熬雞精比我。呢兩個滴雞精品牌都出名，今次就攞來比較下：一個係由養雞開始，專門做滴雞精嘅田原香；另一個係賣乾貨有80年歷史，但呢幾排先出左熬雞精嘅老協珍。究竟滴雞精同熬雞精有咩唔同？整理咗啲資料比大家，即刻參考吓點樣揀最啱自己嘅滴雞精！

新做法~更易成功~!【鹵溏心蛋】烹飪小貼士「雞蛋如何漂亮去殼」

新做法~更易成功~!【鹵溏心蛋】烹飪小貼士「雞蛋如何漂亮去殼」

噢~五個月冇寫Blog了~ 仲記得2007年响Yahoo寫第一篇Blog，當時真係寫得好開心，因為Yahoo好似一個大家庭咁，Blog友會互相到訪

必成功~!【芝麻雞蛋卷】及【原味雞蛋卷】(附食譜)

必成功~!【芝麻雞蛋卷】及【原味雞蛋卷】(附食譜) 

燈燈燈櫈～千呼萬喚始出來，【芝麻雞蛋卷】及【原味雞蛋卷】烹飪短片終於拍攝好及剪輯好了~ 灑花灑花~
上星期响Fans Page問完大家喜唔喜歡雞蛋卷，喜歡就拍短片分享，好開心大家好踴躍留言表態話喜歡，但上星期工作繁忙，抽唔到時間拍片，所以呢兩日有空檔就立即拍片，哈哈~為咗示範蛋卷有幾脆，拍片有示範壓碎蛋卷環節，但拍攝期間，我不停食螺絲，差D將所有蛋卷壓碎都未拍得成呢~Wakakakaaaaaa~
好~! 而家去片~ 【芝麻雞蛋卷】及【原味雞蛋卷】

《無蛋奶配方》輕鬆揉出麵糰薄膜~!! 水合法(水解法)【原味頂角白吐司】(附食譜)

《無蛋奶配方》輕鬆揉出麵糰薄膜~!!水合法(水解法)【原味頂角白吐司】(附食譜) 

好耐冇玩頂角吐司了~^ 何解無啦啦搓番包? 因為想試吓用「水合法」(又稱:水解法)做麵包，睇吓佢會否好過我的至愛「湯種法」囉~^0^~
其實有好多種製作麵包方法，概括有:直接法、湯種法、中種法、液種法、低溫發酵法、老麵法、水合法(水解法)等等，至於我常用的，就是「直接法」、「湯種法」及「低溫發酵法」~ 現分別簡單解說這三個方法嘅利弊啦~^

必成功~!【砵仔糕】爽滑不黏食譜《香港懷舊小食》Red Bean Rice Pudding

必成功~!【砵仔糕】爽滑不黏食譜《香港懷舊小食》Red Bean Rice Pudding 

「必成功」【砵仔糕】爽滑不黏食譜短片已剪輯好喇🎉🎉~\(^0^)/~，我好比心機剪片，因為好想大家都可以做到呢個＞＞富有香港情懷嘅懷舊小食【砵仔糕】，成品是爽滑不黏的，好好味架，大家快Ｄ動手做啦~~~~「必成功」
【砵仔糕】食譜短片 請點擊: