「無添加」不加泡打粉，自家製【魚嘴形狀菜肉包】(附食譜)

「無添加」不加泡打粉，自家製【魚嘴形狀菜肉包】(附食譜)

Hee Hee~ 好耐冇寫食譜喇~^^" 何解咁耐先有出品!? 哈哈哈~咪好似減肥時出現嘅停滯期一樣，郁郁吓唔郁囉~ Wakakakaaaaaa~
不經不覺寫網誌已經十一年了，本來呢..係寫家常小菜為主嘅，後來呢..貪新鮮嘅蝸牛師奶，開始學人玩麵包(餐包+吐司)，所以有段時間轉咗寫麵包食譜，跟住又玩蛋糕甜品，咪又轉咗寫蛋糕甜品囉，其實家常小菜我成日煮，不過少咗團火去寫食譜，哈哈哈~我知我知，團火走咗去你哋度吖嘛，等我分享家常小菜嘅朋友仔，就真係等到把幾火喇，Hee hee hee~其實網誌內有好多家常小菜架，大家番兜住先啦~XDD

近來戚起條根，勁想玩中式包，話實我只係識整BB肌饅頭，其他中式包點一律。。唔識架 ^0^"，下圖是之前製作過嘅BB肌饅頭~ 貪玩嘅蝸牛師奶，叫做學識咗整饅頭之後，又「想」學整中式包喔，如是者，蝸牛師奶「想」咗成年後，終於試做中式包喇~^

家居短片分享【實拍NETGEAR orbi Wifi家居覆蓋效能】

家居短片分享【實拍NETGEAR orbi WiFi家居覆蓋效能】  
時間過得飛咁快，婚後同奶奶一齊住咗七年，然後細囡出世就搬咗嚟呢度，住咗十年有多喔~ 呢度有三房兩廳(900呎)，我間房同廚房接收Wifi比較差，每次响房睇YouTube就窒到冇心機睇，打機就更加唔駛諗，同我家大老爺反映，佢就買過一個叫做高效能嘅Wifi，結果依然窒窒吓，最後我投降，唯有出廳睇Movie同打機，感覺超不爽的=.="..　
直至半年前救星到(灑花灑花)，朋友送咗呢個NETGEAR orbi WiFi(Model AC2200)比我，哈哈哈~係呀，用咗半年喇，覺得好好用，睇Movie同打機非常順暢，所以同大家分享囉~\(^0^)/~

呢部機好易安裝，佢有兩部機，一隻係主機Router 同平時D Router 一樣，插電訊商個條線，另一個係衞星 Router，插電就得。 插好哂，佢地會自己 pair，用手機 download App（NETGEAR orbi）就可以見到佢地連埋一齊，上到網。 使用上，主機 Router 會同衞星 Router 自己連線，將 WiFi 訊號提昇。 
以下是NETGEAR orbi WiFi家居實拍短片: