2017年10月21日 星期六

養生食譜【烹飪短片】~「洛神花茶製作方法」及「洛神花快速去核方法」

養生食譜【烹飪短片】~「洛神花茶製作方法」及「洛神花快速去核方法」
https://kellyandruby-mami.blogspot.com/2017/10/blog-post_21.html
每年大約1011月份,就係洛神花當造時間,菜檔就會出現一朵朵紅色嘅花,部份大大朵充滿光澤,光到好似打咗蠟,有部份係細細朵,不似打蠟但都富有光澤,我會買後者,因為係本地出品,今次嘅洛神花係响九龍城街巿有機菜檔買的,哈~! 我住將軍澳但去到九丈遠買餸,咪因為領展街巿大裝修.....囉,幾個月冇街巿呀老細,與其要日日搭一個站去將軍澳新都城街巿買餸,倒不如點呀大老爺車我去九龍城街巿,一次過買幾日餸來得化算喔~呵呵呵~
https://kellyandruby-mami.blogspot.com/2017/10/blog-post_21.html
製作洛神花蜜其實幾容易的,只係去蒂去核花功夫吧,粒核會有少少黏住花萼,就咁撕開好容易搣到花萼碎濕濕,以下短片介紹一個去核而又令花萼更完整嘅方法,同埋製作洛神花茶嘅方法喔~^ 去片~^

2017年10月6日 星期五

三千煩惱絲~【修護防脫髮療程】

三千煩惱絲~【防脫髮療程】 
https://kellyandruby-mami.blogspot.com/2017/10/blog-post_6.html
大女兒Kelly以前頭髮好濃密,但近年發覺佢甩頭髮問題越來越明顯,呢頭掃完地,嗰頭又一地都係頭髮,初時以為長頭髮我同細囡Ruby都有份,後尾Kelly出外比賽離港十日,發現屋企地下少咗好多頭髮,先留意到Kelly有脫髮問題,我呢個呀媽真係唔夠細心呀>.<"
成日以為年紀大先會有脫髮問題,冇諗過咁後生都會有架嘛@.@"
我有買到坊間嘅防掉髮產品比佢用,不過效果唔係咁明顯,苦無對策之際,收到Rene Furterer邀請我去做「修護防脫髮療程」,哈~! 我諗佢以為我有番咁上下年紀,大概會出現脫髮問題啊~^^"

2017年10月3日 星期二

【必成功蛋糕食譜】~「無添加」~ 無泡打粉及梳打粉的《朱古力磅蛋糕》(附分蛋法食譜)

【必成功蛋糕食譜】~「無添加」~ 無泡打粉及梳打粉的《朱古力磅蛋糕》(附分蛋法食譜) 
https://kellyandruby-mami.blogspot.com/2017/10/blog-post.html
上一篇的無添加「全蛋法」香蕉蛋糕,對新手朋友嚟講,係有點難度的,想當年我整「全蛋法」蛋糕都做到有點洩氣,後尾全靠「分蛋法」蛋糕令我重拾信心,及後漸漸掌握做蛋糕技巧,先再做「全蛋法」蛋糕喔~^
我諗大家會問,既然「全蛋法」有難度,點解唔一早介紹「分蛋法」做香蕉蛋糕呢? um....是咁的,我都係參考網上食譜,佢用「全蛋法」我咪用「全蛋法」囉,後尾見到網友响我的Facebook Fans Page留言及post製成品,就如我當年未熟習做「全蛋法」嘅情況一樣,打蛋糊未拿揑得好,以及加入低粉時攪拌過度而消泡,蛋糕會變得實的的呢~
為咗令新手朋友重拾信心,所以再做一個無添加「分蛋法」朱古力磅蛋糕,呢個蛋糕冇參考網上食譜,係我自己左計右計咁做出嚟,哈~! 又好ok喎,密度高少少,食落鬆軟綿密,簡單易做,係【必成功蛋糕食譜】來喔~^
https://kellyandruby-mami.blogspot.com/2017/10/blog-post.html
「無添加」《朱古力磅蛋糕食譜》

2017年9月28日 星期四

【無添加】~無泡打粉及梳打粉的【香蕉蛋糕】(附食譜)

【無添加】~無泡打粉及梳打粉的【香蕉蛋糕】(附食譜) 
https://kellyandruby-mami.blogspot.com/2017/09/blog-post.html

https://kellyandruby-mami.blogspot.com/2017/09/blog-post.html
好鍾意食香蕉蛋糕,但每次响街買到嘅香蕉蛋糕,都有勁濃郁嘅泡打粉味道,超煞風景呀,其實唔單止係香蕉蛋糕,朱古力蛋糕都係咁,哈~! 我家大老爺話我咁多聲氣,點解唔玩自家製喎@.@"~
um......是咁的,想當年眼高手低,一開始學人整蛋糕就用全蛋法,已經上網睇曬整蛋糕嘅方法,Fold-in切拌法短片「睇得」好純熟,哈~! 結果個蛋糕......見到心都碎呀,證明睇同做係兩回事,蛋糊撈粉,一消泡就騰曬雞,快手快腳未撈勻就焗,哈哈哈~成個蛋糕好似生粉刺咁,一點點白色粉粒呀老細,比大老爺笑到我面都黃呀~ Wakakakaaaaaa~
後來轉用分蛋法,先對整蛋糕重拾信心,跟住再做全蛋法蛋糕,已經不再騰雞了~ 建議新手先做分蛋法蛋糕,熟習咗先做全蛋法蛋糕,否則真係好易比個消泡蛋糕或粉刺蛋糕打沉士氣喔~^
以下的【無添加】《香蕉蛋糕》係用全蛋法製作,新手或許有少少難度的,不過自古成功在嘗試,士氣高昂的新手可以試試的喔~嘿嘿嘿~

材料好簡單,one two three four five一眼睇曬,哈哈哈~ 
不黏模具呎吋 18.5cm x 9cm x 5.5cm(內籠計)
食譜材料:

2017年9月19日 星期二

【盡情地吃吧】~低脂版【芒果乳酪蛋糕】(附食譜)~\(^0^)/~

【盡情地吃吧】~低脂版【芒果乳酪蛋糕】(附食譜)
~\(^0^)/~
https://kellyandruby-mami.blogspot.com/2017/09/light.html
哈哈~好鍾意食蛋糕但又怕肥? no problem la~ 一於剔走易肥嘅材料(淡忌廉同牛油),咁咪可以暢快地吃囉~~~~~^0^~
Hee hee hee~之前說好的低脂版【芒果乳酪蛋糕】食譜,終於寫好了,灑花灑花~ http://img2.3lian.com/2014/c8/62/d/2.gif
其實..冇諗住寫呢個食譜,因為製作時份量預多咗,結果整咗兩個不同呎吋嘅餅,但計來計去都唔知點減番份量,變番做一個餅,哈哈~最後呢個譜都係大約咁計出來,成品可能預多咗少少架~ 
https://kellyandruby-mami.blogspot.com/2017/09/light.html
蛋糕底係用全蛋法(不加泡打粉)製作,初時諗住用分蛋法,但全蛋法嘅蛋糕「蛋」味更香,冇咁濕身同口感更鬆軟,所以都係用番全蛋法製作喔~^

2017年8月27日 星期日

「健康便當」~【泡菜紅米蛋卷】、【孜然肉碎紫菜糙米卷】、【青瓜三文糙米卷】

「健康便當」~【泡菜紅米蛋卷】、【孜然肉碎紫菜糙米卷】、【青瓜三文糙米卷】

第一次用金鳳「初發芽香糙米」同「有機紅香米」製作壽司,估唔到效果會咁好呀,初時擔心佢唔黏,原來黏合得好好,而初發芽香糙米同有機紅香米含有更豐富營養,多食有益喔~
兩款米都唔駛預先浸,就咁好似平時煮飯咁煮就得,只係水量略為增加,包裝盒介紹用水量係1份米2份水,不過我就按個人喜好,改咗1份米1.5份水,成品夠軟身同要嚟做壽司黏合度剛好,我做咗三款壽司【泡菜紅米蛋卷】、【孜然肉碎紫菜糙米卷】、【青瓜三文糙米卷】,材料有蔬菜、肉類、蛋類、配上營養豐富嘅糙米同紅米,飲食更均衡喔~^
 

壽司做法:

2017年8月25日 星期五

【烹飪短片】~「淘寶好物分享」~ 超好用的「菠蘿去皮切片器」及「菠蘿雪條製作」

【烹飪短片】~「淘寶好物分享」~ 超好用的「菠蘿去皮切片器」及「菠蘿雪條製作」 
https://kellyandruby-mami.blogspot.com/2017/08/blog-post_25.html
哈哈哈~蝸牛師奶趕得切响炎炎夏日剪好呢條片呀~\(^0^)/~ 幾驚剪到冬天都未剪好,我都信唔過自己呀,um....甜甜圈食譜剪咗一半,就快上畫架喇~ hee hee hee~ 各位睇住呢個淘寶好物分享先啦~

2017年8月14日 星期一

暑假親子活動~入住「澳門巴黎人酒店」Day one 行程

暑假親子活動~入住澳門巴黎人Day one
行程
 
Haha~小朋友放暑假,做家長嘅真係好忙碌,淨係安排佢哋嘅暑期活動,就已經好頭痕了@.@",暑假一開始時,我同女兒們到澳門巴黎人玩咗兩日,本來有諗住去澳門逛吓其他景點的,但原來淨係响澳門巴黎人玩都已經好充實,所以冇再去其他地方喔~^
Day one到達澳門巴黎人御下行裝,入住的房間可以睇到鐵塔,室內裝修好有法國情懷~
https://kellyandruby-mami.blogspot.com/2017/08/day-one.html

https://kellyandruby-mami.blogspot.com/2017/08/day-one.html
澳門巴黎人設有家庭套房的,同行友人嘅囝囝响房間玩得好開心~
https://kellyandruby-mami.blogspot.com/2017/08/day-one.html
夏日炎炎,第一時間到「水世界」玩水,滑水梯好好玩,而「水世界」旁有旋轉木馬比小朋友玩的~

2017年8月5日 星期六

消暑食譜 ~《無添加菠蘿雪條》附食譜 「淘寶好物分享」~ 超好用的「菠蘿去皮切片器」~

消暑食譜 ~《無添加菠蘿雪條》附食譜 
「淘寶好物分享」~ 超好用的「菠蘿去皮切片器」~
https://kellyandruby-mami.blogspot.com/2017/08/blog-post.html
Hee hee hee~ 上個禮拜去完沖繩旅行,番到香港就真係有咁耐風流就。。。。,哈哈哈~旅行完嘅手尾係..沒完沒了的洗衫熨衫摺衫,除咗家務,仲要處理拖到最後一刻先做嘅商務工作,到今日先有少少空檔寫個人網誌咋~ 
我見到有網友查詢關於沖繩遊輪之旅事宜,蝸牛師奶稍後會逐一回應的喔~^^"

2017年7月23日 星期日

暑假親子活動 ~ 觀賞大型中國show「西遊記」、入住「澳門巴黎人酒店」 ParisianMacao 附套票優惠資料

暑假親子活動 ~ 觀賞大型中國show「西遊記」、入住「澳門巴黎人酒店」ParisianMacao附套票優惠資料

https://kellyandruby-mami.blogspot.com/2017/07/show.html 
https://kellyandruby-mami.blogspot.com/2017/07/show.html

https://kellyandruby-mami.blogspot.com/2017/07/show.html
話咁快又到暑假親子活動時間喔~ 我們這一家嘅第一個暑期活動係到澳門睇大型中國show「西遊記」,表演時間約1小時15分鐘,沒有一點冷場,表演內有多個富有中國特色嘅雜技元素,視覺效果很豐富的,我家兩位小姐睇得好投入喔~^
今次入住澳門巴黎人酒店,裡面有好多設施適合一家大細玩,包括有水世界、Planet JQ立方、巴黎鐵塔等等,稍後會寫遊記的喔~^ 
澳門巴黎人酒店好靚,裝修細緻,空間感十足。

2017年7月11日 星期二

「入廚新手輕鬆煮」~零難度~ 【簡易孜然烤春雞】(附食譜及烹飪短片)

「入廚新手輕鬆煮」~零難度~ 【簡易孜然烤春雞】(附食譜及烹飪短片)
https://kellyandruby-mami.blogspot.com/2017/07/blog-post.html
哈哈~每逢星期六,就好唔想煮飯,拖到日落都未出街買餸,諗住出街食飯,但我們這一家其實宅到唔恨,個個都唔願出街,最後指定動作,反轉雪柜搵存倉之選,上星期响超巿買咗兩隻春雞,就用最簡單嘅方法攪掂佢啦~^
近期鍾意玩剪片,所以乜都拍嚟剪一餐,【孜然烤春雞】雖然食譜好簡單,不過成品一樣好惹味呢~ 我家小姐Kelly & Ruby話好好味,要求下次每人一隻春雞喎,哈~! 下次試吓一次烤四隻,睇吓個爐整唔整到先~^
 (P.S.:我鍾意响洗碗盆醃春雞,唔怕醃料四濺,醃完沖水就得,乾手淨腳,Yes~!) 緊記要預先清潔洗碗盆喔~^
零難度【孜然烤春雞】烹飪短片,請點擊播放收看→ 

2017年6月30日 星期五

「清熱消暑飲品」~ 如何令【竹蔗茅根馬蹄水】更出味方法 (附烹飪短片)

「清熱消暑飲品」~ 如何令【竹蔗茅根馬蹄水】更出味方法 (附烹飪短片) 

Oh~又到咗炎炎夏日季節,天氣好翳焗,出街行咗個round,熱到暈得一陣陣,外勤工作嘅朋友真係好辛苦喔=.+
介紹大家一個簡單消暑飲品【竹蔗茅根馬蹄水】,清熱解暑,潤喉生津,對燥熱引起嘅皮膚痕癢有舒緩作用架~^
http://kellyandruby-mami.blogspot.com/2017/06/blog-post_30.html
材料可以响街巿嘅新鮮草藥舖買到,我家附近嘅厚德街巿,有三檔新鮮生草藥舖,不過幾個月後就唔知响邊樹買喇,因為年尾領展又話要翻新街巿呀,到時幾個月冇街巿,都不知如何是好了~嗚嗚嗚~
http://kellyandruby-mami.blogspot.com/2017/06/blog-post_30.html
製作【竹庶茅根馬蹄水】方法好簡單,只要留意以下小貼士,就可以煲到更出味嘅馬蹄水喔~^
請點擊播放收看→

2017年6月21日 星期三

「自家製懶人叉燒」(附食譜)

「自家製懶人叉燒」(附食譜)
早幾日响FB post咗隻疑似燒雞髀物體出來,有網友仲話佢似隻燒鵝髀添~ 其實....佢係一舊叉燒來啊~ Hahaha~
叫得佢做懶人叉燒,製作方法當然勁簡單啦,只要有焗爐就整到喔~叉燒選料可以係半肥瘦脢頭或柳脢,我較鍾意買半肥瘦脢頭肉整叉燒,有少少肥膏會香D架,怕肥嘅話,食嗰陣時可以咬走肥膏,但我呢..就會一啖吞曬佢落肚呀~ Wakakakaaaaaa~
【自家製懶人叉燒食譜】

2017年6月10日 星期六

「養生燉湯」~【羊肚菌蟲草花鮑魚燉湯】(附食譜及烹飪短片)

「養生燉湯」~【羊肚菌蟲草花鮑魚燉湯】(附食譜及烹飪短片) 
http://kellyandruby-mami.blogspot.com/2017/06/blog-post.html
明明拍咗快速蒜頭去皮方法短片,但冇嚟紋路嘅師奶好想剪燉湯短片,哈哈~咁就出咗呢個香噴噴嘅燉湯食譜先啦~^0^~
我們這一家好鍾意飲湯水,燉湯就更LIKE~! 每次打開燉盅,湯水嘅香味撲鼻而來,呢種濃郁嘅香氣,老火湯係做唔到嘅呢,雖然我都好鍾意老火湯,但我更鍾意燉湯呀,每人一盅,慢慢享用,唔駛爭爭貢嘛,哈哈哈~^0^~ 
【羊肚菌蟲草花鮑魚燉湯】美味又易做,請點擊播放收看~

2017年5月20日 星期六

「少脂版」~《Creme Brulee焦糖布丁》(附食譜及烹飪短片)

「少脂版」~《Creme Brulee焦糖布丁》(附食譜及烹飪短片) 
http://kellyandruby-mami.blogspot.com/2017/05/creme-brulee.html
哈哈哈~ 一入淘門心似海,半年前為咗買個手機腳架,就開咗淘寶戶口,家陣乜都淘一餐,圖中嘅玻璃蛋布丁杯都係淘番來的,都不知幾驚佢送到來時變碎蛋,哈~! 好在佢又包得幾穩妥,完好無缺,不過最近淘嘅玻璃浴室磅就......,運到過來時玻璃碎滿一地,即時留言比賣家叫佢再送一個冇碎嘅比我呀~ 
哈哈~其實我好有興趣响Facebook Fans Page直播分享吓我淘咗D乜東東,當中包括煮食小工具、烘焙用品同家庭用品都買咗好多,有好多都好實用,亦有部份都幾雞肋,呵~^
今次呢隻蛋杯都幾好,只係細咗少少,只裝到60ml布丁,認真滋味呀~(少食多滋味喔~hahaha~)

2017年5月9日 星期二

滋陰降火、增強免疫力~【椰棗花旗參雞湯】(附食譜)


滋陰降火、增強免疫力~【椰棗花旗參雞湯】(附食譜) 
http://kellyandruby-mami.blogspot.com/2017/05/blog-post.html
哈哈~長期夜瞓嘅蝸牛師奶,成日好想調較作息時間,但每到晚上,就拖拖拉拉,玩吓手機、睇吓電視、寫吓稿,同寵物兔仔Coffee玩,結果又係五更天先瞓,哈哈哈~! 我家大老爺話我幾呀歲但仲奀皮過D細路呀,其實我覺得係任性吧,哈~! 任性的代價=多咗好多好多白頭髮,皮膚缺水暗啞,容易心火盛~ haha~雖然未改到夜瞓習慣,但都要調理吓個身體,煲番D降火及增強免疫力嘅湯水喔~^ 明白治標不治本,要早瞓先解決到問題之根本,响未搣甩壞習慣前,會多分享老火湯喔~ ^

2017年4月28日 星期五

續集~BB肌~《原味饅頭》(附食譜)

續集~BB肌~《原味饅頭》(附食譜) 
http://kellyandruby-mami.blogspot.com/2017/04/bb.html
哈哈哈~標題寫「續集」,係咪有點無厘頭呢?  Hee hee~ 話說蝸牛師奶,上一次整饅頭,已經係一年前了^^" 上次係我家二小姐唔舒服,話要食饅頭,所以整比佢歎,今次係忽然手痕,想睇吓仲曉唔曉整,哈~!原來好似踩單車咁,學識後十年冇玩都仲識玩一樣,個饅頭仲係BB肌,冇豆皮喔~
http://kellyandruby-mami.blogspot.com/2017/04/bb.html
近年我寫網誌嘅速度真係快到呢@.@...... 哈~! 有N咁多個食譜想整,但個人好心散,要tune tune集中力先得喇~
講番個饅頭先~^ 其實我都係用番上次個食譜,只係微調咗水份份量、發酵時間,同埋用咗原糖(沒有漂白的糖),初時以為個饅頭會冇咁白,哈~結果又ok喎~
《原味饅頭》饅頭6個 

2017年4月15日 星期六

清熱止咳、補脾滋肺~【羅漢果霸王花雪耳湯】(附食譜)

清熱止咳、補脾滋肺~【羅漢果霸王花雪耳湯】(附食譜) 
http://kellyandruby-mami.blogspot.com/2017/04/blog-post_15.html
Haha~快樂嘅時光過得特別快,去完泰國清邁旅行,回來了~\(^0^)/~ 
Kelly & Ruby第一次去泰國,我哋選擇自由行,包車四圍逛,行程包括有OasisSpa、泰式按摩、漂亮花園小店下午茶、Sunday night market、水果市場、河畔食咖喱蟹、人妖show等等,對佢哋嚟講整個旅程都好有新鮮感,見佢哋玩得咁開心,我就開心了~
旅行期間食咗好多熱氣食物,番到香港當然要煲番D湯水潤一潤,就簡簡單單煲番個清熱潤肺湯水啦~^ 羅漢果有清肺潤腸、止咳清熱作用,佢嘅甜度係蔗糖嘅300倍,所以不宜落太多,否則湯水隨時會變糖水喔,圖中的羅漢果係原粒拍攝,食譜只用了四份一個喔~
 (P.S.:羅漢果熱量低而廣泛使作為甜味劑,常作為肥胖者和糖尿病患者的代用糖)

2017年4月1日 星期六

「家常煮意」~【茴香骨】(附食譜)

「家常煮意」~【茴香骨】(附食譜)
http://kellyandruby-mami.blogspot.com/2017/04/blog-post.html
Hee hee~ 平時煮嚟煮去都係嗰幾味,所以少咗寫家常小菜食譜~
一字骨腩以往都係求鬼其用蒜頭豆豉嚟蒸,但食多了終於都曉厭,哈哈哈~小宇宙被悶醒,咪攪攪新意思,創作咗呢味【茴香骨】出來囉~^
呢款香草Cumin嘅中文名都有好多個解說,分別係小茴香、阿拉伯茴香、安息茴香等等,但廣為人所熟悉的名稱就係「孜然」,因為譚仔米線將《孜然雞翼》成為一道出名嘅料理,所以一講"孜然"大家就會知係乜東東喔~

2017年3月10日 星期五

我們這一家的 【ViuTV Cooking媽嫲】(第35集)播映了~\(^0^)/~

我們這一家的 【ViuTV Cooking媽嫲】(第35集)播映了~\(^0^)/~ 
http://kellyandruby-mami.blogspot.com/2017/03/Cookingmama.html
http://kellyandruby-mami.blogspot.com/2017/03/Cookingmama.html

前日响Facebook Fans Page收到多個食譜查詢,大部份都係問【台式滷肉碎】食譜材料,我先知道2010年我們這一家拍攝的「Cooking媽嫲」電視節目,終於能夠响99ViuTV公開收看了~\(^0^)/~ (P.S.:之前只於收費電視NowTV播放的喔~^)
時間過得飛咁快,呢個係七年前拍攝嘅電視節目,仲記得NowTV工作人員Grace聯絡我,叫我拍Cooking 媽嫲時,我話好驚喎,佢話好好玩架,唔駛留意個鏡頭就得架喇~^ 好開心接拍咗呢個節目,而家睇番都覺得好溫韾~^ (P.S.:原來當年我都幾怪獸,KellyRuby打機要儲時間喔~呵呵呵~)

2017年2月10日 星期五

「快捷味美之選」~《大阪燒》(附食譜)

「快捷味美之選」~《大阪燒》(附食譜) 
http://kellyandruby-mami.blogspot.com/2017/02/Okiham.html
我家兩位小姐放學後必問:『媽咪,今日下午茶點係乜東東?』,哈~!大部份時間我都叫佢哋食牛奶麥皮或者自家製麵包,有時都會製作特色小食比佢哋歎嘅,不過都係一D快靚正嘅食譜,就好似今日介紹嘅《大阪燒》,切好材料加入粉漿煎好就食得,超級無敵快靚正呀~ hahah~

2017年2月4日 星期六

祝各位雞年如意吉祥,身體健康,開心快活~\(^0^)/~(附蘿蔔糕食譜)

祝各位雞年如意吉祥,身體健康,開心快活~\(^0^)/~ (附蘿蔔糕食譜)
http://kellyandruby-mami.blogspot.com/2017/02/Rooster.html

http://kellyandruby-mami.blogspot.com/2017/02/Rooster.html
哈哈哈~潛水師奶蒲頭了~\(^0^)/~ 農曆新年有勁多家庭活動,冇時間寫網誌喔~^e^" 今年我都有蒸蘿蔔糕,依然用番好靠得住嘅蘿蔔糕食譜,味道當然very good la(賣花讚花香喔~hahaha~),今年用Vita Craft不黏煎pan煎糕,效果非常好~! 好快就煎到外皮金黃香脆,裡面熱呼呼,正~!

2017年1月24日 星期二

「節日食譜」~ 簡單味美《關東煮》(附食譜)

「節日食譜」~ 簡單味美《關東煮》(附食譜) 
http://kellyandruby-mami.blogspot.com/2017/01/OKIHAM.html
話咁快就到農曆新年,祝大家新年進步,身體健康,口福滿載^
Haha~有冇諗過,《關東煮》也可以係一個簡單又好意頭嘅賀年餸菜呢? 材料內有福袋,寓意『幸福滿載』,而將Okiham日本沖繩滋味腸界十字,煮好後好似盛開嘅花朵,寓意『花開富貴』,竹輪卷寓意『竹報平安,貨如輪轉』,你話幾好意頭呢~ (哈哈哈~豐富的聯想力喔~)

2017年1月19日 星期四

「烹飪示範短片」~簡易家常菜【大地魚肉碎豆腐】(附食譜)

「烹飪示範短片」~簡易家常菜【大地魚肉碎豆腐】(附食譜)
http://kellyandruby-mami.blogspot.com/2017/01/blog-post.html
朋友問我煮嘅餸菜是否天天新款? 大魚大肉? 哈~其實我最愛係簡簡單單嘅家常小菜,快靚正嘛~^ 最常煮嘅簡單家常小菜包括上圖的《大地魚肉碎豆腐》、《冬菇蒸滑雞》、《梅菜蒸鯇魚》、《台式鹵肉碎》、《豉油皇雞翼》........等等~^0^~
以前我係用蠔油同生抽煮肉碎豆腐,後尾發覺加咗大地魚粉更惹味,我家兩位小姐Kelly & RubyLike,所以呢味餸菜係每周之選喔~
《大地魚肉碎豆腐》材料好簡單,一眼睇曬喔,平時煮餸已習慣材料份量在心中,所以烹飪短片內,大家會見到我係大約落調味,未必會全部落曬啊,Hee hee~至於食譜,我會盡力寫番實際份量比大家參考喔~^
材料:

2017年1月4日 星期三

抗老退紋真係唔駛貴喔~ 日本藥妝店大熱《50惠OIL-in養潤系列》 直送香港

抗老退紋真係唔駛貴喔~ 
日本藥妝店大熱《50OIL-in養潤系列》直送香港 
http://kellyandruby-mami.blogspot.com/2017/01/50oil-in.html

http://kellyandruby-mami.blogspot.com/2017/01/50oil-in.html
哈~! 不經不覺,我的兩個寶女兒,已長得比我高,即是..我已經有番咁上吓年紀了~ 雖然有好多朋友依然好厚度,話我哋睇落好似三姊妹,但我心中有數,面上越來越多嘅皺紋+細紋,真係過唔到自己嗰關呢~ 
每晚洗完面都會99搽保濕同潤膚霜,因為稍為遲少少搽潤膚霜,塊面就會乾到不得了,我已用過多款不同品牌嘅貴價保濕去皺產品,暫時未遇到十分滿意的一款,近日公關朋友給我,日本熱賣嘅50OIL-in養潤系列,簡介內提及OIL-in 精華油養潤配方,原來年過30之後,皮膚既皮脂分泌會越黎越少,油份不足會經常感到乾燥! 就好似煮餸醃肉時,加入少許生油,肉質會變得更軟滑同調味料會更快吸收入肉裡面,令肉質變得更嫩滑一樣喔~^ 
今次試用嘅系列含有 5 種美容精華油 (橄欖果油、山茶花籽油、角鯊烷油、牛油果油、玫瑰果油),主力以油制乾,再配合50種養潤成分,滋潤同時修復,令肌膚平滑柔潤,重拾回彈緊緻,徹底解決肌膚乾燥問題,撫平皺紋。仲可以妝前使用,妝容顯著更持久貼服,無咁易出現浮粉、脫妝、乾紋等尷尬情況。
Related Posts Plugin for WordPress, Blogger...