兩款米都唔駛預先浸，就咁好似平時煮飯咁煮就得，只係水量略為增加，包裝盒介紹用水量係1份米2份水，不過我就按個人喜好，改咗1份米1.5份水，成品夠軟身同要嚟做壽司黏合度剛好，我做咗三款壽司【泡菜紅米蛋卷】、【孜然肉碎紫菜糙米卷】、【青瓜三文糙米卷】，材料有蔬菜、肉類、蛋類、配上營養豐富嘅糙米同紅米，飲食更均衡喔~^
壽司做法:
1）孜然肉碎紫菜糙米卷
做法: 豬肉碎以孜然粉及調味料(生抽、生粉)醃好，炒熟，備用。糙米鋪上肉碎，卷起，表面卷上紫菜即成。
2）泡菜紅米蛋卷
做法:雞蛋打勻，煎成薄蛋皮，備用。紅米鋪上泡菜、卷起，表面卷上紫菜，然後卷上蛋皮即成。
3）青瓜三文糙米卷
做法:青瓜刨成薄片，三文魚肉蒸熟，加入少許鹽拌勻，備用。糙米鋪上三文魚肉碎，卷起，表面卷上紫菜，然後卷上青瓜片即成。
(我已關閉網誌留言欄，歡迎大家到我的專頁內留言~^0^~)
我在Facebook開了專頁，方便大家留言，歡迎大家加入閒
話家常啊~
何師奶 ~《全職"煮"婦生活逸事 烹飪分享》
我的微博，請多多關照(注) Haha~
