「愛心午餐盒」~【簡易燒排骨】附食譜

「愛心午餐盒」~【簡易燒排骨】附食譜

哈哈~慢過隻龜嘅蝸牛師奶寫食譜了~^0^""
星期一响Facebook Fans Page刊登咗燒排骨玉照，但遲遲都未補番食譜，因為全職家庭煮婦+兼職自由工作者真係好忙碌喔~+.+~
每朝七點前要煮好大老爺同Ruby嘅午餐盒，初時為求快捷，餸菜大部份係蒸蒸炒炒，而家嘗試將複雜餸菜簡單化，製作步驟雖然不是傳統做法，但另類烹煮方法可縮短時間而成品味道又好，傳統做法已不是首要了~ 

用焗爐製作燒排骨，傳統做法是將鍚紙包上排骨，視乎排骨的厚薄，焗大約30-40分鐘，然後打開鍚紙，掃上醬汁或蜜糖，再以高溫焗大約12分鐘.
而我的簡易做法是，將已醃好的燒排骨，以大火隔水蒸10分鐘，然後放入已預熱達200度的焗爐焗10分鐘，咁就可以確保厚厚的燒排骨裡面熟透及保持肉汁，而表面烤到乾身及微焦，一啖咬落去，Wow~好juicy喔~

今次我响鮮肉檔買一字骨的，鮮肉檔出售嘅一字骨大大條的，我叫肉檔哥哥仔將佢一開二，不過鮮肉檔嘅一字骨價目就不太親民，四條(一開二後八件)多謝承惠$138， 所以佔七成時間我會去百佳買冰鮮一字骨，價目會較便宜，但大部份係骨多肉少，當見到啱心水時(骨肉均等)，我會買定放入冷藏格，要煮時會前一日放普通格解凍喔~^
【簡易燒排骨】食譜(2人份量，每人兩件)
 材料:
 新鮮一字骨2條=4件 (叫肉檔哥哥仔/呀叔將佢一開二)
 醃料:
 鹽半茶匙、紹酒2茶匙、叉燒醬1湯匙(按個人口味有所增減)
 做法:
1)一字骨拌入醃料，放入密實袋醃一晚備用.

2)一字骨平均置於碟中(不要重疊)，大火隔水蒸10分鐘備用。
3)烤盤鋪上鍚紙，上面放上烤架，一字骨置於烤架上，兩面薄薄的掃上叉燒醬，放入已預熱達200度的焗壚中，烤10分鐘即成。

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
 
我的微博，請多多關照(注) Haha~