小時候，一到年初七就會好開心，除咗有及弟粥食，當日仲係拆紅封包時間，其實到家陣我都唔明白，點解要等到年初七先可以拆利是，究竟係咪淨係我嘅鄉下興，就真係無從稽考了，不過，我都將呢個習俗代代相傳下
去，Kelly & Ruby今日先可以拆利是呢~ 哈哈哈~佢哋都不知忍得幾辛苦啊~ Wakakakaaaaaa~
至於大年初七食粥呢個習俗，我依舊將佢保留落嚟，所以是日午餐《手打豬肉丸+豬膶粥》，而年初七點解係人日? 同埋點解要食粥?
原來相傳女媧創造蒼生，順序造出了雞狗豬羊牛馬等動物，並於第七天造出人來，故此初七為人的生日。而不同省縣各有不同的慶祝食物，例如七菜羮、及弟粥、麵線、盒子菜等等，而香港、廣州及珠江三角洲一帶，喜愛吃「及弟粥」慶祝人日，所謂及第，就是希望在科考場中取得狀元，人日吃及第粥，就是取其好兆頭。
而人日食粥，係取其意頭，豐衣"足"食，所以今日煲咗綿滑的《手打肉丸+豬膶粥》啊~ 自從有咗Fissler高速煲，煲綿滑靚粥完全是零難度，調較啱米水比例，跟住以3度加壓十分鐘，減壓後開蓋滾幾滾，ｄ粥真係要幾綿滑，就有幾綿滑啊~ 以往煲粥成鬼日驚佢滾瀉又或者黏底，而家就冇呢個煩惱了~^0^~
材料:
豬膶、免治豬肉碎、蝦皮、乾瑤柱1粒、果皮1片
做法:
1)免治豬肉碎加入薑汁、紹酒、生抽、生粉及少許水份攪至出現黏性後加入蝦皮碎再攪拌，然後邊攪邊撻至起膠，備用．
2)果皮浸軟後，刮掉裡面白色部份，備用
3)乾瑤柱浸軟後，以小型攪拌機加入100毫升水份攪拌，備用．
4)豬膶切片，加入生粉清洗片刻，然後以清水洗淨，加入薑汁、紹酒、生抽醃好備用．
5)(這個水米比例適用於Fissler高速煲，假若使用其他鍋具，成品或有偏差，因不同鍋具及火力令水份蒸發程度有異)
高速煲米水比例為一標準量米杯加入2,200毫升水份(水份已包括乾瑤柱水)，然後加入果皮，將加壓裝置調較為3度，然後開大火，出現綠色線時轉最細火加壓10分鐘，減壓開蓋後，開大火將粥煲滾，然後順序加
入豬肉丸及豬膶，須不時將材料攪拌(但不可過度攪拌，否則粥會化水啊~!)，待材料熟透後加入適量鹽調味即成．(可依個人喜好加入蔥花、麻油及胡椒粉)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
