無添加「輕怡版」【自家製香橙磅蛋糕】附食譜

無添加「輕怡版」【自家製香橙磅蛋糕】附食譜

早兩個禮拜全情投入整公仔午餐盒比Ruby，因為即煮即送飯嘅關係，不存在保溫問題，用長方形嘅日式凍便當盒都可以，但每日要送飯到Ruby學校，來來回回用咗好多時間，最後決定買保溫飯壼，朝早整好等佢帶飯，咁我唔駛行來行去，可以有番多少少私人時間喔~^0^~
哈哈哈~其實..所謂嘅私人時間，咪又係整嘢比佢哋食@.@~"，近期喜歡製作磅蛋糕，有感原味磅蛋糕有點單調，所以加入不同嘅水果，基本嘅例如香蕉/橙等等，屋企班大帝K.O蛋糕嘅能力好高，都是即日清的，一陣我又要整蛋糕啦~~~~~~!

因為日日吃蛋糕嘅關係，致肥材料落少咗，牛油落輕手咗，亦試過改做菜油，哈~但最後都係做番落得輕手嘅牛油版本，原因係..覺得牛油香少少囉~^
輕怡版【香橙磅蛋糕食譜】
材料:
全蛋3隻
糖50克
鮮橙汁50克
鮮橙皮茸1個
低筋麵粉100克
無鹽牛油20克(或改為10克菜油)

做法:
1)蛋加砂糖座熱水(40度)打成蛋糊，廚師機以高速打6分鐘，然後用慢速打2分鐘(電動打蛋器時間或需增加少許，不同牌子馬力各異，蛋糊打發到拿起打蛋器時，蛋糊滴落5秒不消即可)
2)將橙汁及橙皮茸加入打發好的蛋糊中拌勻，然後分三次加入已過篩的低粉，以切拌法(Fold-in)拌勻至沒有粉粒  

3)拌勻後取出部份麵糊與牛油拌勻

4)牛油麵糊倒回剩下的麵糊中，以切拌法(Fold-in)拌勻

5)蛋糕糊倒入不黏模內，提起不黏模於枱上輕敲數次，作用是消除大氣泡，然後放入已預熱達170度的焗爐內烤焗35分鐘即成。(東芝水波爐選Convection)
(若要蛋糕表面裂紋整齊，於烤焗10分鍾後取出，用小刀於中間劃一條直紋，然後放回焗爐內再烤25分鐘即可)

成品中間是脹起的，口感帶少許濕潤的，沒有泡打粉/梳打粉的香橙磅蛋糕，因加入較多橙皮茸關係，有濃郁的香橙香味，緊記刨橙皮茸時，不要刨到白色部份，只要薄薄的橙色表皮，白色部份帶有苦澀味喔~^
(沒有消泡的香橙磅蛋糕，蛋糕體是鬆軟及較高身的，底部不會出現一層厚厚實實的狀態，新手朋友們加油喔~! 想當年我都做到洩氣，努力做就會做到的啊~!)

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
 
我的微博，請多多關照(注) Haha~