「健脾開胃」~【太子湯】(附食譜)

Share

「健脾開胃」~【太子湯】(附食譜) 

什麼是《太子湯》? 哈哈~其實係我位母親大人，話呢個湯健脾開胃，適合胃口不佳人仕，此湯水有清補作用，多飲也可以，佢仲話此湯太子都飲唔壞，所以叫做《太子湯》囉~  嗱嗱嗱~聲明在先呀吓~ 我位母親大人唔係中醫師，佢只係一位有多年煲湯經驗嘅家庭主婦，想當年父親大人身體抱恙，多得呢款太子湯，令佢由冇氣吞飯，後來快快趣食到大大碗飯，仲飲到佢皮光肉滑添~ 哈哈哈~

早兩日我响Facebook專頁，post咗購買湯水材料相片，原來大家對此款湯水材料好有興趣，仲有朋友仔响樹估藥材名稱，哈哈~見大家估得咁開心，我就逐一介紹佢哋嘅名稱及用處啦~ 「相片來源:何師奶~ 名稱及資料來源"互聯網"」

防黨:党參具有補中益氣，健脾益肺的功效。用於脾肺虛弱，氣短心悸，食少便溏，虛喘咳嗽，內熱消渴等。《本草從新》記載：「補中益氣、和脾胃、除煩渴。中氣微弱，用以調補，甚為平妥。」

北茋:補脾益氣 用於脾胃虛弱，食少便溏，倦怠乏力之症，以及脾虛泄瀉，久瀉脫肛等。北芪的補氣力強，善補肺氣，可以治療肺虛氣短，聲低懶言、神疲乏力，容易感冒之症。

茯神:性味甘、淡平。有滲濕、健脾、寧心等功能。用於痰飲、水腫、小便不利、泄瀉、心悸、眩暈。茯苓皮，利水消腫，用於水濕浮腫等症。

海玉竹:具有清熱、養陰、生津、潤燥、潤肺作用；有調和人的血氣運行功效，亦有降血脂和降壓作用。

淮山:益氣養陰，補脾肺腎，固精止帶。用於脾虛食少，久瀉不止，肺虛喘咳，腎虛遺精，帶下，尿頻，虛熱消渴

茨實:功能固腎健脾、開胃除痰。茨實又稱為芡實﹐是生長于湖沼間某類水草的果實。含有蛋白質、脂肪、樹膠質、碳水化合物、纖維素、礦物質及維他命B1、B2、C等﹐具滋補功能，營養價值極高。

腰果:腰果性味甘、平，有降壓、益顏、延年益壽、利尿降溫之功效。

新鮮瘦肉;急凍響螺

健脾開胃~《太子湯食譜》: 【此湯有清補作用，部份藥材未必適合幼童及懷孕婦女或特殊體質人仕】
材料: 
防黨 30克
北茋 30克
茯神 40克
海玉竹 50克
淮山 80克
茨實 80克
腰果 60克
紅棗 6粒(去核)
蜜棗 4粒
急凍響螺 2個 (或響螺乾 12件，響螺乾會令湯水更鮮味，於海味店有售)
新鮮瘦肉 600克
薑 2 片
水份 2500毫升

做法:
1)急凍響螺；瘦肉汆水，備用。

2)藥材汆水(紅棗、蜜棗除外)，備用。【溫馨提示:藥材須預先汆水，否則有機會有酸味】

3)燒熱一鍋水，水沸後加入所有材料，以高速煲2度加壓30分鐘，減壓後開蓋以大火煲15分鐘即成。【一般鍋具烹調方法: 先以大火煲30分鐘，轉中火煲2小時，最後大火煲半小時即成】

湯水是清甜的，健脾有益，可增強免疫力~ 

高速煲手柄之前跌落地裂咗，多謝Fissler靚女幫手，而家有番手柄配件，可以繼續煲靚湯了~ Thanks a lot~

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
 
我的微博，請多多關照(注) Haha~