土茯苓牛大力湯水，係家中長輩教我煲的，想當年長輩患有濕疹，飲用這款湯水後好轉的，但..食療方內其中一種材料我冇用到→"草龜"@.@" ，長輩話加咗草龜會好快好番，但我寧願好得慢少少，都唔想加隻龜啊~
今次冇影材料相片，原因是碎濕濕影咗都唔知佢係乜~ 材料買嗰時係完整的，但生草藥舖會將佢用機切碎曬，所以我响網上搵番佢嘅真身比大家參考好過了~ 下圖分別是土茯苓、牛大力、鑽地老鼠(佢係植物來的，但個名有點嚇人~ haha~)
《土茯苓牛大力湯食譜》4人份量
材料:
土茯苓 1斤 (鮮貨，不是乾品，街巿新鮮生草藥檔有售)
鑽地老鼠 半斤 (鮮貨，生草藥店有售)
牛大力 半斤 (鮮貨，生草藥店有售)
赤小豆 2兩
白扁豆 2兩
豬展 1斤
陳皮 1片 (浸軟去瓤)
水份 3公升
做法:
1)洗淨所有材料，豬展汆水備用。
2)水滾後加入所有材料，以大火煲半小時，轉中火煲兩小時，最後用大火煲半小時即成。
(若以Fissler高速煲烹調，水份須減至2.5公升，水滾後加入所有材料，以2度加壓30分鐘，減壓後開蓋以大火煲15分鐘即成)
【小貼士】 :生草藥店會代為切片。
「食材相關資料」，資料來源互聯網:
"土茯苓"味甘性平，有清熱解毒，除濕通關節，主治瘡毒，風濕關節炎，筋骨酸痛，是袪濕佳品。
"牛大力"是常用的山草藥，又名山蓮藕，味甘性寒，主要成份為蛋白質，澱粉質及生物鹹。牛大力功能清熱潤肺，止咳，強筋活絡，主治肺結核，支氣管炎，慢性肝炎，咳嗽等症 。 這個湯水，非常去濕清潤，南方潮濕，常喝有利去濕利尿，若有水腫的朋友，常喝有益。
"鑽地老鼠"的功效是祛濕，利關節，活血散瘀，用治皮膚濕毒熱毒，婦女帶下，子宮頸炎、急性關節炎，前列腺炎、蛋白尿及痔瘡等等等。現代成分研究發現，它含有氨基酸、β-谷固醇以及尿囊素等等。β-谷固醇有抗衰老和降血脂作用，尿囊素則能促進細胞生長，加快傷口愈合，軟化角質蛋白，能緩解和治療皮膚乾燥癥、鱗屑性膚疾患、皮膚潰瘍、暗瘡。
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
