「惹味好煮意」~ 《蒜子乾蔥炆雞》(附食譜)

Share

「惹味好煮意」~《蒜子乾蔥炆雞》(附食譜) 

Hee hee~ 早排話會玩自拍「快速蒜頭去皮方法」，跟住又......影。都。冇，哈~响Facebook Fans Page嘅沖繩手信大抽獎，因未抽到時間做Live抽獎，所以仲未抽出得獎者，哈哈哈~蝸牛師奶就嚟又多個朵，叫「無尾飛陀師奶」喔~ 暑假嘛~要投放更多時間响兩位放暑假嘅女兒身上，所以蝸牛師奶咪更甩漏囉~ ^e^" 等佢哋開學後會好番D架喇~ (甩轆師奶自我催眠中~ XDD )
本來煮呢味《蒜子乾蔥炆雞》時，想set好個陣拍「快速蒜頭去皮方法」短片，哈~! 久未出動嘅拍攝器材冇電呀(真係有冇咁橋呀@.@")，又趕住煮晚餐，咁就遲吓先玩自拍囉(其實可能冇乜人有興趣睇，不過講咗我都會照拍的喔，哈哈哈~)  

我是蒜頭狂，用蒜頭用得好快，每星期必定整定一大樽"去皮蒜頭"放入雪柜，拿起手要嚟切蒜片或做蒜蓉都方便好多的~

《蒜子乾蔥炆雞》食譜
材料: 
全雞1隻(約1斤半，斬件，拌入醃料)
蒜頭15粒(去皮)
乾蔥10粒(去皮切條)
醃料:
薑汁、紹酒、少許鹽
調味料:
鹽、清雞湯、糖、水份
做法: 
蒜子半煎炸至金黃，盛起，備用~

乾蔥半煎炸至出香味及少許微焦，盛起，備用~

接著爆炒雞件至金黃~

下調味料、蒜子及乾蔥，加蓋炆煮至收汁及入味，埋少許生粉水芡即成。

《蒜子乾蔥炆雞》真係好惹味嘅呢~ 又係嗰句，煮呢味餸時，記住要煲多D飯呀~!!
(P.S.:炆煮後嘅蒜子及乾蔥會溶入汁液內，勁惹味的喔~\(^3^)/~ 圖中的蒜子係炸好留起兩件要嚟影相的，否則炆煮後真係影都冇呀~  XDD ) 
我會用心煮好每一餐比我家大老爺同Kelly & Ruby，佢哋又好鬼合作，每次都會演技精湛咁話:『好好味呀~!!』聽到呢句，真係好窩心，响廚房煮到大汗疊細汗都值得的~^3^~ 

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
 
我的微博，請多多關照(注) Haha~