心底話之~ 事先張揚的~『自家製麵包烹飪示範短片』

心底話之~ 事先張揚的~『自家製麵包烹飪示範短片』 

不經不覺，已經寫咗Blog六年了~ 開Blog初期，我會分享較多兩個女兒嘅生活逸事，亦會分享每日嘅家常小菜，神經質的我，仲會分享好多無厘頭嘅生活片段，但．．漸漸哋，開始幫各品牌撰寫網上食譜後，少咗分享日常事，因為好難會加插自己嘅生活逸事落去嘛~ 
為咗尋回昔日嘅自己，所以決定，拍多ｄ烹飪短片，因為拍短片可以令我尋回昔日嘅感覺，其實......我好鍾意自拍烹飪短片的，但拍完要剪輯就令我望而卻步，我係自學剪輯短片，所以要花較多時間剪輯，拍片唔難但剪片就要我乖乖坐定定，的起心肝先剪到，對於一個鍾意打機嘅師奶其實頗有難度的，因為剪剪吓片，一覺得煩我就會走咗去打機架喇~ 我是一個老頑童來啊~ Wakakakakaaaaaa~ 

近日發現我介紹比大家嘅~日清網站手搓麵包示範連結失效了~ 所以的起心肝搵番個相機腳架出來，拍番輯自家製麵包製作短片，拍完我部機ｄ掣係曬高筋麵粉，希望佢唔好咁快打柴啊~ 因為我仲有烹飪短片想拍呢~ 
自拍短片第一擊 → 《流心芝士麵包》烹飪示範短片~

Hee hee hee~ 係咪好吸引呢? 《流心芝士麵包》我曾經响TVB「都巿閒情」上門教煮餸環節示範過，礙於TVB播放版權問題，我唔可以放佢段片上來，所以我重新拍攝過製作方法啊~ 
今日我已經拍咗整個麵包製作過程，但剪片須時，蝸牛師奶手腳慢，大家要比少少耐性啊~ 
(P.S:大老爺~你個剪片軟件sort sort哋啊~ 快ｄ幫我重裝部電腦啦~~~~~~) 


(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~