簡易版~《臘味糯米飯》(附食譜)

Share

簡易版~《臘味糯米飯》(附食譜)

天氣寒冷，好想食暖胃又惹味的《臘味糯米飯》，但坊間好難買到啱心水嘅《臘味糯米飯》，因為一係過鹹，又或者係飯粒過軟，而大部份都會油份過多，明白臘味糯米飯一定會有油份(臘味會出油的)，不過好多時買番嚟嘅糯米飯，未食已經成手油了~ 哈哈~為咗迎合少鹹少油，飯粒軟硬適中嘅要求，都係自家製啦~

本來想製作生炒臘味糯米飯，不過真係會炒到手軟，所以來一個簡易版，先將糯米蒸熟，跟住先放回炒香的材料內，咁就可以省卻不少手力，同埋可以落少好多油呢~ 
今次繼續出動我嘅入廚好拍檔→"東芝水波爐"~ 佢係集蒸煮、烤焗、過熱水蒸氣、微波於一身，多個功能都可以分開操作的，今次我用佢嘅蒸煮同烤焗功能，糯米浸軟後(浸4小時)，放入水波爐以純蒸氣蒸25分鐘，飯粒剛熟透心，不會過軟，因為炒糯米飯時會加入適量水份，所以唔可以蒸得過軟，25分鐘已足夠了~ (P.S.:水波爐的水箱足夠25分鐘的使用，不用中途加水的啊~) 

蒸完糯米飯，用乾布抹乾水波爐裡面嘅水份，然後可以焗花生了~ 花生不用油炸，改用烤焗嘅方法，簡單易做又美味呢~ 用水波爐烤花生，受熱平均，色澤一致，花生甘香可口啊~ 
先將花生洗淨，用廚紙吸走水份，然後加入少許生油撈勻，放入水波爐以convection烤焗20分鐘即成(中途須將焗盤取出搖一搖，作用是幫花生翻面，這樣花生會烤得更均勻) 

海味及臘味先以大火爆炒，然後轉慢火烹調，令臘味釋出更多油份，這樣，炒糯米飯時，就不用加入過多的油了~ 

《臘味糯米飯食譜》 
材料: 
糯米300克 
臘腸40克 
鴨膶腸40克 
乾冬菇4隻 
蝦米40克 
珠豆花生40克 
蛋1隻 
蔥花適量 

調味料: 
生抽2茶匙 
老抽適量(調色) 

做法: 
1)冬菇浸軟切粒；臘腸、鴨膶腸切粒；蝦米洗淨備用。 
2)糯米洗淨，浸4小時，隔去水份，平均鋪於可蒸煮的烘焙紙上，放入水波爐中，以純蒸氣蒸25分鐘，備用。 
3)珠豆花生洗淨，用廚紙吸走水份，加入半茶匙生油撈勻，放入水波爐以convection(須預熱)160度烤焗20分鐘，中途須將焗盤取出搖一搖，作用是將花生翻面，這樣花生會烤得更均勻。(珠豆花生體積較細，所以烤焗20分鐘已足夠，假若使用較大體積的花生，須增加烤焗時間啊~) 
4)蛋打成蛋液，煎成蛋片，放涼切絲，備用。 
5)燒熱易潔鍋，下少許油，順序加入蝦米、冬菇、臘腸、鴨膶腸以大火爆炒片刻，轉慢火烹調至臘味釋出油份，然後加入糯米飯，加入兩湯匙沸水，待飯粒完全鬆開及與所有材料混合後，下調味料，最後加入花生、蔥花及蛋絲炒勻即成。（加入沸水的份量，須視乎飯粒鬆開的情況而定，可按個人喜愛的軟硬度，加入更多的沸水）
 (P.S.:放涼後的糯米飯，可於水波爐翻熱，以純蒸氣蒸10分鐘，假若想縮短加熱時間，亦可選用微波Delicate自動感應加熱模式的啊) 

【簡易小貼士】: 
1)先將糯米蒸熟，可省卻炒糯米的時間，而蒸好的糯米飯，可先用少許白開水(凍滾水)將飯粒鬆開，這樣會更容易炒開。 
2)花生改用烤焗方法，相比用鑊炸的方法更簡易啊~

歡迎加入東芝水波爐分享區『東芝水波谷群組』 → https://www.facebook.com/groups/426506597487890/ 
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~