無添加【蘋果甘筍汁】 ~ 不須切件，可以成個蘋果放入機磨的Kenwood JMP800 (附慢磨機操作短片)

Share

無添加【蘋果甘筍汁】 ~ 不須切件，可以成個蘋果放入機磨的Kenwood JMP800 (附慢磨機操作短片)

因工作關係，認識多位不同品牌的家庭電器公關，所以屋企可以說是一個小家電集中地，蝸牛師奶的起心肝，將佢哋逐一開箱，試試佢哋嘅性能及功用，今日出場嘅係Kenwood最新推出的JMP800慢磨機~!

曾經用過另一品牌的慢磨機，裝嵌方法亦大同小異，假若未用過慢磨機的話，都要摸索一陣先可以裝好部機喔~ 慢磨機底部的膠塞，一定要塞好才能操作的，而安裝過程亦算簡單，以下是安裝過程圖解~

相比我用開嘅慢磨機，Kenwood最吸引之處，係可以成個小蘋果放入去，不須切開，而甘筍唔係過大嘅，都可以成件放落去呢，因為佢個摩打好夠力，初時成個小蘋果掉落去時，我都好緊張，好驚整壞部機，原來佢真係好夠力，噼嚦啪嘞咁就成個小蘋果磨成渣了~ 
Kenwood慢磨機有幾夠力? 以下係慢磨果汁實拍短片~ 
 
甘筍渣也不會浪費的，部份給小兔子Coffee做小食，部份用來做自家製麵包配料喔~\(^0^)/~
(P.S.:因小兔子不能吃蘋果核的關係，我先磨甘筍，盛起甘筍渣後才磨蘋果的喔，而實拍短片內的蔬果甘筍渣沒有盛起，因混合了蘋果核，所以浪費了~)

【用後感】
「優點」水果蔬菜唔需要事先切得好細，大大件都可以放落部機度，摩打非常夠力，適合講求速度嘅朋友。
「缺點」: 一般慢磨機也會有泡泡，不過消泡速度會較快的，而這部機因非常夠力的關係，果汁表面會出現較多泡泡，消泡速度較慢的喔~ 
P.S.: 這部機與一般慢磨機一樣，果汁內會有極輕微果肉的~ 
於Facebook Kenwood Kitchen群組找到相關資料:-
『全新Kenwood JMP800 慢磨果汁機，建議零售價:$2,488，各大百貨公司以及電器店有售。』

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
 
我的微博，請多多關照(注) Haha~