Haha~ 其實大家一年四季入嚟都會見到呢個蘿蔔糕食譜，呢個蘿蔔糕係冇期間限定架，但我發現我將呢個食譜分類得比較亂，所以為方便閱讀，今日就將食譜及製作方法短片集中响呢樹，而食譜所製作出嚟嘅蘿蔔糕口感好鬆化，但假如大家食慣咗粟粉實實哋嗰款口感，呢個食譜就未必合你心意啊，因為呢個食譜係入口即溶，口感好鬆軟的呢~
剛蒸好嘅蘿蔔糕，睇起上嚟少少透明，唔係咁結實，但放涼後入雪柜(普通格)，佢就會變得結身呢~ 食用時可按個人喜好將佢翻蒸又或者煎香都好好味，最愛煎到表面香脆，裡面鬆化，入口即溶，正~!
《蘿蔔糕製作方法Part One》
《蘿蔔糕製作方法Part Two》
《鬆化蘿蔔糕食譜》
材料:
蘿蔔7斤、李祥和粘米粉570克、澄麵60克、冬菇16隻、
臘腸4條、瑤柱4粒、蝦皮100克(蝦皮本身有鹹味，所以
可因個人口味而有所增減)、蔥適量
調味料:
鹽3茶匙、糖3茶匙、胡椒粉2茶匙、蠔油4湯匙
做法:
1)蘿蔔5斤半刨蓉，1斤半刨絲，蘿蔔滲出的水要保留備用
2)瑤柱浸軟後撕成絲(或可用小型攪拌機打成絲)
3)冬菇浸軟切粒後，拌入3茶匙生抽，1茶匙糖備用
4)臘腸切粒備用
5)將蝦皮用筲箕"犀"走雜物，然後用清水洗淨，跟住隔去
水份，白鑊烘乾蝦皮(用慢火)，待蝦皮乾身後將蝦皮推開，
待鑊中留一個空位，落油，爆香一片蒜片，待蒜片轉微微
金黃後，將蝦皮推回鑊中同炒，咁蝦皮會變得更香(如不選
用蝦皮可用蝦米代替，而蝦米處理方法，只須洗淨，白鑊
烘乾備用，而爆炒材料時將蝦米加入一同爆炒，但如選用
蝦皮，則不須同其他材料再爆炒)
6)燒熱鑊，加入冬菇、臘腸粒、瑤柱絲一同爆炒，炒至出
香味盛起備(如選用蝦米，則此時一同加入爆炒，但若選用
蝦皮，則不須再加入爆炒)
7)爆炒料頭的鑊不用洗，放入蘿蔔蓉及絲及蘿蔔水同煮，
煮至蘿蔔轉軟後加入調味料，熄火約2分鐘後分數次將
澄麵及粘米粉篩入蘿蔔絲裡拌勻，最後將冬菇、臘腸粒、
瑤柱絲、蝦皮加入拌勻，但要預留少許材料鋪上糕面
8)把所有材料倒進已掃油的糕盤裡，大火蒸1小時，最後
趁蘿蔔糕尚熱時，灑上蔥粒即成
【小貼士】
1)蘿蔔糕放涼後置於雪柜冷藏(放入普通格即可)，已冷藏
的蘿蔔糕會易於切件
2)今次我選用蝦皮，因為覺得佢味道比蝦米更鮮味，亦沒
有蝦米的蝦腸部份藏沙而影響口感的煩惱，但處理蝦皮工
序會多一些，但味道相比蝦米會略勝一籌^^
3)我係用磨薑汁嘅刨嚟刨蘿蔔蓉，效果唔錯呢~ 將蘿蔔刨
蓉可以令糕身更鬆軟同埋蘿蔔味會更出呢~至於蘿蔔絲，我
係用刨絲小工具嘅中型size刨絲器
4)蘿蔔糕不用加水，因為蘿蔔會出水，本身的水份已足夠．
(P.S.:蝦皮購於上環海味店，於文咸東街及文咸西街一帶
的海味店可找到啊~ 一斤只須數十元，很經濟的呢~!)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
