時，多數會見佢哋談論製成品嘅高度，但當時嘅我，
全副精神放落手搓麵包，只係對吐司是否頂角有興
趣咋~ Hahaha~
仲記得我的第一個麵包成品，係出自數年前响萬寧
換購嘅萬能牌麵包機，第一次製作到麵包時，真係
開心到暈呢~ 實在太神奇喇，只須將所有材料放落
麵包機，跟住按個掣，三個鐘頭後香噴噴嘅吐司就
出爐了，但．．漸漸發現，麵包機成品只係一日鮮，
第二日麵包皮咬落似紙皮，所以令我對麵包機成品
失去信心，跟住全副精神放落手搓麵包度，因為手
搓麵包隔日都仲好鬆軟，麵包皮一定唔會厚過腳皮，
所以繼續我嘅手搓麵包之路啊~^0^~
不過．．世事無絕對，科技日新月異，而家出產嘅麵包機，已經有得選擇麵包皮烤焗顏色，麵包皮可
以選淺色，即是外皮唔會烤焗過度而變成紙皮了，
而攪拌棍比以往更有力，可以令麵糰攪拌得更均勻，
响樹真係要多謝公關好友送咗部Compass Visa迎新
禮品Design Factory麵包機比我，等我對麵包機改
觀呢~
哈~! 我又加入麵包機cm兵團，今日呢個《香草鮮奶
吐司》有15cm高啊~ 其實佢可以再高ｄ，但怕頂機
蓋，所以15cm我已滿意了~^3^~ 除咗高度，成品鬆
軟度亦好滿意啊~
(Step one)先將以下材料放入不黏模內膽:
鮮奶200克
鹽3克
糖35克
(Step two)然後將以下材料放入不黏模內膽:
高筋麵粉250克
樽裝乾香草 3克
即用酵母3克
無鹽牛油16克
做法:
將已盛載材料的不黏模放入Design Factory 麵包機，
選用1號程序Basic，然後揀選color為Light，蓋上機
蓋，然後於麵包機剩下20分鐘時間時，可自行按掣熄
機，按stop三秒即可．
【小貼士】
1)Design Factory的Basic程序烤焗時間較長，為了達
至更鬆軟效果，須提早20分鐘將麵包取出．
2)即用酵母=(即溶酵母)跟乾酵母外貌相像，但使用方
法有異，為達至成品更穩定，建議選用即用酵母，即用
酵母，於烘焙店有售 (二德惠/其他烘焙店)，而即用酵
母開封後，請將酵母倒入密封器皿內，然後置於雪柜冷
藏格保存．(Remarks: 每部麵包機功能上有異，可能我所提供的
食譜只適合 Design Factory麵包機，因我知道有網友
試過將 P仔食譜套用在 Design Factory上，但效果未
如理想，所以今次我特意為 Design Factory撰寫適合
此機使用的食譜，未知會否適合其他麵包機使用啊 ^^" )
Compass Visa麵包食譜大召集活動已完結，多謝大家的踴躍參予^3^
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
