東芝水波爐ER-LD430HK【脆皮燒肉食譜】

Share

東芝水波爐ER-LD430HK【脆皮燒肉食譜】 

哈哈~英法之旅完結，收拾心情製作食譜了~^0^~
上一篇網誌介紹東芝水波爐「港版最新型號ER-LD430HK」後，有網友查詢水波爐可否製作到【脆皮燒肉】?  哈~即刻開工試做了~ 效果非常滿意，塊皮凍咗都仲係好鬆脆嘅呢~ 母親節將至，我會製作比母親大人品嚐，因為佢愛吃鹹多過甜，脆卜卜嘅燒肉就啱曬佢口味喇~ ^0^

以往我有用焗爐焗燒肉，都算脆口嘅，但就唔夠鬆化，今次用水波爐焗燒肉，終於焗到我想要嘅鬆化效果喇~ 全靠佢有Grill功能，可以令塊皮爆得好透徹，燒肉皮變得金黃鬆脆~ Good~!
【脆皮燒肉食譜】
材料:五花腩2斤、粗鹽200克、青蔥2條、薑2片、紹酒1湯匙
醃料:幼鹽1茶匙、五香粉半茶匙、紹酒1湯匙
做法:
1)加入適量水份於鍋中，加入紹酒，下蔥段、薑片及五花腩，水沸後煲20分鐘後，取出五花腩，用自來水降溫，放涼及瀝乾水份，備用。

2)用豬插在豬皮表面平均刺出小孔，將醃料平均塗抹整塊五花腩(豬皮除外)，置於雪柜普通格冷藏一夜(豬皮向上)，冷藏一夜後，取出五花腩以鍚紙包裹，豬皮部份不用包裹，鍚紙高度須高過腩肉，鍚紙與腩肉間盡量不要有空隙，否則豬皮表面放粗鹽時，會滑落豬腩肉部份，而令腩肉過鹹。(P.S.:假若沒有豬皮插，可以叉子代替，不過以叉子刺小孔時，會稍為吃力點)

3)先以過熱水蒸氣220度焗45分鐘(須預熱)，以過熱水蒸氣烤焗，因熱能內有微細的水份子，更能保持肉汁。

3A)新型號ER-LD430HK預熱時，操作上跟ER-GD400HK有少許不同，新型號ER-LD430HK是預熱完成後，才設定烤焗時間的。

4)取出五花腩，小心除去豬皮上的粗鹽，將五花腩放回已預熱達250度的水波爐中，以convection烤焗30分鐘。

5)最後用Grill功能，Grill約15分鐘(Grill的時間長短，可因應情況而有所增減，我放在下層Grill的)，Grill後的五花腩，表皮變得更鬆化，口感酥脆~

6)放涼切件即成。

水波爐除咗焗【脆皮燒肉】出色，烤乳豬一樣咁酥脆可口，使用Grill功能，可令乳豬皮變得鬆化味美~ Yummy yummy~!
(P.S.:新型號的東芝水波爐ER-LD430HK真係好靚仔，仲可以當鏡用架~ 哈哈哈~)

想了解多些東芝水波爐，又或者想分享水波爐食譜，歡迎加入東芝水波爐分享區『東芝水波谷群組』 → https://www.facebook.com/groups/426506597487890/

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~