是日早餐~《自家製煙火腿片小漢堡》(附手搓麵包食譜)

是日早餐~《自家製煙火腿片小漢堡》(附食譜) 

好耐冇玩手搓麵包了~ 哈~天氣涼涼地先嚟玩手搓包，好在有水波爐幫手發酵，否則真係等到呆都未攪掂呀~ 昨日製作咗7個小漢堡麵包，部份留番今朝做早餐~ 我將佢番熱然後加入饀料及醬料就食得了~ 快靚正＋好味道~^^~

用水波爐幫手，麵包發酵冇難度，依時依候就攪掂，佢可以用蒸氣發酵，又或者乾酵都得，乾酵溫度可選由30-45度，冬天做麵包，再唔駛擔心發酵問題了~ 今次選用溫度40度蒸氣發酵45分鐘．
發酵完成，排氣，分割，滾圓，鬆弛15分鐘

造型，完成第二次發酵後，掃上蛋液及芝麻，放入水波爐以170度烤焗12分鐘．

烤焗完成，取出放涼，然後按個人喜好，配上不同饀料~ 我選用蜜糖煙燻火腿片、生菜及蕃茄，食用時配上千島醬，酸甜開胃的~ yummy~!

《自家製煙火腿片小漢堡》食譜
麵包材料:
1.高筋麵粉150克
2.鹽1克
3.糖16克
4.蛋液12克
5.水份80克
6.即用酵母2克
7.無鹽牛油8克
饀料:
車厘茄、生菜、蜜糖煙燻火腿片、千島醬
做法:
1.將1-6 混合成麵糰，然後加入牛油搓至光滑，將麵糰撻至起薄膜狀, 將麵糰搓圓後，置於預先鋪上保鮮紙的器皿中，然後表面蓋上一層保鮮紙，置於水波爐內，選40度蒸氣發酵45分鐘，待麵糰發酵至兩倍大後，將麵糰輕壓放氣, 並分割成7等份(每個約36克)，把麵糰滾圓後，置於保鮮紙上，表面蓋上另一層保鮮紙，靜置約15分鐘．
2.將麵糰壓平排氣，造型，表面蓋上保鮮紙作第二次發酵，待麵糰發酵至兩倍大時，表面掃上蛋液，灑上白芝麻，放入已預熱至170度的水波爐/焗爐內，烤焗約12分鐘即成．
3.麵包放涼後界開，放入蜜糖火腿片、蕃茄及生菜，食用時加入千島醬即成．
我於Facebook開設了Toshiba東芝水波爐食譜群組，方便各網友分享Toshiba水波爐的自家美味食譜，歡迎加入群組，群組連結→『東芝水波美食谷』
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~