鬆軟綿密的~《棉花蛋糕》(附食譜)

Share

鬆軟綿密的~《棉花蛋糕》(附食譜) 

哈哈哈~勁愛水波谷，佢可以令懶到打曬蛇餅的蝸牛師奶，重拾煮食嘅熱情，昨晚見谷友分享咗棉花蛋糕出來，嘩~巧吸引啊~ hahah~愛湊熱鬧嘅蝸牛師奶，即刻搣甩蝸牛個朵，超極速做咗呢個棉花蛋糕出來啊~ 呵呵呵~

嘩~真係超鬆軟呀)))))))))))))))) 哈哈哈~我知我知~反應浮誇咗air air 咁多， 不過呢個係我隻格來，學緊低調架喇 (←呢句係比瑪姬靚太睇嘅~! 呵~!)

『甜品實驗室』~《雲石磅蛋糕》(附食譜)

Share

『甜品實驗室』~《雲石磅蛋糕》(附食譜) 

哈哈~自從中咗水波爐毒，一日到黑都不停焗甜品，鬼咩~水波谷友成日post D美食甜點嚟引人哋，人家係女人嚟架嘛(女人特質→愛湊熱鬧)，見呢期佢哋玩磅蛋糕玩得咁高興，忍唔住又玩埋一份囉~~~~~~!

其實。。呢個係我第二個焗嘅磅蛋糕，第一個係純牛油版本，做落覺得幾容易，所以第二個就攪攪新意思，玩雲石紋喔~ 下圖就是第一個製作的磅蛋糕(牛油磅蛋糕)~

健脾潤肺~《無花果鮮淮山燉湯》(附食譜)

Share

健脾潤肺~《無花果鮮淮山燉湯》(附食譜) 

哈哈~近來少咗煲老火湯，改玩燉湯，因為燉湯香味更濃郁，不過我們這一家大食怪，每人分得一飯碗仔，有點到喉不到肺的感覺，下次要試試改用蒸爐燉湯先(但首要買多幾個小燉盅^^")~

【東芝水波爐資料及Q & A】

【東芝水波爐資料及Q & A】

【P.S.:這篇Q&A純個人體驗分享，文章內有介紹行貨與水貨的分別，另有介紹不是原裝配件的網架購買資料】
利申先~ 舊年東芝send咗個水波爐過來，因我要幫佢寫幾個食譜，初時聽到部機叫「紅外線感應變頻式微蒸氣微波爐」時，都問咗一大餐先幫佢寫，哈哈~因為一聽到微波爐呢三個字，差Ｄ調頭走呢~ 其實呢部機係三合一多功能煮食爐，集蒸煮、烤焗及微波於一身，即一部機等如三部機「蒸爐」、「焗爐」、「微波爐」，每項功能可分開獨立操作~ 即是可以純蒸、純烤焗而沒有加入微波功能的。
為何佢別名叫「水波爐」呢?  原因是「過熱水蒸氣功能」，沒有此功能的就不能稱作水波爐喔~　下文有詳細講解什麼是「過熱水蒸氣功能」~

初時對部機不寄予厚望，哈~估唔到用用吓愛上咗部機~　烤焗爐溫夠平均，還有麵糰發酵功能，發酵溫度(30-45度)，蒸煮除咗純蒸(100度)，亦有得調較適溫蒸煮(35度-95度)，玩slow cook好方便喔~

Bread mama's Puff 泡芙(附食譜)

Share

Bread mama's Puff 泡芙(附食譜) 

新年新氣象，以為自己會勤力DD，哈哈哈~原來這款性格不屬於我的，都是隨心而行吧了~
我家兩位小姐好喜歡吃泡芙，但屋企附近的泡芙店bread papa's早幾個月關門大吉，冇咗Bread papa's 泡芙，蝸牛師奶唯有動手做Bread mama's puff啦~~ 以往以為好難做嘅甜品，做落原來好容易的，不須加任何添加劑，泡芙自己會膨漲得好同埋中間會出現大空洞，可隨個人喜好加入不同饀料，今趟超簡單，只加入打發好的淡忌廉+糖，下次我會煮個雲呢拿吉士忌廉饀的喔~
哈哈~最開心係唔多愛吃甜嘅我家大老爺，話呢個泡芙very good，可以encore咁話啊~(哈哈哈~!原來講聲very good就要encore，我都曉話今個月家用一樣咁very good，可以encore啊~ Wakakakaaaaaa~)

泡芙是否成功，重點係個麵糊(哈哈哈~講完都覺呢句有點點廢，等同呀媽係女人一樣)，撈好嘅麵糊要軟硬適中，用刮刀舀起時，能呈現倒三角形慢慢流下，假若麵糊過軟，便無法充份膨漲及烤不出紋路喔~

養顏補血~《木瓜燉烏雞湯》(附食譜)

Share

養顏補血~《木瓜燉烏雞湯》(附食譜) 

農曆年到奶奶屋企拜年，奶奶居於鳥語花香的粉嶺郊區，回程時當然會有『有機手信』啦~ 就係自家種植的有機木瓜喇~ 奶奶家的木瓜樹今年收成好好，多到食唔切呢~
平時响街巿好難買到樹上熟的新鮮木瓜，下次摘多幾個嚟煲燉湯先~
我愛燉湯多過煲湯，因為燉湯味道更香，煲湯會令香味揮發，而燉湯可將食材香味封存，最愛打開燉盅的一刻，嘩~香到吖~ 《木瓜烏雞湯》非常鮮味，今次我係用壓力煲燉湯，所以只可以燉到一盅，我們這一家每人只得一碗仔，當然唔夠喉啦~ 下次我要試試用另一個爐具嘅燉湯，睇睇可否一次過燉多幾盅先~