2017年6月21日 星期三

「自家製懶人叉燒」(附食譜)

「自家製懶人叉燒」(附食譜)
早幾日响FB post咗隻疑似燒雞髀物體出來,有網友仲話佢似隻燒鵝髀添~ 其實....佢係一舊叉燒來啊~ Hahaha~
叫得佢做懶人叉燒,製作方法當然勁簡單啦,只要有焗爐就整到喔~叉燒選料可以係半肥瘦脢頭或柳脢,我較鍾意買半肥瘦脢頭肉整叉燒,有少少肥膏會香D架,怕肥嘅話,食嗰陣時可以咬走肥膏,但我呢..就會一啖吞曬佢落肚呀~ Wakakakaaaaaa~
【自家製懶人叉燒食譜】

2017年6月10日 星期六

「養生燉湯」~【羊肚菌蟲草花鮑魚燉湯】(附食譜)

「養生燉湯」~【羊肚菌蟲草花鮑魚燉湯】(附食譜) 
http://kellyandruby-mami.blogspot.com/2017/06/blog-post.html
明明拍咗快速蒜頭去皮方法短片,但冇嚟紋路嘅師奶好想剪燉湯短片,哈哈~咁就出咗呢個香噴噴嘅燉湯食譜先啦~^0^~
我們這一家好鍾意飲湯水,燉湯就更LIKE~! 每次打開燉盅,湯水嘅香味撲鼻而來,呢種濃郁嘅香氣,老火湯係做唔到嘅呢,雖然我都好鍾意老火湯,但我更鍾意燉湯呀,每人一盅,慢慢享用,唔駛爭爭貢嘛,哈哈哈~^0^~ 
【羊肚菌蟲草花鮑魚燉湯】美味又易做,去片~

2017年5月20日 星期六

「少脂版」~《Creme Brulee焦糖布丁》(附食譜)

「少脂版」~《Creme Brulee焦糖布丁》(附食譜) 
http://kellyandruby-mami.blogspot.com/2017/05/creme-brulee.html
哈哈哈~ 一入淘門心似海,半年前為咗買個手機腳架,就開咗淘寶戶口,家陣乜都淘一餐,圖中嘅玻璃蛋布丁杯都係淘番來的,都不知幾驚佢送到來時變碎蛋,哈~! 好在佢又包得幾穩妥,完好無缺,不過最近淘嘅玻璃浴室磅就......,運到過來時玻璃碎滿一地,即時留言比賣家叫佢再送一個冇碎嘅比我呀~ 
哈哈~其實我好有興趣响Facebook Fans Page直播分享吓我淘咗D乜東東,當中包括煮食小工具、烘焙用品同家庭用品都買咗好多,有好多都好實用,亦有部份都幾雞肋,呵~^
今次呢隻蛋杯都幾好,只係細咗少少,只裝到60ml布丁,認真滋味呀~(少食多滋味喔~hahaha~)

2017年5月9日 星期二

滋陰降火、增強免疫力~【椰棗花旗參雞湯】(附食譜)

滋陰降火、增強免疫力~【椰棗花旗參雞湯】(附食譜) 
http://kellyandruby-mami.blogspot.com/2017/05/blog-post.html
哈哈~長期夜瞓嘅蝸牛師奶,成日好想調較作息時間,但每到晚上,就拖拖拉拉,玩吓手機、睇吓電視、寫吓稿,同寵物兔仔Coffee玩,結果又係五更天先瞓,哈哈哈~! 我家大老爺話我幾呀歲但仲奀皮過D細路呀,其實我覺得係任性吧,哈~! 任性的代價=多咗好多好多白頭髮,皮膚缺水暗啞,容易心火盛~ haha~雖然未改到夜瞓習慣,但都要調理吓個身體,煲番D降火及增強免疫力嘅湯水喔~^ 明白治標不治本,要早瞓先解決到問題之根本,响未搣甩壞習慣前,會多分享老火湯喔~ ^

2017年4月28日 星期五

續集~BB肌~《原味饅頭》(附食譜)

續集~BB肌~《原味饅頭》(附食譜) 
http://kellyandruby-mami.blogspot.com/2017/04/bb.html
哈哈哈~標題寫「續集」,係咪有點無厘頭呢?  Hee hee~ 話說蝸牛師奶,上一次整饅頭,已經係一年前了^^" 上次係我家二小姐唔舒服,話要食饅頭,所以整比佢歎,今次係忽然手痕,想睇吓仲曉唔曉整,哈~!原來好似踩單車咁,學識後十年冇玩都仲識玩一樣,個饅頭仲係BB肌,冇豆皮喔~
http://kellyandruby-mami.blogspot.com/2017/04/bb.html
近年我寫網誌嘅速度真係快到呢@.@...... 哈~! 有N咁多個食譜想整,但個人好心散,要tune tune集中力先得喇~
講番個饅頭先~^ 其實我都係用番上次個食譜,只係微調咗水份份量、發酵時間,同埋用咗原糖(沒有漂白的糖),初時以為個饅頭會冇咁白,哈~結果又ok喎~
《原味饅頭》饅頭6個 

2017年4月15日 星期六

清熱止咳、補脾滋肺~【羅漢果霸王花雪耳湯】(附食譜)

清熱止咳、補脾滋肺~【羅漢果霸王花雪耳湯】(附食譜) 
http://kellyandruby-mami.blogspot.com/2017/04/blog-post_15.html
Haha~快樂嘅時光過得特別快,去完泰國清邁旅行,回來了~\(^0^)/~http://i94.photobucket.com/albums/l109/kellyruby/GIF/Maggie/emoticon77.gif 
Kelly & Ruby第一次去泰國http://i94.photobucket.com/albums/l109/kellyruby/GIF/Maggie/3633933310thailand.gif,我哋選擇自由行,包車四圍逛,行程包括有OasisSpa、泰式按摩、漂亮花園小店下午茶、Sunday night market、水果市場、河畔食咖喱蟹、人妖show等等,對佢哋嚟講整個旅程都好有新鮮感,見佢哋玩得咁開心,我就開心了http://i94.photobucket.com/albums/l109/kellyruby/GIF/Maggie/emoticon199.gif~
旅行期間食咗好多熱氣食物,番到香港當然要煲番D湯水潤一潤,就簡簡單單煲番個清熱潤肺湯水啦~^ 羅漢果有清肺潤腸、止咳清熱作用,佢嘅甜度係蔗糖嘅300倍,所以不宜落太多,否則湯水隨時會變糖水喔,圖中的羅漢果係原粒拍攝,食譜只用了四份一個喔~
 (P.S.:羅漢果熱量低而廣泛使作為甜味劑,常作為肥胖者和糖尿病患者的代用糖)http://i94.photobucket.com/albums/l109/kellyruby/GIF/Maggie/2084420296.gif

2017年4月1日 星期六

「家常煮意」~【茴香骨】(附食譜)

「家常煮意」~【茴香骨】(附食譜)
http://kellyandruby-mami.blogspot.com/2017/04/blog-post.html
Hee hee~ 平時煮嚟煮去都係嗰幾味,所以少咗寫家常小菜食譜~
一字骨腩以往都係求鬼其用蒜頭豆豉嚟蒸,但食多了終於都曉厭,哈哈哈~小宇宙被悶醒,咪攪攪新意思,創作咗呢味【茴香骨】出來囉~^http://i94.photobucket.com/albums/l109/kellyruby/GIF/Maggie/emoticon199.gif
呢款香草Cumin嘅中文名都有好多個解說,分別係小茴香、阿拉伯茴香、安息茴香等等,但廣為人所熟悉的名稱就係「孜然」,因為譚仔米線將《孜然雞翼》成為一道出名嘅料理,所以一講"孜然"大家就會知係乜東東喔~

2017年3月10日 星期五

我們這一家的 【ViuTV Cooking媽嫲】(第35集)播映了~\(^0^)/~

我們這一家的 【ViuTV Cooking媽嫲】(第35集)播映了~\(^0^)/~ 
http://kellyandruby-mami.blogspot.com/2017/03/Cookingmama.html
http://kellyandruby-mami.blogspot.com/2017/03/Cookingmama.html

前日响Facebook Fans Page收到多個食譜查詢,大部份都係問【台式滷肉碎】食譜材料,我先知道2010年我們這一家拍攝的「Cooking媽嫲」電視節目,終於能夠响99ViuTV公開收看了~\(^0^)/~ (P.S.:之前只於收費電視NowTV播放的喔~^)
時間過得飛咁快,呢個係七年前拍攝嘅電視節目,仲記得NowTV工作人員Grace聯絡我,叫我拍Cooking 媽嫲時,我話好驚喎,佢話好好玩架,唔駛留意個鏡頭就得架喇~^ 好開心接拍咗呢個節目,而家睇番都覺得好溫韾~^ (P.S.:原來當年我都幾怪獸,KellyRuby打機要儲時間喔~呵呵呵~)

2017年2月10日 星期五

「快捷味美之選」~《大阪燒》(附食譜)

「快捷味美之選」~《大阪燒》(附食譜) 
http://kellyandruby-mami.blogspot.com/2017/02/Okiham.html
我家兩位小姐放學後必問:『媽咪,今日下午茶點係乜東東?』,哈~!大部份時間我都叫佢哋食牛奶麥皮或者自家製麵包,有時都會製作特色小食比佢哋歎嘅,不過都係一D快靚正嘅食譜,就好似今日介紹嘅《大阪燒》,切好材料加入粉漿煎好就食得,超級無敵快靚正呀~ hahah~

2017年2月4日 星期六

祝各位雞年如意吉祥,身體健康,開心快活~\(^0^)/~(附蘿蔔糕食譜)

祝各位雞年如意吉祥,身體健康,開心快活~\(^0^)/~ (附蘿蔔糕食譜)
http://kellyandruby-mami.blogspot.com/2017/02/Rooster.html

http://kellyandruby-mami.blogspot.com/2017/02/Rooster.html
哈哈哈~潛水師奶蒲頭了~\(^0^)/~ 農曆新年有勁多家庭活動,冇時間寫網誌喔~^e^" 今年我都有蒸蘿蔔糕,依然用番好靠得住嘅蘿蔔糕食譜,味道當然very good la(賣花讚花香喔~hahaha~),今年用Vita Craft不黏煎pan煎糕,效果非常好~! 好快就煎到外皮金黃香脆,裡面熱呼呼,正~!

2017年1月24日 星期二

「節日食譜」~ 簡單味美《關東煮》(附食譜)

「節日食譜」~ 簡單味美《關東煮》(附食譜) 
http://kellyandruby-mami.blogspot.com/2017/01/OKIHAM.html
話咁快就到農曆新年,祝大家新年進步,身體健康,口福滿載^
Haha~有冇諗過,《關東煮》也可以係一個簡單又好意頭嘅賀年餸菜呢? 材料內有福袋,寓意『幸福滿載』,而將Okiham日本沖繩滋味腸界十字,煮好後好似盛開嘅花朵,寓意『花開富貴』,竹輪卷寓意『竹報平安,貨如輪轉』,你話幾好意頭呢~ (哈哈哈~豐富的聯想力喔~)

2017年1月19日 星期四

「烹飪示範短片」~簡易家常菜【大地魚肉碎豆腐】(附食譜)

「烹飪示範短片」~簡易家常菜【大地魚肉碎豆腐】(附食譜)
http://kellyandruby-mami.blogspot.com/2017/01/blog-post.html
朋友問我煮嘅餸菜是否天天新款? 大魚大肉? 哈~其實我最愛係簡簡單單嘅家常小菜,快靚正嘛~^ 最常煮嘅簡單家常小菜包括上圖的《大地魚肉碎豆腐》、《冬菇蒸滑雞》、《梅菜蒸鯇魚》、《台式鹵肉碎》、《豉油皇雞翼》........等等~^0^~
以前我係用蠔油同生抽煮肉碎豆腐,後尾發覺加咗大地魚粉更惹味,我家兩位小姐Kelly & RubyLike,所以呢味餸菜係每周之選喔~
《大地魚肉碎豆腐》材料好簡單,一眼睇曬喔,平時煮餸已習慣材料份量在心中,所以烹飪短片內,大家會見到我係大約落調味,未必會全部落曬啊,Hee hee~至於食譜,我會盡力寫番實際份量比大家參考喔~^
材料:

2017年1月4日 星期三

抗老退紋真係唔駛貴喔~ 日本藥妝店大熱《50惠OIL-in養潤系列》 直送香港

抗老退紋真係唔駛貴喔~ 
日本藥妝店大熱《50OIL-in養潤系列》直送香港 
http://kellyandruby-mami.blogspot.com/2017/01/50oil-in.html

http://kellyandruby-mami.blogspot.com/2017/01/50oil-in.html
哈~! 不經不覺,我的兩個寶女兒,已長得比我高,即是..我已經有番咁上吓年紀了~ 雖然有好多朋友依然好厚度,話我哋睇落好似三姊妹,但我心中有數,面上越來越多嘅皺紋+細紋,真係過唔到自己嗰關呢~ 
每晚洗完面都會99搽保濕同潤膚霜,因為稍為遲少少搽潤膚霜,塊面就會乾到不得了,我已用過多款不同品牌嘅貴價保濕去皺產品,暫時未遇到十分滿意的一款,近日公關朋友給我,日本熱賣嘅50OIL-in養潤系列,簡介內提及OIL-in 精華油養潤配方,原來年過30之後,皮膚既皮脂分泌會越黎越少,油份不足會經常感到乾燥! 就好似煮餸醃肉時,加入少許生油,肉質會變得更軟滑同調味料會更快吸收入肉裡面,令肉質變得更嫩滑一樣喔~^ 
今次試用嘅系列含有 5 種美容精華油 (橄欖果油、山茶花籽油、角鯊烷油、牛油果油、玫瑰果油),主力以油制乾,再配合50種養潤成分,滋潤同時修復,令肌膚平滑柔潤,重拾回彈緊緻,徹底解決肌膚乾燥問題,撫平皺紋。仲可以妝前使用,妝容顯著更持久貼服,無咁易出現浮粉、脫妝、乾紋等尷尬情況。

2016年12月29日 星期四

自家製【熱香餅Pancake】「不加泡打粉版本」(附食譜)

自家製【熱香餅Pancake】「不加泡打粉版本」(附食譜) 
http://kellyandruby-mami.blogspot.com/2016/12/pancake.html
Hee hee~ V仔進駐我家差不多大半年了,之前用過佢製作雪糕脆餅,雪糕脆餅香脆可口,賣相都好得架,下圖是雪糕脆餅~
http://kellyandruby-mami.blogspot.com/2016/12/pancake.html

2016年12月23日 星期五

「小食/派對美食」食譜概覽及連結

「小食/派對美食」食譜概覽及連結

歡度佳節最好係同親友聚首一堂開Party啦~ 為方便大家易於找到派對食譜,我將部份適合開Party的美味食譜放在這裡,只需點擊圖片即到食譜連結,睇啱邊款就點擊佢啦~ haha~ (P.S.: 哈哈~本來想D圖片有系統D,鹹食同甜食分開,但原來要用好多時間先做到,所以繼續物似主人型,暫時冇乜系統咁收住貨先啦~ Wakakakaaaaaa~ )
【點擊圖片即可到食譜連結】http://i206.photobucket.com/albums/bb40/ForYahooBlog/GIF/yausiumi/20090113_3bfe992d7a809fbc38feLU0TZd.gif
http://kellyandruby-mami.blogspot.com/2015/12/happy-new-year-2016.htmlhttp://kellyandruby-mami.blogspot.com/2015/12/happy-new-year-2016.html

「節日食譜」~《腸仔乳酪薯蓉》(附食譜)

「節日食譜」~《腸仔乳酪薯蓉》(附食譜) 
http://kellyandruby-mami.blogspot.com/2016/12/blog-post_23.html
上個禮拜開始,網誌內的「派對美食」、「節日食譜」成為搜尋熱點,今日加添一個全新食譜,就係簡單美味嘅《腸仔乳酪薯蓉》~ 
http://kellyandruby-mami.blogspot.hk/2016/12/blog-post_23.html
材料好簡單,只需薯仔、洋蔥、原味乳酪、無鹽牛油同OKIHAM日本沖繩滋味腸,因我唔吃牛,所以OKIHAM就啱曬我,佢係豬肉腸,比一般腸仔皮脆肉香,仲有微微煙薰香味,而製作這個食譜,一包份量啱啱好,正~!
《腸仔乳酪薯蓉》食譜 

2016年12月16日 星期五

「半自動麵包食譜」~《玉桂頂角吐司》(附食譜)

「半自動麵包食譜」~《玉桂頂角吐司》(附食譜)
http://kellyandruby-mami.blogspot.com/2016/12/blog-post_16.html
細囡Ruby睇到上圖《玉桂頂角吐司》相片時,冷不防佢贈我一句:『媽咪,你強迫症又發作嗱!?』http://i206.photobucket.com/albums/bb40/ForYahooBlog/GIF/peanut/QQ_5446.gif哈哈哈~乜嘢強迫症啫,吐司頂角睇落整整齊齊好有愉悅感,其實呢幾個月整咗N咁多個"頂角"吐司架啦,不過冇寫Blog之嘛,仲記得之前想分享另一個《芝麻頂角吐司》,但拖拖吓唔記得咗個食譜,所以今次快手快腳寫食譜,免得連自己都唔記得啊~^ Blog嘅好處係,下次可以參考番呢個食譜,唔駛吓吓重新調整份量喔~^

2016年12月3日 星期六

【超簡易食譜】《涼拌大豆芽》及分享「自家種植」無添加的大豆芽菜~

【超簡易食譜】《涼拌大豆芽》及分享「自家種植」無添加的大豆芽菜~ 
http://kellyandruby-mami.blogspot.com/2016/12/blog-post.html
年多前,見到香港團購有得賣「豆芽機=(芽菜機)」, 當時已經勁想買,奈何蝸牛師奶手腳有番咁上吓......慢,哈~! 人哋團購截止後先話買喎,唯有下回請早啦~ 但。等呀等呀,等到團購Beecrazy都摺埋,唯有CC氣開淘寶戶口,淘部豆芽機番來囉~ (P.S.:其實我唔想開淘寶戶口的,因為覺得好似好複雜咁,同埋我知一開戶呀"購物控"必定失控呀~ hahah~)
http://kellyandruby-mami.blogspot.com/2016/12/blog-post.html

2016年11月29日 星期二

養潤健脾~《花生眉豆木瓜雞腳湯》(附食譜)

養潤健脾~《花生眉豆木瓜雞腳湯》(附食譜) 
http://kellyandruby-mami.blogspot.com/2016/11/blog-post.html
响超巿見到D泰國木瓜幾靚仔,所以買咗幾個要嚟燉糖水同煲湯,好鍾意吃木瓜,哈哈哈~唔係因為食得多會好身材(雖然..我知以我條件係極需要吃大量木瓜),而係每次食完木瓜,去洗手間都會好暢順,清倉後肚腩都會扁咗,真係巧開心架~\(^0^)/~

2016年11月7日 星期一

《蒜子豆腐火腩煲》(附食譜)

《蒜子豆腐火腩煲》(附食譜) 
http://kellyandruby-mami.blogspot.com/2016/11/LKK.html
是日立冬,煲仔食譜開始出動~\(^0^)/~
最鍾意有豆腐嘅煲仔菜,豆腐表面半煎炸至金黃,炆煮時吸收曬調味料嘅味道,豆腐裡面嫩滑外面惹味,正~!
《蒜子豆腐火腩煲》食譜
Related Posts Plugin for WordPress, Blogger...