2014年10月23日 星期四

無添加~ 全蛋法的~《海綿蛋糕》(附食譜)


無添加~ 全蛋法的~《海綿蛋糕》(附食譜) 
http://kellyandruby-mami.blogspot.com/2014/10/Cake.html
製作蛋糕甜點,如果可以的話,我會選「無添加」,什麼泡打粉(發粉)、梳打粉、塔塔粉、乳化劑、蛋糕/麵包改良劑,可以避免的話,會盡量避免,因我有味精敏感及少許化學劑敏感,細個時我冇敏感的,但日積月累,滿咗quota,突然出現敏感徵狀,睇專科醫生後,醫生話冇計,由來添加劑都是少吃為妙,假若有嚴重過敏反應時就要食藥啊~ 
http://kellyandruby-mami.blogspot.com/2014/10/Cake.html
以往一聽到無添加全蛋法海綿蛋糕,我就會眉頭皺,因為無添加即是要考手藝,唔加泡打粉,要靠打發得穩定嘅蛋糊令蛋糕升起,Oh~! 聽到都頭痕~ 但..世事無絕對,近期鹹魔師奶轉形,變做甜魔,家陣連自己最怕嘅全蛋法海綿蛋糕都玩埋,滿足感指數迅速颷升~ 
我用7吋蛋糕模嚟做6吋蛋糕模食譜,因整餅架撐唔多,求其用個7吋頂住檔先,遲吓要買番多d蛋糕模~^^"
蛋糕模大咗一個size,成品變得肥咗同矮咗,雖然變得肥肥矮矮,好在都切到三片~ 

整餅基本步攪掂了,有鬆軟嘅海綿蛋糕底,可以試吓整shortcake,希望攪得掂啦啦啦啦啦~ 
無添加~《海綿蛋糕全蛋法》食譜參考Carol自在生活
原食譜是用6吋蛋糕模的(但我用咗7吋蛋糕模) 
材料:
3隻(室溫蛋)
砂糖60
低筋麵粉50
鷹粟粉10
無鹽牛油22克(熱水座溶,備用)

做法: 
1)低筋麵粉、鷹粟粉混合過篩,備用.
2)蛋糕模搽上少許牛油,鋪上牛油紙,備用.
3)蛋和糖加入不鏽鋼器皿內,以電動打蛋器打勻,將不鏽鋼器皿座熱水打發(水溫約60度,不能過熱,否則煮熟雞蛋),打發期間以手指測試蛋糊溫度,假若達人體體溫時,將不鏽鋼器皿移離熱水,然後繼續打發至拿起打蛋器時,滴落的蛋糊可劃字.
4)分三次篩入粉類,以手動打蛋器拌勻至沒粉粒.
5)將少部份麵糊加入牛油溶液內拌勻,然後將攪拌好的牛油麵糊倒回其餘的麵糊中,用刮刀fold-in至光滑狀.
6)將麵糊倒入模具內,在桌上敲兩至三次敲掉大氣泡,放入已預熱達170的水波爐烤焗30分鐘,烤焗完成須即時取出,出爐後再一次提高蛋糕模離枱面摔一下,將蛋糕倒扣放涼,放涼後撕掉牛油紙即成.(東芝水波爐convection preheat 170 烤焗30分鐘,預熱完成才放入麵糊)
【以上食譜亦適用於一般對流式焗爐,但不同牌子的焗爐爐溫各有差異,須自行調較時間及溫度.】

東芝水波爐分享區『東芝水波谷群組』 → https://www.facebook.com/groups/426506597487890/
http://i94.photobucket.com/albums/l109/kellyruby/GIF/line/Rose-052.gif
(我已關閉網誌留言欄,歡迎大家到我的專頁內留言~^0^~)
(我在Facebook開了專頁,方便大家留言,歡迎大家加入閒
話家常啊~)

何師奶 ~《全職"煮"婦生活逸事 烹飪分享》

我的微博,請多多關照(注) Haha~http://i206.photobucket.com/albums/bb40/ForYahooBlog/GIF/yausiumi/20090321_0643bd1d76bb3bccba23c4C4pz.gif

Related Posts Plugin for WordPress, Blogger...