《自家製菜肉雲吞製作方法》(附短片及食譜)~^0^~
呢兩日天氣都麻麻哋，想出街又怕落雨，所以都係留守大本營煮嘢食啊~ 《自家製菜肉雲吞》製作方法，其實响4年前已經出現响我嘅youtube頻道，當期時我仲未係youtube特選戶，影片時間有所限制，所以要分幾段短片介紹，哈~但家陣比佢選咗做特選戶，可以製作時間較長嘅影片時，又冇時間拍片喎，認真諷刺啊~ hahaha
~言歸正傳，介紹番個《自家製菜肉雲吞》先~ 製作菜肉雲吞，有四個步驟，短片內已逐一介紹~ (1)首先要攪好一個爽彈嘅豬肉膠，(2)然後要將白菜仔預先處理好，(3)跟住將豬肉膠同菜仔混合，(4)以不同摺法包雲吞~ 以下短片已順序介紹~ 去片→
(1)攪拌豬肉膠方法→
~(2)白菜仔處理方法→
(3)豬肉膠跟白菜混合及新手包雲吞方法→
(4)進階版包雲吞方法(簡易版)→
《自家製菜肉雲吞》食譜
材料:
半肥瘦豬肉1斤(肥瘦比例為1:5)、白菜仔1斤半、方形上海雲吞皮半斤 (大部份街市豆腐檔有售)、冬菇6隻、薑一片
做法:
1)冬菇浸軟切粒，加入少許生抽及糖攪勻備用
2)半肥瘦豬肉剁碎，加入薑汁、紹酒、生抽、生粉攪至起膠待用
3)待豬肉膠閒置10分鐘後，將冬菇粒加入豬肉膠內再攪至起膠備用
4)燒熱一鍋水，加入油、鹽、糖及薑，將白菜仔烚熟後，隔去水 份，用水喉水沖洗片刻，待白菜仔冷卻後，將白菜仔用刀剁碎，然後將所有菜水壓出，最後將菜碎加入豬肉內，加入生抽及生粉再攪至起膠待用
5)上海雲吞皮是方形的，圓形的是餃子皮(鍋貼)，將饀料放入雲吞皮中間，然後將雲吞皮輕力對摺，最後將兩側雲吞皮反屈至背部即可，因為饀料加入生粉攪過，所以有足夠黏力黏住雲吞皮，所以不用加蛋汁或生粉水封口。但對摺位置要加少少水封口．
6)燒熱一鑊水，加入少許油，將雲吞煮至浮起，再滾片刻即可放入已放置上湯的碗中，加入少許生蒜蓉、蔥花及麻油即成，享用時加入辣椒油會更惹味啊
【小貼士】
1)緊記包雲吞對手要夠乾爽，千祈唔好濕，否則對手會黐住塊雲吞皮，咁好容易整爛隻雲吞呢~ 如果嫌自己對手唔夠乾爽，可以拍少許生粉上去，咁就會爽一爽o家喇
~ 2)上海雲吞皮有別於廣東雲吞皮，上海雲吞皮色澤較白，而廣東雲吞皮色澤呈黃色，而鹼水味較重及皮更薄，千祈唔好買錯呀~
※◎溫馨提示◎※:(當上海雲吞皮售罄時，大部份的檔主都會叫你改買廣東雲吞皮，請堅持唔買，因製作的是上海雲吞而不是廣東雲吞，改用廣東雲吞皮風味完全是兩回事喔，難包兼有鹼水味，廣東雲吞皮較適合製作廣東鮮蝦雲吞的，跟上海雲吞是兩碼子的事喔~)
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
