『好食又好玩的』~《2分鐘杯子蛋糕》(附食譜)Toshiba東芝變頻式蒸氣微波爐食譜

Share

『好食又好玩的』~《2分鐘杯子蛋糕》(附食譜)Toshiba東芝變頻式蒸氣微波爐食譜　

哈哈~好好玩呀~ 真係冇諗過2分鐘就焗好蛋糕呢~
近日响網絡見到有不少台灣朋友，玩緊呢款杯子蛋糕，初時我都心大心細唔知玩唔玩埋一份好，因為係用微波爐製作，平時我多數用蒸煮或烤焗嚟烹調食物，而微波多數用嚟解凍又或者要嚟溶牛油，但見到人家玩杯子蛋糕玩得咁開心，而自己屋企有部Toshiba變頻式蒸氣微波爐(蒸煮、烤焗、微波爐三合一)，橫掂部機都有微波功能，冇理由唔試吓玩《2分鐘杯子蛋糕》架嘛~ 

製作方法勁簡單，將ｄ材料攪埋一齊就得了，真係易到暈呢~ 
1)首先將25克無鹽牛油放入杯中，微波爐以600W加熱28秒，變成牛油溶液．(我所選用的杯子購自IKEA，容量是250ml)

2)加入14克砂糖拌勻

3)然後加入蛋1隻拌勻

4)加入低筋麵粉30克及不含鋁泡打粉2克(低筋麵粉及不含鋁泡打粉須預先混合過篩)，拌勻後過篩，隔去粉粒．

5)放入Toshiba變頻式蒸氣微波爐內，以微波操作，600W烤2分鐘即成．

Wow~估唔到微波2分鐘，杯子蛋糕是全熟的，最估唔到嘅係，佢好玩得嚟味道仲好得嘅呢~ 好好玩呀~ 哈哈哈~

《2分鐘杯子蛋糕》表面我放上酸乳酪及檸檬皮，可豐富蛋糕的味道，哈哈哈~呢個方法我係跟網友做的，我冇咁好想像力啊~ 呵呵呵~

『Toshiba變頻式蒸氣微波爐』真係好實用，一部機等如三部機，其實三個功能都可以獨立操作，上圖嘅獨立按鈕已清楚顯示到(Oven烤焗)、(Steam蒸煮)、(Microwave微波)~ 假若不大想用微波的朋友，可以完全唔按(Microwave微波)按鈕，咁佢就簡簡單單，只是一部蒸爐同焗爐，當使用Oven烤焗時，完全沒有使用微波的，此機內藏發熱器，以Oven烤焗，可選用發熱器模式，又或者是過熱水蒸氣模式，操作簡易~ 
而(Steam蒸煮)功能，可選用全蒸氣，又或者微波加蒸氣，操作介面簡單易用~

《2分鐘杯子蛋糕》真係好好玩，睇住佢以微波烤焗期間升到好鬼高，真係好擔心佢會滿瀉呢~ 哈~原來焗完佢會跌番落個杯度，Haha~以後半夜三更突然想食蛋糕都有計了~ 《2分鐘杯子蛋糕》真係懶人佳音啊~ 呵呵呵~   

我所用的焗爐是Toshiba東芝水波爐，一部機具備三種功能，可分開獨立使用(蒸爐、焗爐、微波爐)，我於Facebook開設了Toshiba東芝水波爐食譜群組，方便各網友分享Toshiba水波爐的自家美味食譜，歡迎加入群組，群組連結→『Toshiba水波爐食譜及美食分享站』


(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~