Sharp慢磨果汁機烹飪體驗+食譜分享(西班牙海鮮飯、蟹肉蕃茄他他、凍湯、奶凍及西班牙果汁酒)

Sharp慢磨果汁機烹飪體驗+食譜分享(西班牙海鮮飯、蟹肉蕃茄他他、凍湯、奶凍及西班牙果汁酒)

我對慢磨果汁機認識不多，唔係好明白慢磨果汁有什麼特別之處，所以上星期參加「Sharp慢磨果汁機」體驗活動，想清楚了解慢磨果汁嘅好處啊~

哈~初時仲以為得果汁示範，原來有五款美食及飲品示範呢~ 蔬果渣可以煮餸，食材一ｄ都唔浪費啊~ Good~!
為我哋示範菜式嘅係Bon Appetit嘅美女主廚Zoe~ 

首先製作西班牙凍湯，Zoe先將蕃茄放入慢磨果汁機，蕃茄渣用來製作《蟹肉蕃茄他他》，然後再將洋蔥青瓜及蒜頭放入慢磨機磨成蔬菜汁及蔬菜渣．蔬菜汁加入調味，雪凍後即成《西班牙凍湯》，而蕃茄渣則用以製作《蟹肉蕃茄他他》(食譜在文章最後位置)

接下來用西班牙凍湯的蔬菜渣製作《西班牙海鮮飯》，美女主廚Zoe話，平時要將蕃茄及紅椒去皮剁碎，而家就輕鬆得多了~ 慢磨機可以將材料磨得幼細，蔬菜汁可以做凍湯，蔬菜渣可以要嚟煮餸，好方便呢~

然後是《西班牙果汁酒》，將菠蘿放入慢磨機榨汁，嘩~好多菠蘿汁呀~ 平時用一般榨汁機，都榨唔到咁多汁呢~ 同場朋友話ｄ菠蘿渣要嚟做鳳梨酥一流喔~

最後出場的是．．美味甜品《菠蘿椰子奶凍》，菠蘿果渣味道稍為淡了一點，配上甜味奶凍，為奶凍增添少許菠蘿果香味呢~ haha~

好奇師奶向Sharp的工作人員查詢，慢磨果汁機跟一般榨汁機有什麼分別? 回覆是:一般榨汁機因以高速榨汁，摩打變熱而破壞蔬果汁的維他命，而慢磨果汁機操作時摩打唔會過熱，咁就能夠保存更多嘅維他命~

活動完結後，即刻買咗個菠蘿番屋企同部機剪綵，嘩~好厲害呀~ 榨到好多菠蘿汁呢~ 雖然佢個名叫慢磨果汁機，但好快已榨到一大瓶菠蘿汁~ 雪凍嚟飲真係好好味噃~ 我家老爺及小姐們激讚啊~ 哈哈哈~佢哋最鍾意飲果汁，有咗呢部慢磨果汁機，佢哋有口福了~ 

【Sharp慢磨果汁機食譜】

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~