惹味的《乾蔥醬燒五層肉》(附食譜)

Share

惹味的《乾蔥醬燒五層肉》(附食譜) 

來吧 三分鐘放縱 來吧 不羈的放縱 BECAUSE OF YOU BABY~ 來吧 三分鐘放縱 來吧 不羈的放縱 BECAUSE OF YOU BABY~
哈哈~明天是父親節，有冇諗過煮番幾味比父親大人歎吓呢? 假如平時父親大人飲食有節制嘅，明天可以比佢放縱吓，可以煮番味入口即溶嘅《乾蔥醬燒五層肉》佢歎架~

假如屋企有高速煲嘅話，煮呢味餸會更容易，不過冇高速煲都一樣煮到，只是用高速煲炆煮，所有瘦肉位置會更鬆化，而用傳統鍋具炆煮，較底部嘅瘦肉位置，口感會較實一點吧^^
【小貼士】
1)若以傳統鍋具以醬油炆煮五花肉，瘦肉會被鹽份影響，會越炆越實，可以的話，於炆煮初期不要落太多調味，待肉質開始轉腍時，才加入較多醬油，咁會令瘦肉唔會越炆越實啊~
2)五花腩於爆炒時，醬汁有機會黏於煲底出現燒焦現象，於此時應加入適量紹酒，以減低煲底出現燒焦機會啊~ 又或者快手爆炒片刻後即加入調味料亦可減低醬汁黏於煲底現象啊~ 
《乾蔥醬燒五層肉》食譜
材料:五花腩、乾蔥、蒜片、薑片、八角一粒 
醃料:生抽、老抽、薑汁、紹酒、少許糖、少許生粉 
調味料:生抽、老抽、冰糖碎(砂糖亦可)、水份
獻汁:生粉、水份(最後要埋少許生粉水獻) 

以下介紹的是高速煲炆煮方法，高速煲加壓時間是20分鐘，若以傳統鍋具炆煮，時間大約需要1小時30分鐘(傳統鍋具炆煮時，水份會揮發，所以中途須要加入適量的大滾水) 
【溫馨提示】
以高速煲炆煮方法，炆煮的水份不用太多，不用蓋過所有五花肉，只須蓋到材料的大半即可，因高速煲不會像傳統鍋具般揮發大量水份，水份過多會令成品味道變淡．
若以傳統鍋具炆煮，水份則須蓋過所有材料．

創立自1845年德國高速煲品牌Fissler，於Sogo、一田、永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~