充滿家的感覺~《住家豉油雞》(附食譜)
實在太耐冇整呢款《住家豉油雞》，所以有三條友，好似餓咗好耐咁呢~ Wakakakaaaaaa~
小時候，母親大人每逢特別日子(例如生日)，就會煮豉油雞，我同妹妹會棟响廚房門口，流住口水等母親大人斬雞，佢斬雞時會比少少雞肉我哋食呢~ 每次諗番起兒時回憶都會好開心架~ 哈~家陣到我接棒，煮豉油雞，而我家兩位小朋友就如當年我同妹妹，一樣咁為食~ 唔知第時，佢哋會否識煮呢個充滿家的感覺嘅《住家豉油雞》呢?
《住家豉油雞》食譜
材料:
雞1隻(可選用鮮雞/凍鮮雞)假若選用冰鮮雞，則選大龍崗雞較佳，價錢大約七十元左右．
薑6片
蒜頭2粒(切片)
八角1粒
蔥段數條
醃料:(Optional)
鹽1茶匙、紹酒1湯匙
調味料:
生抽、老抽、冰糖、水份
做法:
1)將醃料平均搽勻於雞的表面，閒置5分鐘
2)燒熱鑊下油，下薑片4片，待鑊燒至大熱，下雞，將雞皮半煎炸至金黃色，盛起，備用．
3)燒熱鑊下油，爆香薑片及蒜片，加入調味料及八角，待汁料煮沸時下雞(雞胸向下)，加蓋轉中慢火煮約10分鐘，然後將一邊雞髀位向下，加蓋繼續煮約10分鐘，跟著再轉另一邊雞髀向下煮約10分鐘，然後將雞背向下煮片刻，最後再將雞胸位向下煮至熟透，下蔥段加蓋熄火焗片刻即成．
溫馨提示:
1)烹煮期間假若水份過少，可加入少許水份
2)假若火力太大，雞肉會變鞋，但火力過少，雞肉會不熟透，這道料理，是有少許難度的，多作嘗試，定能掌握到自己的一套烹煮方式啊~
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
