《自家製菜肉雲吞製作方法》(附短片及食譜)~^0^~
呢兩日天氣都麻麻哋，想出街又怕落雨，所以都係留守大本營煮嘢食啊~ 《自家製菜肉雲吞》製作方法，其實响4年前已經出現响我嘅youtube頻道，當期時我仲未係youtube特選戶，影片時間有所限制，所以要分幾段短片介紹，哈~但家陣比佢選咗做特選戶，可以製作時間較長嘅影片時，又冇時間拍片喎，認真諷刺啊~ hahaha 
~
言歸正傳，介紹番個《自家製菜肉雲吞》先~ 製作菜肉雲吞，有四個步驟，短片內已逐一介紹~ (1)首先要攪好一個爽彈嘅豬肉膠，(2)然後要將白菜仔預先處理好，(3)跟住將豬肉膠同菜仔混合，(4)以不同摺法包雲吞~ 以下短片已順序介紹~ 去片→
『家常靚湯』之~ 《老黃瓜赤小豆袪濕湯》(附食譜)
『濕氣重』← 呢三個字，响香港成日可以聽到，睇中醫時會聽到，轉天氣時會聽到，出濕疹時會聽到，烏眉瞌睡，瞓極都唔夠時亦會聽到，哈哈哈~要應付呢三個字，最簡單嘅方法就係煲番煲袪濕湯水，美味又養生啊~
我家大小姐踏入青春期，面上會出豆豆，呢款湯水能減少豆豆，所以大小姐飲到肚脹都仲話要飲呢~ 雖然呢款湯水都幾好飲，不過下次我會轉轉口味，煲另一款袪濕湯水比佢，唔駛獨沽一味咁寡嘛~
《老黃瓜赤小豆袪濕湯》食譜
事先張揚的~《糯米小丸子》拍攝事件
假若大家Like咗我的專頁，就會見到今早我的烏龍事件了~ 唱番支歌仔先~ 『人生如夢......夢裡不分西東』，哈哈哈~今次唔係去錯地方(以前試過)，而係攪錯拍攝日期啊~ 今朝晨咁早8:00am攞齊拍攝食材及架撐去咗將軍澳電視城，跟住call人嚟接我，點知．．．．攪錯日子
，唯有番閏啦~ 哈~．．屋企嗰位心地好到不得了嘅大老爺，知我擺烏龍後仲要踩多我幾腳，跟手响Facebook又比王子伸多一腳~ 多謝王子幫我個專頁改名喎~ 《傻師奶~騎呢煮婦生活笨事》~ 哈哈哈~你哋睇吓吖，我真係一街都係牙齒印架
~ Wakakakaaaaaa~
百福豆腐食譜~ 《木魚豆腐麵豉湯麵》(附食譜)
每星期我都會煮兩餐以上，豆腐食材嘅餸菜，因為豆腐營養價值高，但價格又非常經濟，所以雪柜長期有幾盒豆腐存貨(我時常煮，所以唔會過期的~)，而最常煮嘅係「蠔汁冬菇肉碎豆腐」，因為夠快靚正，預備連煮埋都唔駛四個字，而煮《麻婆豆腐》仲快，三個字攪掂曬，營養豐富好味道，咁你話豆腐食材，真係教我如何不愛它呢~ 哈哈哈~
以前我會買街巿豆腐，但夏天好多時會買到變味豆腐，因街巿室溫令豆腐變質，有時會嗅到豆腐有陣酸「叔」味，試過向豆腐檔投訢，後尾仲驚，冇曬酸「叔」味，換來的是有陣漂水味，為安全計，我已轉買盒裝豆腐了~
今日介紹一個以豆腐為主的快靚正麵食，就係《木魚豆腐麵豉湯麵》，簡單又營養豐富，這是我的「是日午餐」啊~
美味料理~《鮮茄香草燴肉丸》(附食譜)
哈~今朝瞓醒仲以為去咗英國(霧都)，即刻出動抽濕機，牆身先回復乾爽感覺，噢~大回南天來臨了~ 至怕濕濕笠笠嘅黃梅天氣，但唔理你怕唔怕，都係要度過的，唯有長開抽濕機啦
~
近期好鍾意食酸咪咪嘅餸菜，哈哈~我唔係有饀，只係天氣影響胃口咋~ 不過講開又講，近來身邊有不少好友有饀，假若．．我後生ｄ，都想湊熱鬧生埋一份啊~ Wakakakaaaaaa
~ (sort上腦mode啟動中~ )
《鮮茄香草燴肉丸》食譜
善待我的好拍擋~ 強勁的Fissler Deluxe Blender
從前，有一位貪玩+無尾飛陀嘅師奶，知道合作開嘅品牌Fissler，出咗一支功能強勁嘅Blender，佢嘅轉速好快，可以三兩吓手勢，連脫脂奶都打到起奶泡，Blender機身輕，操作起嚟又好靜，跟住嗰位貪玩師奶就同人哋講想用支Blender嚟整甜品、醬料、打奶泡、煮西湯......(講咗ｎ個使用方法，表現極有誠意mode~ )
「家全七福」華貴的素菜宴
十二月中獲邀到灣仔「家全七福」試菜，對~! 是2013年12月中旬，因懶散師奶將所有工作都放慢腳步，所以試菜文也未能倖免啊~ hahah~
「家全七福」不是素菜館，但主理人對健康飲食素有研究，設宴當日還邀請了Green Monday的主理人，及來自西藏的冬草夏草專家，一同品嚐華貴素宴~
春日去濕保健湯~ 《五指毛桃瘦肉湯》(附食譜)
天氣乍暖還寒，時而刮大北風，時而似夢迷離，濕度高，周圍濕濕笠笠，自然地，大家都變咗做吸濕大笨象，吸吸埋埋唔少濕氣，結果呢．．因為身體濕氣重，變得周身乏力，烏眉瞌睡，事事提不起勁（我:煲韓劇除外~哈哈哈)~
前日見到有「新鮮」五指毛桃賣，而五指毛桃有去濕健脾功效，所以買咗幾兩要嚟煲湯啊~
~ 
~ 
~
~ 
