《薑黃肉碎炒飯》(附食譜及炒飯短片)

Share

《薑黃肉碎炒飯》(附食譜及炒飯短片) 

昨日祭祖天朗氣清，估唔到今日個天喊足一日，ｄ雨落唔停咁，完全冇mood出街呢~ 哈~!唔出街但又要煮午餐，當然又要反轉個雪柜啦~ 好在之前一日買多咗包免治肉碎，可以加個洋蔥同幾粒蛋，就炒咗個「懶人炒飯」出來了~ 呵呵呵~ 

為咗令呢個咁平淡嘅炒飯變得吸引，最簡單嘅方法由調味入手，之前試過加乾香草碎，味道好得的，但冇奶油次次都係加乾香草碎架嘛~ 所以今次改用黃薑粉，哈~! 我家老爺同小姐們又好浮誇咁話:『好好味呀))))))~! 』哈哈哈~我覺得今日佢哋交戲交到過咗火位，係就係幾香，但唔係誇成咁呢~ Wakakakaaaaaa~

假若大家屋企冇免治豬肉，改用火腿都得架，總之雪柜有乜就改用乜，務求做到「清雪柜」加「唔駛出街買餸」嘅效果，既環保又慳河包，係咪好good呢~ Hahaha~唔想出街買餸都要大條道理，有時大老爺話我歪理變真理呢~ 哈哈哈~

《薑黃肉碎炒飯》食譜 
材料:
免治豬肉碎300克
洋蔥1個
蛋4隻
新鮮飯(我會將ｄ飯煲硬ｄ，因屋企好難會有隔夜飯的=.=)
蒜蓉1茶匙

調味料:
鹽適量(口味因個人而定)
黃薑粉(又名薑黃根粉)半茶匙

醃料:
淘大生抽3茶匙
紹酒1茶匙
生粉1茶匙
黃薑粉 半茶匙

做法:
1)免治肉碎拌入醃料，醃約10分鐘．
2)洋蔥切小粒狀，備用．
3)蛋加入少許鹽打成蛋液，備用．
4)燒熱鑊下油，將半份蛋炒成蛋粒，盛起，備用．
5)燒熱鑊下油，將免治肉碎炒熟，盛起，備用．
6)燒熱鑊下油，將洋蔥粒炒熟，盛起，備用．
7)燒熱鑊下油，爆香蒜蓉後，加入白飯，然後加入蛋液炒勻，然後加入黃薑粉及少許鹽同炒，最後加入所有材料猛火炒勻，即成．
以下是我的youtube短片，介紹炒飯方法，飯粒可以炒到粒粒分明，仲好生猛係咁跳架~ 哈哈哈~
 


(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~