Toshiba x ABC Cooking Studio輕鬆烤焗烹飪學堂

Toshiba x ABC Cooking Studio輕鬆烤焗烹飪學堂

因我將會為Toshiba變頻式蒸氣微波爐(又名:水波爐)製作食譜，為了解操作模式，所以上星期日參加Toshiba x ABC Cooking Studio舉辦的「輕鬆烤焗烹飪學堂」~
Toshiba變頻式蒸氣微波爐，集蒸煮、烤焗、微波功能於一身，加熱模式是『過熱水蒸氣烹調模式』加熱的，哈~我都係第一次接觸呢個名詞~ 初時都有點一頭霧水的，了解後先知原來咁厲害，佢可以於短時間內，將水蒸氣加熱至350度來進行烹調，有關Toshiba變頻式蒸氣微波爐的詳細操作資訊，下一篇幅再作分享，現在分享烹飪學堂體驗篇先~
ABC Cooking Studio的漂亮日藉導師田丸玲奈，為我哋介紹以Toshiba變頻式蒸氣微波爐製作自家製Pizza方法，Wow~原來部機除咗可以烤焗，仲可以用嚟發酵麵糰，真係好方便啊~!

首先搓咗個圓碌碌嘅麵糰先(哈~搓麵糰?? 當然是零難度啦啦啦啦~)

然後放入Toshiba變頻式蒸氣微波爐內發酵約20分鐘~

嘟嘟嘟嘟~話咁快發酵完成，麵糰分割、排氣、靜止約10分鐘後，大家開始幫Pizza造型了~ 
攝影友人:『何師奶~人家個個都咁認真製作，你可唔可以收歛吓，唔好成鬼日傻笑可以嗎~? 』
何師奶:『哈哈哈~呢個係"輕鬆"烤焗烹飪學堂，我只是表現得輕鬆點吧，但我係認真製作的，長方形的Pizza麵糰，我係碌得好整齊架~』

Pizza碌成長方形後，其中一個放上自家製蕃茄蓉同水牛芝士，表面灑上黑椒碎同鹽，而另一個則放上蒜片、芝士粉、紅辣椒，表面灑上黑椒碎、鹽及加入少許橄欖油，然後放入Toshiba變頻式蒸氣微波爐以250度烤焗約7分鐘~

Pizza烤焗期間，Toshiba代表講解『過熱水蒸氣』的烤焗原理，聽完令我釋除對變頻式蒸氣微波爐嘅疑慮，因為佢嘅操作係有別於一般微波爐啊~ 

話咁快，香噴噴嘅Pizza出爐了~\(^3^)/~ 成品好吸引呀~!

遲少少再詳細介紹Toshiba變頻式蒸氣微波爐嘅使用方法~^

(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~