養顏抗衰老、補虛扶正~ 《茶樹菇栗子雞湯》(附食譜)

Share

養顏抗衰老、補虛扶正~ 《茶樹菇栗子雞湯》(附食譜) 

哈~响街市買咗包乾貨茶樹菇，初時諗住買新鮮茶樹菇，點知．．賣曬，跟住行到第三間雜貨店先有得賣乾貨茶樹菇，睇嚟茶樹菇呢期好似好搶手吓喎~

『茶樹菇能補腎利尿,補虛扶正,促進脂肪代謝,更有養顏抗衰老作用，據國家食品質量監督檢驗中心測定，茶樹菇富含人體所需的天門冬氨酸、谷氨酸等十七種氨基酸，其中更包含了人體不能自體合成的八種氨基酸。并且有豐富的B族維生素和鉀、鈉、鈣、鎂、鐵、鋅等十多種礦物質微量元素與抗癌多糖，其營養價值明顯高于其他食用菌。并且，你知道嗎，它有滋陰壯陽、美容強身之功效，還能抗癌、防衰老。總而言之茶樹菇是一種高蛋白，低脂肪，集美容保健于一身的純天然食用菌。所以被稱為“神菇”』
哈~網上資料講到茶樹菇好似好神奇咁，唔知係真唔係呢~? 不過我覺得佢煲完啖湯水有好香菇菌味，呢樣就係真架喇~

今次我用栗子、蓮子、百合、瘦肉、雞腳同埋雞一齊煲，啖湯鮮甜到吖，真係冇得輸呢~!! 

今次我只去除半份雞皮及少許脂肪，因為聽酒樓總廚講，要有雞皮ｄ湯水先香，煲完先撇掉油份，所以大家可以睇到煲湯時表面係有雞油呢~ 但煲完撇掉油份後，即刻變靚仔了~嘩~! 啖湯鮮甜到吖，差ｄ以為落咗師傅啊~ 但天然嘅雞湯鮮味得嚟，飲完唔會口渴，仲會生津呢~ 

《茶樹菇栗子雞湯》食譜 
材料: 茶樹菇、栗子、蓮子、百合、雞腳、雞半隻、瘦肉、蜜棗、 果皮 
做法: 
1) 茶樹菇以清水浸泡三次，洗淨備用． 
2) 栗子去皮；果皮浸軟，備用． 
3) 雞腳、瘦肉、蓮子、百合汆水備用 
4) 燒熱一鍋水，加入所有材料，以2度加壓30分鐘，減壓後開蓋大火煲15分鐘，加入適量鹽調味即成． 
（假若用普通湯煲，則以大火煲半小時，然後轉中火煲兩小時，最後用大火煲半小時) 
【小貼士】 
我只去掉半份雞皮及多出來的脂肪，因聽取酒樓總廚意見，有雞油的湯水，香味更濃郁，而湯水表面的雞油，只須於湯水煲完後撇走即成． 
『溫馨提示:感冒未清，不宜飲用雞湯』

創立自1845年德國高速煲品牌Fissler，於Sogo、一田、永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~