「鮮甜滋潤」~《淡菜魚尾湯》(附食譜)

Share

「鮮甜滋潤」~《淡菜魚尾湯》(附食譜) 

呢排少咗煲老火靚湯，哈哈~都係嗰句，周身都唔得閒，仲邊樹夠時間煲老火湯吖，滾湯就多，煲老火湯真係少之有少啊~ 
每次煲老火湯，多心的我，好想每次都唔同口味，好想要ｄ食材簡單，而味道又鮮甜嘅老火湯，所以會做好多功課，周圍搵靚湯食譜，嘿嘿嘿~其實．．最靠得住嘅係我位母親大人，因為佢煲湯經驗豐富，大部份佢介紹嘅靚湯，都好啱心水嘅呢~ 

今日周圍搵湯水食譜，but..冇個啱心水嘅，結果搵番自己個食譜資料庫，係佢喇~!! 呢個湯好鮮甜呢，哈哈哈~貪新忘舊嘅思想真係唔要得啊~ 其實好味道嘅湯水，encore多幾次都無防呢~ 因為要材料簡單，但又要鮮甜嘅湯水，真係唔係咁多呢~ 呢個《淡菜魚尾湯》，是值得大力推介的~!!
淡菜是乜東東來? 《資料來源:互聯網》 
淡菜是貽貝科動物的貝肉。也叫殼菜或青口。海洋軟休動貽貝是一些雙殼類軟體動物，殼青黑褐色，生活在海濱岩石上。淡菜在中國北方俗稱海紅，是馳名中外的海產食品之一。貽貝是貝類養殖事業中的重要種類，世界許多地區都有養殖，特別是北歐、北美以及澳大利亞等地區養殖貽貝很盛行，生產數量也很大。淡菜的經濟價值很高，也有一定的葯食價值。
淡菜食療作用：味鹹、性溫，入脾、腎經；補肝腎，益精血，助腎陽，消癭瘤、調經血、降血壓之功效；用於虛勞羸瘦、眩暈、盜汗、陽痿、腰痛、呈血、崩漏、帶下、癭瘤、疝瘕等症。 哈~! 不過我只當佢係調味品咋，淡菜可以令成煲湯嘅鮮味提昇呢~ 突然間見諗江湖賣藝人金句:『有病醫病，冇事就強身健體』~ hahaha ~ 

《淡菜魚尾湯食譜》
材料: 
淡菜、花生、眉豆、豬展、大魚尾、薑2片、蜜棗 
做法: 
1)豬展汆水備用 
2)淡菜、花生、眉豆汆水備用 
3)燒熱鑊下油，爆香薑片後，下魚尾，灒酒，煎香盛起，備用(建議將煎香了的魚尾放入煲魚湯袋內，我家的魚湯袋沒有存貨，所以才沒使用~=.="") 
4)燒熱一鍋水，加入所有材料(包括煎香了的薑片)，以2度加壓30分鐘，減壓後開蓋大火煲15分鐘，加入適量鹽調味即成．
（假若用普通湯煲，則以大火煲半小時，然後轉中火煲兩小時，最後用大火煲半小時)

創立自1845年德國高速煲品牌Fissler，於Sogo、一田、永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~