Toshiba東芝變頻式蒸氣微波爐體驗篇(試了烤雞及翻熱冷藏Pizza)

Toshiba東芝變頻式蒸氣微波爐體驗篇(試了烤雞及翻熱冷藏Pizza)

Hee hee~ 其實......我是一名大鄉里，因為我對微波焗爐不求甚解，一聽到多功能焗爐時，就覺得專一ｄ好，同埋我比較少用微波爐，覺得加咗微波功能，對我嚟講作用不大，但當細心的Toshiba公關，講解變頻式蒸氣微波爐的強大功能比我知後，先知部機原來咁掂，除咗可以烤焗、微波，仲可以蒸煮，蒸煮溫度除咗基本嘅100度，仲有低溫蒸氣烹調，設定溫度是35-95度，另設有麵糰發酵功能，可設定30-45度發酵，真係越聽越吸引呢~ 

收機後當然即刻九秒九試機啦~
這部機的型號是ER-GD400HK，容量是31公升，外型呎吋(毫米)(500濶x497深x398高)，跟機配件有方型烤焗盤(兩個)，燒烤架，蒸氣儲水匣(適用於蒸煮功能)及烹調食譜，哈~我係第一次咁乖，好留心咁閱讀跟機說明書及食譜，初閱時有點五里霧中的感覺，但當實習後，覺得呢本跟機食譜真係一本天書嚟，就算唔識煮嘢食，跟佢指示就一定有運行呢~ Hahaha ~
首次使用，需要空燒一次，說明書有講解空燒方法，非常容易的，但緊記要空氣流通，因為空燒嗰30分鐘，會將庫內的油份燒完，氣味頗強烈的，建議將廚房窗打開及開抽氣扇/抽油煙機，跟住關上廚房門等佢空燒~ 

「Toshiba變頻式蒸氣微波爐」完成空燒後，我即刻翻箱倒篋，响雪柜搵到包冷藏Pizza嚟同部機剪綵啊~ Pizza無須解凍，直接放入焗爐烤焗即可~ 認真快靚正~
入爐前，表面有薄薄的霜雪~

出爐後，烤得夠香又唔會過乾，烤焗盤係不黏的，方便使用．

跟住試烤雞，先將全雞醃好，然後用沙薑粉搽勻雞皮，我用佢嘅自動操作功能烤雞，哈哈~因今次擺烏龍，明明選自動操作功能13「炸雞」，但大近視的我選錯12「照燒雞肉」功能，結果要手動加時，好在出嚟成品又ok喎，皮脆肉嫩，色澤均勻~ 哈~下次烏龍王會用番佢嘅炸雞功能，因有幾位朋友用緊呢部機，佢哋都異口同聲話部機烤雞好得，20分鐘就有皮脆肉嫩的烤雞，入廚零經驗都可以製作到美味烤雞，哈哈哈~今云我真老貓燒鬚，入廚經驗不淺，但居然大近視按錯掣都有嘅~ 呵呵呵~ 

以過熱水蒸氣功能烤雞，會將雞的過多油份迫出來，睇吓個烤焗盤有好多油啊~ 

以前我部舊焗爐，預熱到指定溫度會熄燈，要自己留意個爐幾時熄燈，而Toshiba變頻式蒸氣微波爐操作更親切，預熱完成佢會咇咇聲通知你，而事先調較好嘅時間係唔會因為預熱時減少咗呢~ 即是我調較咗以220度焗10分鐘(須預熱)，跟住按Start鍵，佢會幫我將個爐預熱到220度後，跟住咇咇聲，然後先放食材入爐，再按Start鍵，10分鐘預設時間先開始倒數呢~ 

六個設定鍵分別係:
1)Beverage(飲料)將飲品加熱，溫酒/鮮奶加熱/生果解凍等
2)Defrost(解凍)解凍肉類，全解凍/半解凍
3)Boiled(燙蔬菜)葉菜/根莖類
4)Oven Superheated steam(烘烤/過熱水蒸氣烘烤)烤雞/麵包/蛋糕/餅乾/烤蕃薯..........
5)Steam(蒸氣)蒸蛋/蒸魚/蒸飯/蒸糕/茶碗蒸/蒸布丁......
6)Microwave(微波)可預設調理時間及輸出功率將食物解凍/溶牛油/將食物加熱或高溫烹調食物
項目1,2,3及6是以微波操作，而4(烘烤)是沒有微波操作的，5(蒸氣)可選純蒸氣操作或加入微波操作

Toshiba變頻式蒸氣微波爐Q&A
我這個問題師奶，曾向Toshiba查詢了多個問題，現分享我的Q&A
Q1)其實有一重點想知道的，Toshiba變頻式蒸氣微波爐，是否內藏發熱線?(是否是上下發熱線呢?) 因打開爐門，看不到爐內有發熱線，撇除微波功能及過熱水蒸氣功能，當以"石窯烘烤"是否以發熱線操作呢? 
A1)Toshiba變頻式蒸氣微波爐ER-GD400HK在爐內設有上方及後方兩組隱藏式發熱器，烹調時可加強熱力的傳送與對流；使用及清潔時亦安全放心，不會輕易觸碰發熱線。當以"石窯烘烤"時，微波爐是以發熱器操作的。

Q2)看到說明書所指的"石窯烘烤"，是以『電波』接觸到食物，會讓水熱能，使食物的內部與外部同時加熱，這裡所指的"電波"是什麼呢? 
A2)這裡所指的"電波"是指由發熱器發出之熱能。 

Q3)請問是否於烘焙麵包時，以石窯烘烤較佳，而於烤焗肉類時，以過熱水蒸氣功能烤焗較佳? 那麼"混合石窯"功能烤焗什麼食物較佳呢? 
A3)
(1) 過熱水蒸氣令食物清爽不油膩，適用於烹調油份較高的食物，從而減少油份及鹽份的吸收，並同時保留食物的營養成份。 
(2) 混合石窯烹調是結合過熱水蒸氣與發熱器烹調，溫度可達300度，同樣適用於烹調油份較高的食物，令食物烤出焦香口感。 
(3) 石窯烘烤以熱風將食物包裹進行加熱，溫度可達350度，適用於烹調麵包、蛋糕等食物。 

Q4)尚有"燒烤"功能，作用是否幫助食物上色呢? 
A4)燒烤功能可令烹調之食品達至金黃脆邊之效果。

好多謝Toshiba公關細心解答問題師奶的疑問，令我更安心使用「Toshiba變頻式蒸氣微波爐」，而家我日日都有用部機嚟蒸煮/烤焗食物，非常好用，清潔又容易，以前焗完雞，ｄ雞油彈到一爐都係，抹條發熱線都夠我受，但而家呢部Toshiba真係勁易抹，因內藏發熱器，爐內係睇唔到發熱器(=抹少件)，而機身內壁係矽樹脂塗層，堅固耐用防刮花，清洗容易，越用就越鍾意部機呢~ 
下一篇會有「Toshiba變頻式蒸氣微波爐」食譜分享啊~ 

我所用的焗爐是Toshiba東芝水波爐，一部機具備三種功能，可分開獨立使用(蒸爐、焗爐、微波爐)，我於Facebook開設了Toshiba東芝水波爐食譜群組，方便各網友分享Toshiba水波爐的自家美味食譜，歡迎加入群組，群組連結→『Toshiba水波爐食譜及美食分享站』



(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~