我的「第二人生」計劃

我的「第二人生」計劃 
2007年，全職煮婦要照顧兩個年幼嘅小朋友，唔可以番工，為咗打發時間，所以响Yahoo開Blog分享每日所煮嘅家常小菜，冇諗過會被出版社垂青，獲邀出版食譜書，然後now TV幕後工作人員，邀請我及家人拍攝《Cooking媽嫲電視節目》，跟住矇查查擔任埋《TVB都巿閒情》上門教煮餸廚藝專家，睇起上嚟，每一個過程都係被動的，但假若沒有當日的主動(於Yahoo寫Blog)，結果亦會不一樣啊~ 

以往我只專注製作家常小菜，不過自從2011年學識咗手搓麵包後，就極之喜愛製作手搓麵包，可能我一開始已能成功掌握製作麵包嘅技巧，製成品能給予我好大滿足感，所以對手搓麵包嘅喜愛更甚於製作家常小菜呢~^^
下圖是我學懂自家製手搓麵包後，不用師傅幫手的第一次製成品~

對麵包造型繼續有所要求，聽說頂角吐司不易做，所以有段時間不停製作頂角吐司來練習技巧~

每當於網上分享麵包成品，網友們都會問我幾時開麵包班~? 哈哈~初時我覺得係網友們嘅客氣說話，不過當我為「兩地一心」籌款，而開了一堂麵包班後，開始令我有開workshop的衝動，原來大家真係咁喜歡我所教嘅手搓麵包課，24個名額於數日內爆滿~

假若開workshop，除咗麵包，亦會有蛋糕製作班，不過我要好好練習手藝先，Kelly & Ruby生日時，我曾製作過鬆弛熊唧花蛋糕比佢哋，但好耐冇製作，要搵師傅補補鐘先~哈哈哈~

開workshop現階段係我嘅「第二人生」方向，但要好好計劃，逐步實踐~ 哈~今日為何突然會想到「第二人生」，其實近月响電視睇到星展銀行的第二人生Slogan，跟住入佢哋嘅網頁，睇到佢哋舉辦有獎遊戲，只要分享心目中嘅理想「第二人生」，即有機會贏取HK$288,000現金獎賞！假若有呢筆現金獎賞，就可以加快實踐我嘅第二人生計劃，你哋嘅「第二人生」計劃開始實踐未呢~? 未就快ｄ參加啦，參加辦法好簡單，只須分享你心目中嘅理想第二人生，就有機會贏取現金獎賞，心動不如行動，我覺得寫幾行字就有機會實踐理想，所以我都參加咗喇~ hahaha~
星展第二人生有獎遊戲連結，請點擊 → https://www.dbsbank.com.hk/newchapter/03_home.php



(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~