綿滑養生粥~《南瓜粟米肉碎粥》附食譜~^^~

綿滑養生粥~《南瓜粟米肉碎粥》附食譜~^^~ 

每逄星期六/日的午餐，大多數係煲粥、撈麵同灼菜，因平日食得較heavy，星期六/日就簡簡單單清清腸胃吧~ 
今日午餐encore了這個《南瓜粟米肉碎粥》，哈~因我的家庭成員是大食怪，粥底要煲得較杰身，先令佢哋有飽肚感覺，有時我會覺得像是煮緊baby food似的啊~ haha~ 
話時話，呢個真係可以做baby food架噃，煮比BB食嘅話，醃肉時減去薑汁同紹酒，只落少許生抽醃肉即可，《南瓜粟米肉碎粥》營養豐富又好味道的呢~

超鍾意食日本南瓜粥，不過今云買唔到日本南瓜，只買到韓國南瓜，哈~!又ok喎，效果差唔幾呢~ 一樣咁香甜，但假若選用中國南瓜，味道就會稍遜，所以煲南瓜粥，現階段我只選用日韓南瓜啊~

以往煲粥，好多時都會驚滾瀉，但自從用高速煲煲粥，就少咗呢個煩惱了，而用Fissler嘅3度加壓功能所煲出嚟嘅粥，仲會超綿滑呢~ 我試過用2度加壓及3度加壓嚟煲粥，發現用3度加壓效果更好，佢會令粥更綿滑，有咗高速煲，就唔駛再頭痕點樣煲綿滑靚粥了~ 

《南瓜粟米肉碎粥》 
材料: 
日/韓國南瓜半個、粟米一條、免治豬肉碎300克、瑤柱1粒、果皮1小片、米140克、水3公升(已包括用來攪拌南瓜及粟米的總水量)(以高速煲計算) 
做法: 
1.瑤柱浸軟，備用 
2.南瓜去皮切粒備用 
3.粟米起粒備用 
4.免治豬肉碎加入薑汁、紹酒、生抽、生粉醃好備用 
5.將瑤柱、半份南瓜粒、半份粟米粒，分別加入適量水份，以小型攪拌器打成糊狀，備用 
6.將米洗淨，放入高速煲中，將所有材料加入煲內，蓋上煲蓋，將加壓裝置扭至3度，以大火煲約8分鐘左右便會發現開始加壓，待綠色線出現後，轉最細火加壓10分鐘，減壓後開煲蓋，加入免治豬肉碎，以大火/中火煮片刻，待肉碎熟透，加入調量鹽調味即成．（假若以其他鍋具煮粥，則須留意火力調較，因很容易滾瀉，建議用易潔煲煮粥，雖然風味可能稍遜，但可減少黏底．
【小貼士】 
1.先將部份南瓜及粟米粒以小型攪拌器攪成糊狀，會令粥的味道更清甜，因粟米的清甜味完全溶入粥內，假若沒有小型攪拌器則可省略此步驟． 
2.假若免治肉碎結成塊狀而難於放入粥內，可先加入少許水份將肉攪拌，肉碎便會易於鬆開，會易於放入粥內，而放入粥內時須不停攪拌，待肉碎鬆開得更平均．

創立自1845年德國高速煲品牌Fissler，於Sogo、一田、永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~