怎樣煲《綿滑白粥》(附食譜)

Share

怎樣煲《綿滑白粥》(附食譜)　

哈哈~真係有咁耐風流，就有咁耐xx喇~ 近日不停去tasting，結果消化力弱雞的師奶，終於肚皮受不了，佢．．抗議喎~ 所以今日瀉到我腳軟啊~ Wakakakaaaaaa~
瀉到腳軟都仲笑得出~? 哈~! 唔係點啫，都係我自招的，我唯有苦中作樂咁，自謿一番啦~~ hahahahaa~
當個肚唔舒服，自自然然就會記起「白粥」，而煲綿滑白粥唔係想像中咁難，假若有埋高速煲幫手，簡直可以話易到暈添呢~ 

哈~突然記番起自己ｄ烏龍事，話說我想買幾粒銀杏嚟煲粥，跟手見雜貨舖插咗個價錢牌响銀杏度，見佢寫住$20，我咪懶爽咁話:『老闆，唔該廿蚊銀杏吖』，嘩~點鬼知廿蚊有成斤咁多喎，真係有排吃了~@.@"
至於煲綿滑白粥，只須加入少許腐竹同銀杏，煲粥會變得又香又綿滑呢~ 

以前煲粥我會覺得煩少少，因為成日好驚佢會滾瀉，但而家少咗呢個煩惱， 因為改用高速煲煲粥，唔怕佢滾瀉，唔駛長駐睇火，一樣可以煲到綿滑白粥啊~ 假若用普通鍋具煲粥，老方法係在粥內加一隻湯匙以減少黐底機會，但若果粥底較杰身，都有機會黐底~ 可改用易潔煲煲粥，以減低黐底情況啊~ 

《綿滑銀杏粥食譜》 
材料: 腐竹1片、銀杏20粒、果皮1片、米140克、水份3公升(以高速煲計算) 
做法: 
1.銀杏去殼去皮，一開二去芯；腐竹浸軟備用 
2.果皮浸軟，刮掉白色部份備用 
3.凍水放入所有材料，蓋上高速煲後開火(預先將度數調較至3度)，待水滾後開始計時，加壓10分鐘，減壓後開蓋以大火煲片刻即成．食用時加入適量鹽調味． 
『假若以普通鍋具烹調，則凍水下所有材料，以大火加熱至沸騰，然後慢火煲至綿滑即成．(很久沒有用普通鍋具煮粥，所以忘記實際所須時間，一般大約一小時左右吧，要小心粥是很容易滾瀉啊~ 烹煮期間，須不定時將粥攪拌，以防黏底)』 
【小貼士】 
緊記腐竹要凍水落，否則溶得不夠均勻，會出現片狀情況啊~

創立自1845年德國高速煲品牌Fissler，於Sogo、一田、
永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~