小食篇之 ~ 《日本蕃薯香酥脆條》(附食譜)
《日本蕃薯香酥脆條》，係我其中一款喜愛嘅自家製小食，雖然製作時工夫多咗少少，但當一口咬落去製成品時，就會覺得值得花心思去做呢~ 冇添加嘅健康小食，大人細路都啱呢~
哈哈~好鍾意張製成品相片，好有日系feel啊~ (自戀狂發作中......Wakakakaaaaaa~
)
日本蕃薯150克(去皮計)
低筋麵粉180克
無鹽牛油90克
鹽2克
糖霜40克(因日本蕃薯本身有足夠甜味，所以糖的份量為40克，但如果普通蕃薯味道不夠甜，可能糖的份量要自行增加啊~)
蛋黃1個(掃面用)
黑白芝麻適量
做法:
1.日本蕃薯開邊蒸熟後，去皮起肉，將蕃薯壓成泥備用
2.低粉加入牛油，用叉將牛油壓入粉內，直接完全混合成粉粒狀後，加入鹽、糖霜及蕃薯泥，拌勻成麵糰，放置約15分鐘，備用．(如天氣太熱，可放入雪柜普通格)
3.將麵糰桿成長方形薄片(約3mm厚)，於表面掃上蛋黃，平均灑上黑白芝麻，切成長條狀，整齊排列在已鋪上牛油紙的焗盤上．
4.放入已預熱至180度的焗爐內，烤焗約20分鐘，完成後不要立即取出，待脆條留在爐內放涼即成．
【小貼士】
1.於烤焗時，有機會需要自行調節溫度，發覺脆條表面很快轉深色，可將爐溫降低少許，緊記，餘溫亦能令脆條表面顏色加深．
2.將牛油和低粉用叉混合，目的是減低手溫將牛油過度溶化．而於桿麵糰時，表面要舖上一塊保鮮紙，可減少麵棍黏上麵糰．
3.烤焗完將脆條留在爐中放涼，目的是抽乾脆條內多餘的水份，可令脆條變得更酥脆．
4.緊記脆條放涼後，要置於密封瓶內，才可保持酥脆啊~
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
