我家兩位小姐，真係超鍾意食豬手，至於我家大老爺亦是豬手嘅die hard fans，不過佢都一把年紀囉，為免佢膽固醇高，所以我只好耐不耐先炆一次豬手咋 ~>.<"~今次揀較傳統嘅配搭，《南乳蘿蔔炆豬手》，調味料除咗南乳，仲有加咗一茶匙淘大蒜蓉豆豉醬，咁會惹味ｄ呢~
材料:
豬手1隻、薑3片、蒜頭2粒、大白蘿蔔1個、紹酒2茶匙、南乳1磚半、淘大蒜蓉豆豉醬1茶匙
調味料:
南乳汁1湯匙、生抽2茶匙、冰糖40克、水份適量(須蓋過所有材料為合)
獻汁: 生粉1茶匙、水份1湯匙
做法:
1)凍水下豬手及薑1片，汆水備用．
2)蘿蔔去皮切件，備用．
3)燒熱鑊下油，爆香薑片及蒜頭，下豬手爆香，下南乳、蒜蓉豆豉醬快手炒勻，鑊邊灒紹酒，加入調味料後加蓋以猛火炆煮，然後下蘿蔔加蓋炆煮約10分鐘後，將所有材料置於Fissler高速煲內，以3度加壓15分鐘，減壓後開蓋，加熱埋獻即成．(假若全程用鑊炆煮，大約須炆煮約1個半小時，先以大火炆煮，然後以中火炆煮，最後再以大火炆煮，炆煮時須留意會否乾水，假若水份少而豬手尚未轉腍，須再添加大滾水再作炆煮，直至豬手炆腍為合，而使用高速煲，可縮短炆煮時間及不用怕炆乾水，而豬手的瘦肉部份，以高速煲炆煮會更軟滑~）
【小貼士】
凍水下豬手汆水，而不是滾水下豬手汆水，原因是豬手內的血水，遇熱水會即時鎖在豬骨內，假若凍水下豬手汆水，會令豬手的血水更易透出，可去除大部份血腥味．
永安百貨、APITA、Piago有售．
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》
我的微博，請多多關照(注) Haha~
