補肺益腎、增強免疫力~《蟲草花燉湯》附食譜

補肺益腎、增強免疫力~《蟲草花燉湯》附食譜 

自從上次响凱悅酒店飲過燉肉湯後，念念不忘燉湯嘅香味，相比老火湯，燉湯味道更香濃，原因係燉湯更存氣，材料內所有的香味差不多完全保存在燉湯內，當一打開燉盅，嘩~~!!真係好鬼香呢~ 完全冇落調味料，飲一口已經有叮一聲嘅感覺，好清香呢~!

之前响凱悅飲嘅燉肉湯，材料有陳皮、瘦肉同埋青欖，不過屋企冇青欖，但就有蟲草花喎，而蟲草花補益作用大過青欖，所以我改用蟲草花燉肉湯啊~

哈哈~今次繼續出動我嘅愛妃Fissler高速煲，貪佢夠快靚正嘛，蒸煮炆燉樣樣皆能，又唔駛睇水，平時用普通鍋具明火燉，會擔心燉乾水，但用高速煲就冇呢個問題了~ 相比普通鍋具，佢仲更密封存氣添呢~今次我用3度加壓半粒鐘，燉出嚟嘅湯水，色澤同香味都好足，假若用普通鍋具明火燉，又或者用電子燉盅，都需要燉兩粒鐘啊~^^~

《蟲草花燉湯食譜》
材料:
蟲草花、瘦肉(攪碎)、陳皮、蜜棗
做法:
1)蟲草花以清水浸泡三次，然後汆水備用
2)陳皮及肉碎置於燉盅內
3)然後加入已汆水的蟲草花及蜜棗，加入適量水份．
4)高速煲加入適量水份，水沸後加入燉盅，以3度加壓30分鐘，減壓後開蓋即成．(假若以其他鍋具燉湯，則需燉2小時)

『蟲草花並非花它是人工培養的蟲草子實體，為了跟冬蟲草區別開來，聰明的商家起了一個美麗的名字，把它叫做“蟲草花”，蟲草花外觀上最大的特點是沒有了“蟲體”，而只有橙色或者黃色的“草”，而功效則和蟲草差不多，均有滋肺補腎、護肝、抗氧化、防衰老、抗菌、抗炎、鎮靜、降血壓、提高機體免疫能力等作用。』

創立自1845年德國高速煲品牌Fissler，於Sogo、一田、永安百貨、APITA、Piago有售．
 
(我已關閉網誌留言欄，歡迎大家到我的專頁內留言~^0^~)
(我在Facebook開了專頁，方便大家留言，歡迎大家加入閒
話家常啊~)
何師奶 ~《全職"煮"婦生活逸事 烹飪分享》

我的微博，請多多關照(注) Haha~